جاهز لفتنة القبر؟ لتطاير الصُحف؟ جاهز لاختبار يقينك ف القبر؟- جاهز للميزان؟ جاهز للوقوف عند القنطرة والقصاص ؟ اليوم ٢٨ لتحضير الهدية لحببنا
كلام ناس بتخاف من الرب بطريقتهم قريتو بس سئلت نفسي هو بجد في العصر ده كم التكنولوجيا دي لسه في حد بيروح لربنا بالطريقه دي
وخوفت اكون مش فاهمه عقليه البشر لان الايه دي بترعبني بجد... ما بُعث رسول الا بلسان قومه...
يعني اي حد بيتكلم عن ربنا في العصر ده لازم يكون لابس طقية الخفي!!!!
عشان مبقاش حد طايق يسمع اصلا
قلت أعرض عليكم الكلام ده واشوف بجد بيفرق مع الناس ولا انا عايشه في عالم تاني موازي..!
بدء بالاسلوب ده 👇
- جاهز لسؤال ربنا ليك لما يقولك عبدى أنا عيشتك ٢٠ أو ٣٠ سنة أكتر أو أقل صليت فيهم كام فجر ؟
- جاهز لفتنة القبر؟ لتطاير الصُحف؟ جاهز لاختبار يقينك ف القبر؟
- جاهز للميزان؟ جاهز للوقوف عند القنطرة والقصاص ؟
- جاهز لما يقولك رزقتك العلم ليه محفظتش القرآن ؟
- منمتش على حد ؟ مغتبتش حد ؟ مشتمش حد ؟
- جاهز لما يقولك فتحت كام موقع واتفرجت على كام صورة مكنش ينفع تشوفهم ؟ عبدى أنت مش عارف إنى كنت شايفك ؟
- جاهز لسؤال ربنا ليك لما يقولك رزقتك المال ليه ما أنفقتش منه ؟
- جاهزة لما يقولك رزقتك الجمال ليه بقيتى متبرجة؟
- جاهز تتحاسب على بر الوالدين ؟
- جاهز لسكرات الموت ؟
- جاهز لنظرة ملك الموت ليك ؟
- جاهز للصراط ؟ جاهز لضمة القبر ؟ جاهز للعرض أمام الله ؟
- جاهز لعتاب الإسلام ليك ؟ نصرته ولا خذلته ؟
-عندك إجابه ترد بيها ع ربنا لما يقوك عصيتنى ليه ؟
- جاهز لما ربنا يقولك كُنت مدخن ليه ؟ مش أنا
اللى رزقتك؟ رزقتك عشان تعصينى ؟
- جاهز لما يقولك سبت كام فرض؟
- جاهز للحشر؟
- جاهز للحساب ٥٠ ألف سنة؟
-جاهز للبعث ؟
- جاهز لظُلمة القبر؟
- جاهز للسؤال عن عمرك ؟
- صليت قيام؟ صومت اثنين وخميس؟ أخبار الذكر إيه ؟
-بتوب لربنا بعد كل ذنب ؟ طب وذنوب زمان ؟
- جاهز لما ربنا يقولك بصيت على فلانة ليه؟
- جاهز قلبك يتعرض على ربنا ؟
- جاهزة لربنا لما يقولك رزقتك النقاب عشان تفتني الشباب على الفيس بصورك ؟ رزقتك عشان تعصينى ؟
- أنت عارف صوت الملكين ف القبر عامل ازاى؟
صوتهم كالرعد ... جاهز ليهم ؟
- عندك صحبة صالحة تسأل عنك يوم القيامة ؟
- جاهز ليوم تبيض فيه وجوه وتسود وجوه ؟
جاهز تواجه دا كله يا مسكين؟
جهز نفسك للموت واستناه.... بدل م تقول بكرا هتوب بكرا هبطل.. ويمكن مفيش بكرا💔
الكلام ده كان مقبول من عشره ١٥ سنه كده
لكن من بداية التطبيقات ال بقت الناس تتنفس بيها وتضيع عمرها فيها عامله زي الشلالات ال مستحيل تلحق حد لو وقع فيها
وسكرول.....!!!!!
بقت ليل نهار تضيع عمرنا كله وانتا عايش في دور السمكة كل من هب ودب بيصطاد فيك وانتا سايب نفسك ومريح على الآخر
اللهم يارب الأكوان فهمنا مايدور في كونك ومايرضيك منا وهب لنا نفوس تواقه للقياك وعيون تتطلع بنظرتك وحنانتك تعب القلب وتلوع شوقاً للقاء فأحسن الحياة وأحسن الممات يارحيم
#تأملات
#صباح_السعاده
#دعاء
#كن_له_يكن_لك
#يوم_جديدوعلي_عملك_شهيدفاشهده
#يوم_ميلادك_اشرقت_الارض
#سيتحررالاقصي
#صلواعليه
#صباح_الحب_للحبيب
#عيشهابالامل
#عيشهاصح
#عيشهابالحب
#عيشهابالعمل
تعليقات
إرسال تعليق