التخطي إلى المحتوى الرئيسي

ماهو التوازن في الحياة؟ كيف أحقق التوازن في حياتي؟ لماذا أصبح من الصعب تحقيق التوازن؟ اليوم ١٥ للتوازن الروحي والجسدي والعقلي

ياترى وصلنا لفين في رحلة التوازن؟






بمجرد انك تسئل نفسك كل يوم اخبار توازني الروحي والجسدي والعقل ده في حد زاتو وعي

 وهو أقصى ما اتمناه ان نخرج من هذه السلسله به

وعي انك تمشيهم كلهم في خط واحد وتحاول تعدل الدفه بتعتك زي صاحب مركب خايف يغرق ماسك المقداف بتاعو شمال ويمين مركز جدا ليه؟ 

علشان خايف من الغرق

اهو احنا هنا هدفنا نحسسك انك بتغرق فخاف!!! 

يقظة

وعي

استقبال

فاتح قلبك بشكل دائم خايف حاجه فيك تيجي عليكي تضيع كل تعبك في الأرض 

لو اطمنت ونمت وريحت على وحده فيهم هضيع صدقني

فمثلا 

قلت انا بطل العالم في رفع الأثقال... فا مش قلقان من جسدي خالص

 او بكتب كتب وبقرء كتير ومشغول على طول فكريا او قاعد ليل نهار بتصلي وتصوم وسايب جسمك يتبهدل ومش بتتحرك 

كلها أفعال جميله لكن بزويه

ميله يعني وحده جاي على حساب اتنين 

متوقع يحصلك ايه بعد كام سنه؟! 

اكيد خلل مِلت للجسد وركزت في غذاك وتمارينك وبقيت تمام  هتمرض روحك ويمرض عقلك والعكس وهكذا 

كل مشكلتنا اننا مخدوعين في التوقيت الزمني 

نسينا انها خدعة الحياة الدنيا 

          انها أكبر مقلب بنخدَو في حياتنا 

بنسرح ونفتكر نفسنا عايشين فيها على طول كلنا عارفين اننا كلنا ميتين

لكن بردوا كلنا بنسرح ونتوه عن حقيقة المعنى ده 

لو خايفين صح مستحيل تميل دفتنا عن وحده من ٣ دول

 فأكيد هنهتم بروحنا بنفس مقدار علمنا وبنفس مقدار جسدنا 

يعني مطلوبنا اليوم اننا نفوق 

ونركز ان سر توازنك 

       ده هيخليك تخرج منها على خير 

وبصحة تمام وعقل تمام وروح تمام 

انك تتخيل نهاية الهدف رايح لفين بيفكرك كل يوم هيشجعك انك تكلمل وتبطل كسل قوم اتحرك

مش قادر الشتا مثبتني في الأرض 

طيب ابتديها وحده وحده حرك ايدك بشوية حديد طيب حتى من غير حديد حرك ايدك وكررها عشرين مره كل ساعه اعمل تمرين استرتشات ولو خمس دقايق بس وشوف فرقها في نفسيتك حاول تجرب مش هتخسر حاجه 

زيهم بردو خمسه كده وبص علي اي كتاب قرائة بس اقفل النت خالص وركز في ٥ صفحات بس 

بتحرر روح الانسان من عبودية العادات العلم نور مع كل صفحه بتقرئها بتحرك حاجه جواك منتش حتحسها الا اما تستمر عليها 

تعالي زيهم خمسه بردو واحفظ دعوه معينه احفظ جملة انجليزي او اي لغه بتحبها احفظ ايه المهم  شغل ملكة الحفظ بيشتغل عقلك وينتعش كده وتفوق 

     جرب بردو اما تكون عصبي وغضبان

 اتحرك جهد بدني 

وبعدها احفظ حاجه اي حفظ بعد جهد بيلذق

وبعدها استرخاء روحي 

كلو مش هياخد في ايدك تلت ساعه بس 

بس سبحان الله هتحس بتغير رهيب في مودك وكأنو السحر بعينو بس بايدك انتا

مرحتش لحد يخرجك من مودك

ولا احتجت حد يطبط عليك 

انتا بنفسك سعدت نفسك بس شوية ثقه في النفس وحققها اسبوع متواصل علشان توصل للثقه دي 



انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

إرسال تعليق