التخطي إلى المحتوى الرئيسي

انتا الحاسد ايوة انتي الحاسده مش حد تاني واليوم ٢٧ للتوازن الروحي والجسدي والعقلي

 بمجرد متكون طاقتك شر من ناحيه اي حد انتا بكده بدمر حياتو حرفياً


            طاقة الحسد فينا كلنا ونحن لا ندري 

بعد طول بحث عرفت ان الحسد ده مجرد طاقة

        لقلب شايل ومكدر نفسو من ناحية حد 

وعلى اخرو منو 

وبكده شوشو همو الأساسي انو يخلينا نشيل من بعض عشان نوصل للي هو وصلوا وهي اول معصية جبتو الأرض 

        الحسد

ازاي بيوصلنا للحته دي؟ 

حببنا علمنا ان التشاحن بيفقد العمل كلو بيقبل ربنا مننا اي عمل الا المتشاحنين 

ليه؟ 

المتشاحن يعني حد بيسخن حد على انو يشيل من حد وقلبو يسود من نحيتو

يعني الهدف الاول للحياة اننا نعيش في سلام وحب وود واي شئ ضدد ده يبقى من العدو وال بيسمع ويمشي ورا كلام العدو بيسود الدنيا حوليه 

بمجرد ماتشيل من حد بيتحرش الشيطان بيك علشان يزود الطين بله

ازاي؟! 

يخليك تفرغ طاقة الغل بتعتك في أقرب حد ليك ويخليه يشحن منو كده ضمن العدو انو يوقعك في أكبر معصيه وهو الشحناء

 الخطوه الجايه بقه الحسد 

طاقة الشحن دي لازم توصلك لطاقة الحسد وكل حد مكنش ممكن تصد ق ولو لحظة انو بيحسدك تلاقيه بقه يحسدك ليه؟ 

علشان تتبع خطواط الشيطان موقفهاش على طول وعمل قط

وعلشان شيطانو عرف منو نقطة ضعفو انو عندو عزة نفس فقالو تعالي ياحبيبتي دنتي كده تمام مستعده لاي حاجة ارميها فيكي واول ما بيرمي حد يجرح احساس سعتك  يجي عند نقطة ضعفك شوشو

وكده  تمام وصل لغرضو منك من غير اي مجهود لان نفسك سعدتَو هيا التقمت الفتنه جت على هواها شوشو بس بيسنترها ويكملها بطاقة الحسد علشان هو انطرد من الجنة بسبب حسدو على سيدنا ادم وبالتالى لازم يوقعنا في نفس الحفره عرف بيحبها

 من فين؟! 

من الشحناء

  يولعها بكل طريق ممكنه علشان بمجرد ما طاقة الحسد تشتغل عندك هو كده ضمن ان كل حسناتك بح طارت في لحظة

زي ما حببنا علمنا 

إن الحسد بياكل الحسنات كما تأكل  النار الحطب

وبعدها على طول الذنب الأكبر الكبر 

الكبر ما هو إلا  الخطوه التانيه من الحسد وبجده يجيب أجلك ومتشمش ريحة الجنة 

 وده كل ما يريده العدو منك انك تتعب وتجاهد نفسك وتقطع شوط كبير في الطريق وتبزل كل الجهد  وفجئه تجيلك ساعة ضعف تكون مهزوز فيها وعادتاً بتجيلك مع التغيرات النفسية والفسيولوجيه بمعنى ساعة تكون اتصدمت عاطفيا 

او ماديا حصلتلك هزه 

ومن الناحية الفسيولوجيه لخبطة الهرمونات او التعب الجسدي الشديد الاوجاع بكل انواعها

 كلها حاجات بتخلي الإنسان في حالة عدم استقرار الهزه دي مستنيها الشيطان 

هنا بيدخل وهنا بيلعب لانه طول منتا قوي هو خانس ومستخبي وبيتفرج علينا بيدرس الضحيه بكل هدوء واول ماتجيلو الفرصه بينقض عليك وبيدمر حياتك تدميراً ومن انواع التدمير الحسد

يرمي في طريقك وانتا في عز ضعفك العاطفي اتنين بيحبو في بعض وأسرة سعيده مثلاً وانتا عايش حياة ضنك فأكيد هتعمل مقارنه بينك وبينهم اول متقارن نفسك بحد اعرف انك وقعت في الفخ

         تاني خطوة من خطوات الشيطان 

السخط وجواك بيصرخ ليه مش انا 

وليه انا كده وهما كده 

اهو ليه دي أصعب كلمة بيصرخ بيها قلبك بتكون سلمة توصلك لآخر سلالم الحسد

 وهو انك تتمنى تكون زيهم اول ماتتمنى بيحصل الحسد

 بيخرج منك طاقة سلب للنعم 

هنا بتتكتب حاسد عند الله يعني بتتحرق حسناتك كلها في لحظة  

وطاقة الحسد دي طاقة ظلام لو ال انتا بتحسدوا مكنش محصن نفسو باذكار الصباح والمساء بكل قوته ممكن تحولو لرماد كما تعلمنا ان الحسد ليدخل الإنسان القبر ربنا يعافينا من أن نكون حُساد او محسودين فالأمر أخطر مما نتخيل 

لو وصولك الشيطان لهذه المرحله وانتا

لا تدركها فسيكون ملعبو ال بيلعب بيه عليك مسك عليك نقطة ضعف

 يسيبك تعبد ربنا زي منتا عاوز ويستناك يسحبك وحده وحده لغاية مايكون دئبك انك حاسد ويبدء يشحن ال حوليك بكده مش كفايه وصلك ليها لا كمان بيفضحك عندهم وحده وحده لغايه ما الكل بيعرف انك حاسد 

السؤال بقه 

كلنا بنقول اننا محسودين محدش ابدا اتهم نفسو بأنه حاسد او حتى اعترف بانو وقع في فخ الحسد ده ليه؟ 

لانه خبيث وماكر خطواته مدروسه بدقة متناهيه مستحيل يوصلك انك تلوم نفسك على كده بس الناس هما ال وحشين وحساد وشرريين انتا تمام وكويس وغلبان وتعيش دور الضحيه يامسكين وما أجمله من دور بيسكن القلب ويريح الدماغ من الجهد والفكر وادينا عايشين 

طيب حصل واتحسدت وقعت في الفخ ده

     اعمل ايه؟ 

خلي الايه دي سندك صدقها بكل قلبك ثق في إن الرب هو السند والصاحب ويراك وعارف انتا فيك ايه الايه بتخليك في عز توترك تهدي 

«فَلَمّا أَلقَوا قالَ موسى ما جِئتُم بِهِ السِّحرُ 

                                            إِنَّ اللَّهَ سَيُبطِلُهُ

 إِنَّ اللَّهَ لا يُصلِحُ عَمَلَ المُفسِدين

هذا في السحر الاشد خوفا ورعباً فما بالكم بالحسد اكيد ربنا هيبطله ويحميك بس انت الحق نفسك وارقيها واستغفر على تقصيرك في الأذكار الموضوع هيعدي بسرعه متقفش كتير عندو 

            بس اتعلم وكمل

وخاف لتكون في يوم من الايام في وضع العكس انك انتا ال تحسد الناس 

ازاي احصن نفسي؟ 

بالاذكار والاوراد والسجود بيحول طاقة الحسد لطاقة رضي والصلاة على الحبيب بس تكون من قلبك والخوف من انك لو مجبتها من قلبك هتقع في فخ الحسد

هل الحسد يسبب الموت؟

 عن حبببي -صلى الله عليه وسلم-: «الْعَيْنُ حَقٌّ، وَلَوْ كَانَ شَيْءٌ سَابَقَ الْقَدَرَ سَبَقَتْهُ الْعَيْنُ، وَإِذَا اسْتُغْسِلْتُمْ فَاغْسِلُوا» 

فالصحابي سهل بن حنيف كان يغتسل ولون بشرته أبيض، فقال عامر بن ربيعة جلده كاللبن، فخر سهل بن حنيف مخشيًا عليه، فذهب به بعض الصحابة إلى سيدنا النبي -صلى الله عليه وسلم- فقال: «عَلامَ يَقْتُلُ أَحَدُكُمْ أَخَاهُ هَلا إِذَا رَأَيْتَ مَا يُعْجِبُكَ بَرّاَكْتَ»

يعني تقول تبارك الله ماشاء الله 

اللهم لك الحمد حمداً يوافي نعمك ربنا هب لنا نفوساً راضيه مرضية ساجده تحت عرشك ساكنه برضاك ومن شر حاسد إن حسد إحمينا واحفظنا بحفظك ياحفيظ 

انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

  1. اللهم لك الحمد حمداً يوافي نعمك ربنا هب لنا نفوساً راضيه مرضية ساجده تحت عرشك ساكنه برضاك ومن شر حاسد إن حسد إحمينا واحفظنا بحفظك ياحفيظ

    ردحذف

إرسال تعليق