فاكرين النظاره اللي كنت بتكلم عليها زمان
النظاره والمعتقد
كنت بتكلم زمان عن النظاره علي حسب نظارتك علي حسب منتا شايف الدنيا
لابس نظاره سودا هتشوفيها سودا
لابسها حمرا هتشوفيها حمرا
علي حسب منتا شايف الدنيا بتعتك
وزمان كنا بنقول تعالوا نلبس نظاره سيدنا النبي صل الله عليه وسلم عشان كده دايما بندعي اللهم ارنا الدنيا بعين حبيبك
مع العمر والعيشه والدنيا والمستجدات الحياتيه الطبيعه والواحد بقي شاف كتير
شاف المتدينين او مدعي التدين
شاف الناس اللي كانت متدينه في يوم من الايام ووقعت
شاف الناس المتخيلين نفسهم أنهم لسا مش واقعين وعايشين الحياه وحافظين وماشين زي مكانو زمان شاف بقي ناس اانيه ملهمش
في القصه دي خالص من خلال قرأتي الكتب المترجمه ناس اساسا ميعرفوش حاجه عن ربنا ومصدقين نفسهم اوي
زي الشيخ محمد عبده رحمه الله عليه قال لما سافر فرنسا ذهبت لبلد بلا إسلام فوجدتها مسلمه
وذهبت لبلاد المسلمين ولم اجد إسلاما
انا حصلي كده انا شوفت كده من خلال قرأتي والكتب من غير ما اسافر لان الكتب المترجمة الان وفرت علينا سفريات كتير بتعرف ثقافات الغرب مَوانتا في مكانك مرتاح
والإمام الغزالي عمل كتاب جدد حياتك تعليقاً على كتاب لديل كرنيجي دع القلق وابدا الحياه
ده لوحدو ليه حكايه من كتر ماهو استفز الامام الغزالي وعجبوا تحس أنه راجل داعيه وراجل صوفي لكن هو في الحقيقه راجل مبشر مسيحي
أنا عرفت كرنيجي من الامام الغزالي كلام ده من زمان دلوقتي تي هارف وازاي تكون مليونير وكل الكتب اللي ابتدو موخرا يترجموها ويوصلو العلم بتاعهم لينا وزي مقولنا ابتغي الحكمه ولو في الصين وخذ الحكمه من أفواه المجانين
فالباحث عن الحكمه في كل مكان وزمان هيلاقيها المهم من خلال لفي ودوراني ده كله في العالم المحيط بيا
كان عندي شغف اوي اعرف كل حاجه عارفين اللي هو بتكنش عايزه اعرف هنا في ايه والعالم ده في ايه والكوكب اللي غير الارض ده في ايه ولما باجي اتفرج علي افلام مبتفرجش غير علي الافلام الخاصه بالخيال العلمي افلام الفضاء سبحان الله ربنا وراني كل حاجه من غير مسافر ولا اتعب من خلال الكتب بجد اللي عايز يسافر العالم واللي عايز يغير جو وعايز وعايز كل ماهو جديد هتلاقي في عالم الكتب المترجمه وقرأتك للعالم الاخر وتشوف منظور الناس اللي هما مش مسلمين بيتكلمو ازاي ده فيها اعتقاد بقه ده طلعت نظارتهم جديده اسمها نظاره الاعتقاد يعني علي حسب اعتقادك علي حسب حياتك فاكرين زمان لما كنت بقول الدنيا دي عباره عن مرايا ليكي وتحسب انك جُرم صغير
وفيك انطوي العالم أجمعو
دي حقيقه انتا لابس نظاره ايه هتشوف الدنيا من خلالها يعني كل ماهو تفصيله في حياتك هتتحول من خلال نظرتك انتا للشيء ده
يعني مثلا واحده دلوقتي عايشه في بحر الاشيء جوزها وبنتها وبس مش شايفه اي حاجه في الدنيا في حين أنها كانت زمان بتلعب كونغفو وشاطره اوي في الكليه وبتطلع الأولي وفجأه انقلبت حياتها رأسًَاً عن عقب وبقت واحده قاعده غايصه ف حته معينه انا بكون عزرا الواحد لما لبس النظاره مؤقتاً فبتالي عكننتو وصدعتو وجري بسرعه سابها ورجع لنضارتو القديمه لابسها
لكن انك تلبس نضاره مشوشه ومخربشه ومبهدله وتعجبك وتكمل بيها عادي ده حتي لما اقولك البسي نضاره مش مقاس عنيكي بتوجعلك نظرك ونظرك بيضعف اكتر واكتر اهو انتو كلكو كده لابسين نضاره مش بتعتكو لان انتو في يوم من الايام كنتو لابسين نضاره حلوه وفجاه اتأقلمتو علي الصداع بتاعها واتأقلمتو أن نظاركو كل شويه بيقل بسببها وعايشين الحياه عادي
فبتالي شايفين الحياه من خلال النضاره اللي انتو لابّستوها لنفسكم اللي هي ايه الغوص في الأعزار الغوص في الشماعات
في غيرك عندها عيال واحد واتنين وتلاته وانا اعرف امريكيه عندها خمس عيال ماشاء الله وعايشه حياتها جدا ومثقفه جدا الجواز والخلفه ممنوعوهاش تعيش انسانه طبيبعه وانسانه ناجحه في حياتها زي مثلا واحده تانيه دي لابسه نضاره السلفيه طب ايه نضاره السلفيه واعتقاد بتاعها أن كل شيء حرام فبتالي نظره عينها لكل شيء حوليها هي حلوه اوي وأساس وتربيتها كويس بس تيجي تتكلم معها في حاجه غير اللي هي شايفاه بالنضاره بتاعتها هتلاقيها بتخدك في الحته اللي هي شايفها
بستغرب منتي لسا كنتي بتتكلمي حلو دلوقتي انتي كنتي طبيبعه زينا دلوقتي إذ فجاه لما نيجي نتكلم في المعتقد بتاعها تلاقيها حودت وبقت ناشفه وبتتكلم بعنف في شيء خاص بالدين تيجي تتكلم في أمور الدنيا تلاقيها لذيده وبتتكلم وبتضحك وتمام فجأه تيجي تتكلم في المعتقد الدنيا بقي خربت
المهم قضيه النضاره وقضيه المعتقد ده بيتبني عليه كل شيء
نجاحك وفشلك مبني علي ايدك اللي جات في يوم من الايام ولبست النضاره دي
طيب انا بلبس النظاره دي امتي؟!
يعني أنا بغير نضارتي كل تلات شهور بتاعت القراءه بروح اقف في الصيدليه اغير نضارتي واشوف نظري أقل ولا ايه اول مره كنت بخدها 1وبعدين 2 وبعدين 3 من خلال اني واقفه ماسكه نضاره وقاعده بغير فيها كل شويه
انا عايزكو تيجو النهارده امسكي بايدك كده نضارتك واقلعيها شويه تخلي عن معتقداتك ولو نص ساعه اقعدي من غير نضاره شويه فضي نفسك
انتي مش انتي
مش بنت فلان ولا علان
امسحي تماما كل الداتا القديمه
اللي في دماغك دلتي الجهاز بتاعك واقعدي من غير نضاره
قرري النهارده انك تقعدي من غير نضاره من غير اي معتقد خليكي فري كده
خليكي حره من جواكي عشان مش هتحسي انك محتاجه تلبسي نضاره اصلا طول منتي حاسه بالحريه دي انا عايزاكي تكوني بيور زي ماربنا خلقك ازاي نوصل للمرحله دي؟!
النهارده 15 رجب عايزين نركز ازاي هقلع النضاره بتاعتي
اي وقت من 24 ساعه اختاري اي ساعة واحده بس تكوني واثقه أن مفيش مخلوق هيكون معاكي فيها وتغتسلي بنيه
انا عاوزه اكون حره
انا قررت اقلع نضارتي
اللي لابستها طول حياتي انا عايزه ارجع فلانه اللي لسا مولده من بطن امها دلوقتي خدي قرار ده نمره واحد
2 أثناء وانتي قاعده القاعده دي خلاص اغتسلتي وبقيتي نعنوشه وفرفوشه وبرفنتي وسرحتي شعرك وبقيتي تمام
اقعدي مع نفسك وهاتي ورقه وقلم
واكتبي انتي مين
..... انا فلانه اللي مامتها فلانه وبابها فلان واللي حطو فيها من وهي صغيره واحد اتنين تلاته
..... ولا فلانه اللي حبيبها صل الله عليه وسلم وبس
اختاري اي نضاره اللي ناويه تلبسيها
واللي عايزه تكون حره من غير سيطره اي مخلوق في الدنيا غير حبيب واحد ورب واحد
...............ولا فلانه اللي نفسها تكون صايعه وبتلبس زي ماهيا عايزه وتخرج زي ماهي عايزه وتبقي حره من غير اي قيود اجتماعيه ولا دينيه
بجد خليكي صريحه مع نفسك
هاتي الورقه والقلم وهاتي تلات اوبشنات دول انتي راضيه بحالك اللي انتي كنتي عايشه في فلانه بنت فلان مرات فلان اللي متجوزه فلان ومخلفه عيال كذا وكذا اقعدي اكتبي كل ده ولا فلانه الاختيار الديني بقي الجميل من غير اي معتقد غير اني بحب سيدنا النبي صل الله عليه وسلم وبحب ربنا وبس ولا نمره تلاته الصايعه المجرمه اللي جوايا دي اللي عايزه تصيع وضيع وتلبس زي ماهي عايزه
حطي التلات اوبشنات قدامك
وكوني واضحه مع نفسك
متقوليش هختار نمره اتنين سيبي نفسك لنفسك واخرجي بره سجنك
اقلعي كل نضارتك
اقلعي كل هدومك
اللي انتي لابساها انتي لابسه هدوم ليرز علي حسب عمرك لو عمرك 25 سنه انتي لابسه 25 قطعه علي جسمك تخيلي لو عمرك 40سنه انتي لابسه 40قطعه علي لحمك
قد ايه انتي مخنوقه
انتي مسكينه
شيلي الليرز دي كلها اقلعي انا مش عايزاكي تعملي حاجه في الساعه دي غير انك تقلعي كل ليرز اتطحت فيكي فكل سنين عمرك اللي فاتت
وتعالي بقي قوليلي حسا بايه
#صلواعليه
#شهررجب
#رجب_الحب
#رجب_المعظم
#صباح_السعاده
#دعاء
#كن_له_يكن_لك
#يوم_جديدوعلي_عملك_شهيدفاشهده
#يوم_ميلادك_اشرقت_الارض
#سيتحررالاقصي
#صباح_الحب_للحبيب
#عيشهابالامل
#عيشهاصح
#عيشهابالحب
#عيشهابالعمل
تعليقات
إرسال تعليق