الفتن الخفيه واليوم ١٤ لشهر شعبان الحب

جتلي خاطره بتقولي أن اصعب فتنه كلنا عارفنها فتنه الدين احنا فاهمين فتنه الدين زي منا كنت فاهمه كده أن انك تروح في طريق  التطرف الديني بكل أنواعو سيدنا النبي صل الله عليه وسلم قال

              كِلا طرفي الامور زميمها

 يعني المُغالاه الزياده عن الزوم في كل شيء زميم وكذلك جعلنكم أمه وسطا

ُامه سيدنا النبي صل الله عليه وسلم سمتها الوسطيه سيدنا النبي قال تفترق امتي علي ثلاث وسبعون مله كلها في النار إلا واحده الواحده اللي الكل بيدعيها لكن الحقيقة انها الوسطية 

ال ربنا قالها بشكل واضح في القران وكذلك جعلنكم أُمةً واسطا يعني انسان طبيعي جدا عايش حياتَو بياكل بيشرب انسان مش متطرف مش كل حاجه حرام اليوم التطرف بقه طبيعي 

لكن الطبيعي أن احنا نكون ماسكين الدنيا والاخره عشان كده دايما بقول انتي كمسلمه مكلفه بقضيبين العباده والخلافه

 ماشيه عليهم لو واحد فيهم وقع يبقي انتي دخلتي سكه من سكك التطرف 

العباده والخلافه هي مهمتنا في الأرض دي 

ربنا قال ايه إني جاعل في الارض خليفه وقال                         وماخلقت الجن والانس إلا ليعبدون 

انك تكوني متوازنه بين العباده والخلافه وانك تربطي بين عبادتك وخلفتك وانك تشوفي العباده دي اصلا أثمرت عن خلافه ولا لأ وإن لم تُثمر فهي هباء اي عباده بتعمليها لم تثمر عن خلافه فهي هباء غير مقبوله اللي عايزة تعرف العمل مقبول ولا لأ

     يوم بيوم انتي بتعرفي عملك مقبول ولا لأ

أثمر خاطره جديده للخلافه ولا لا غيرت شيء كان موجود غلط 

بصدق العباده تكن صدق الخلافه 

مهما تقولي يارب هب لي من لدنك عمل صالحا  يقربني اليك وانتي في عبادتك فيها خلل مستحيل ربنا هيديكي العمل اللي هيقربك منه 

في حته الفتنه في خاطره اللي جتلي دي عشان شوفتها بعيني بس الحمدلله الذي عافانا أن واحده من بناتي عاملها حظر من الحاله مع العلم أنها كانت أول واحده بتشوف الحاله وهي بعيد عني كانت بتشوف الحاله كانت أول واحده بتعلق في مقال وملتزمه لمده تلات سنين من ساعات مبدأت الموقع بتاعي هي أول واحده بتشوف حاله وفي الفجر كنت دائما احطها قبل الفجر بنص ساعه عشان اشوف مين اللي صاحي ومين اللي نايم وهي كانت فاهمه حته دي عندي توقيع بتاع كل يوم في الفجر اللي انتو خبتو فيى هي كانت شاطره واخده امتياز مع مرتبه الشرف تلات سنين بتشوف الحاله اول باول بتعلق اول واحده اكتر واحده كانت ملتزمه بكلامي مهما،، ان شاء اقول يامعسله يابطاطا المهم أن كلام ده ليكي انتي 

 لما واحده زي دي تتحرم من أنها تشوف الحاله في الشهور الكريمه من نص رجب لغايه دلوقتي وهي لا تدرك شيء زي ده يبقى ايه

الصدق مع اهل الكذب كذب 

لان انك هتتأذي منه وهتروحي في ستين داهيه لو اتعملتي ببراءه اوي مع حد وحش اوي لازم هيجي ويحط عليكي حططان وحش 

الشاهد من الكلام ده اسمه استدراج امتحان هي متعرفوش وانا بخاف من حته امتحانات اللي انا مفعرفهاش عشان كده بقولكم فتنه رجب فتنه مستخبيه اوي خبيثه 

المؤمن مرئاة اخيه يعني بقيس حالي باللي قدامي وبخاف من ربنا من خلال اللي قدامي بردو يعني اضرب ابمربوط يخاف السايب لو شوفت اللي قدامي بيحصلوا استدراج معين خبيث اوي من تحت لتحت فبخاف لحسن يحصلي كده انا كمان 

لحسن يكون بيحصلي وانا مش دريانه الخوف ده ربنا بيحبو اوي فينا الرغبه القاتله في شيء هي اللي بتبين انتي صادقه ولا مش صادقه انتي هتموتي علي شيء ده ولا لا زي واحده بتقول انا فشلت أن اخلي جوزي يصلي ويقرب من ربنا دي مكنتش رغبه قاتله عندها لو عندك رغبه قاتله كان زمانه اقرب من ربنا من اول سنه جواز هي طاقه انسان طاقه حب او طاقه كره اكبر طاقتين بيتحكمو في الكون ده كله 

سيناريو الكون ده كله مبني علي الحجتين دول طاقه الخوف وطاقه الحب أو طاقه الشر و طاقه الخير 

طاقه الخير لو مش اقوي من طاقه الشر اكيد الشر هينتصر 

دائما كده في الافلام ينتصر الشر علي خير بس يجي قبل نهايه الفيلم بربع ساعه يقولك لا الخير انتصر في الاخر دائما حته الخير بتنتصر في اخر وطول مده الشر طويله اوي ودي حقيقه مش بس في الافلام دي حقيقه في الكون هتلاقي ناس الطيبه محطوط عليها اوي في الدنيا ويدوب في اخر عمرهم بسنتين تلاته تبتدئ الدنيا تنور معاهم ودي سُنه الكون 

عشان كده ربنا قال وإن تُطع أكثر من في الارض يُضلوك عن سيبل الله 

لو مشيتي مع الاغلبيه فأنتي داخله في سكه الضلال ربنا يعافينا من كل ماهو شر وربنا يعلي طاقتنا في طاقه الخير ويفهمنا الفتن اللي حوالينا عشان نفهم الفتن اللي دخلت ايه 

 رد القراء علي مقال 

س. م 

انا فتنتي كلها في موبيل وتضيع الوقت ولما يحصل مشكله بيني وبين جوزي مش بلومو لان غلط كل غلط عليا انا لي يوصل حالي يبقي كده 

بكتب اهداف ووجبات اعملها واجي بليل محسبش نفسي وهكذا ويتكرر 

ولو بنقع نفسي في عباده عشان اجيب خلافه ولا العكس 

بعدها يبتدئ سيناريو قله توفيق في حياتي كلها حرفيا مفيش توفيق 

بحس حالي انا متبنجه كل حواسي واخده بنج حرفيا 

اول ماهم وهقوم خلاص افوق تيجي ضربه تبنجني تاني 

طب ليه ضعيفه كده ومن شويه هوا بقع عشات انا اللي سايبه نفسي من غير رقابه 

جوزي دائما يقولي انتي عايشه كده بتقولي كلام وانتي مش مقتنعه بيه لو مقتنعه كنتي عملتي ويمكن مشاكل اللي بينا عشان انا بيكون ورايا حاجات كتير اعملها واجي اعملها في اخر وقت من اكل او اتنضيف بيت او أي التزامات عليا عشان كده انا عارفه نفسي مش بعمل اللي عليا 

وفعلا لو عندي رغبه كان زمان الحال اتغير 

بس تقصيري في عبادتي وتضيع الوقت هو اللي وصلني لكده

رد القراء علي مقال 

ن. م 

الدنيا كلها قايمه عليا حاليآ

مش طايقه الناس كلها

عندي مشاكل مع بابا ودلوقتي لسه شادة انا وماما

وعيله جوزي كده كده في وادي لوحدهم اصلا ومشاكلهم اللي بتطولني 

بنتي اتبدلت، على طول زن زن وقريفة ومش بتاكل وتعبانه

جوزي واخد دور برد شديد و راقد

البيت يضرب يقلب

امبارح بليل سيبت كل حاجه وقعدت اعيط

مش عارفه ابدأ منين

أنا نفسي مش متظبطه، أنا مش عارفه اقرأ قرآن صعب عليا اوي

فكرت أصوم من إمبارح عشان اتهد واتعدل صحيت الصبح شربت مايه ونسيت وفطرت

 .: الحمد لله الحاجه الوحيده اللي كويسه دلوقتي إن بنتي ضيعت ريموت التلفزيون ومش مفتوح بقاله يومين اهو

ودي حاجه عظيمة والله عشان مهربش من المشاكل واواجها

.: مشاكل مفتعله عماله تتعمل في كل مكان

.: حاسه ان الدنيا عندي مولعة

 .: سواء من عيلتي او من عيله جوزي 

: والمشاكل دي طايلانا اصلا

.: نفسي اسيب كل حاجه وأمشي اقعد في مكان لوحدي.: يعني حاليا لا بابا ولا ماما ولا اخواتي عارفه اكلمهم

النفوس كلها شايله ومعبية .: وأنا مفيش حيل اناهد وأصلح او ادافع عن نفسي

 .: يعني حتى لو مظلومه في حاجه، مش بتكلم سايبه اللي يفهم حاجه يفهمها

.: وفي الاخر اجي اقعد اعيط مع نفسي واشتكى لربنا

.: حاجه تانيه حلوه مع ضياع الريموت اني مليش نفس للأكل اصلا وباكل اي حاجه بسيطه بالعافيه عشان خاطر بنتي 

يعني هطلع بفايدة تانيه واني اخس شويه بدل ما ركبتي بدأت تطأ ومش قادرة انزل من ع السلم اصلا

 .: اصلا قرفانه من جسمي

.: لا و فوق كل ده وجوزي بيقولي خدي البنت و روحي عند ماما 😳حماتي عشان انا تعبان ومش قادر اروح

قولتله لأ

 و اضايق

: يقول لنفسي يعني هو انا طايقه نفسي عشان اروح اشوف حماتي اللي انا اصلا مش عارفه استحمل كلامها في الأيام العاديه عشان استحمل كلامها دلوقتي

مرواحي هيجيب مشاكل اكتر أنا متأكده لاني مش طايقاهم كلهم

 .: هتقولولوي عملو حاجه جديدة يعني؟

معايا لأ

لكن دلوقتي الشيطان مفكرني بكل حاجه وحشه حصلت معاهم وبالمشاكل اللي حصلت فاكراها دلوقتي

.: طبعآ ماما طلبت إننا نطلع اللي جوانا عشان تصلح وتنضف اللي جوانا

أنا خرجت كله دلوقت لاني حسيت لو قعدت شويه كمان هنفجر: 

أنا والله عايزة ابقى كويسه و عايزة اتعدل وبحاول اصلي الفروض في وقتها مع اني مضايقه اني وصلت لكده يعني مش حتى بحاول اجيب السنن لا ده انا متشعبطة في الفروض حاليا

: نفسي اغمض عيني الاقي بيتي بقى نضيف وبحاول اروق دلوقتي اصلا بس مفيش حاجة بتخلص

عايزة بنتي تبعد عني شويه وتبطل تمسك في رجلي وتعيط لمجرد انها مقريفة. مش عارفه اشتغل منها اصلا

: وفي الاخر اتعصب عليها عشان بتبوظ اللي انا بعمله

يعني الحته النضيفة هي اللي تروح تفرفت فيها البقصماط مثلا

: بحس ان الشيطان مسلطها عليا

الرد....بداية اي تغير قرار

بس يكون قرار صارم قومي اغتسلي

بنية انك ترجعي لنفسك ال كنتي بتحبيها

وبعدين نيمي بنتك وتقعدي مع نفسك في جلسة تأمل رخي جسمك كله واتنفسي ورري بقلبك الله الله الله

ولو عرفتي تخدي يومين صيام يكون أفضل لأن الصيام يسكن هيجان النفس معرفتيش صومي ١٦ ساعه صيام متقطع

اللهم بحق حبيبك خرجنا من شهر شعبان بلا فتن ولا احتياج لبشر اللهم لا تجعل حاجتنا الا لك ولا سعادتنا الا بجوراك وارزقنا حضرتك بنور حضرتك بجاه حبيبك ياحي ياقيوم احي امتة أمة دعوتة وأمة اجابتة ياربي 

#تأملات_شعبان_الحب

#شهرشعبان 

#سُقياشعبان

#إسقهاحبا

#صباح_السعاده 

#دعاء

#سقياشعبان 

#شعبان_الحب 

#صباح_الخير

#صباح_السعادة

#شرح_حكم_ابن_عطاءالله 

#مولدالحبيب 

#صلواعليه 

#صباح_الحب_للحبيب 

#يوم_ميلادك_اشرقت_الارض

#الدعاءنوروقبول

#الشكررحمةربك

#كن_له_يكن_لك

‎#صباح_الفل

‎#Buongiorno 

‎#guenaydin 

‎#BuenosDias 

‎#GoodEvening

‎#مساء_الفل ‎#مساء_الخير_والسعاده 

‎#مساء_الخير