النهارده 16 رجب
رد علي س.س
انك تلقطي أنها فتن وان الشيطان😡 نشن أنهم يسافرو في وقت الصيام بتاعك دي حاجه حلوه جدا يعني عارفه انتي مشخصه الدنيا بس ناقص نعمل بالاسباب طب ايه اللي يخلينا نرجع 500 خطوه للورا أننا نتأثر باللي حولينا ويعصبونا 🤢معنها اني اديت مساحه للشيطان يدخل 😡 دي اسمها خواطر شيطان يبقي احنا بنلعب في ليفل غير اليفل بظبط كده
✍️ انا بحضر معاكو دكتوراه في النفس
ازاي اقودها🤼♀️
وهي راحت في حته تافهه جدا ايه اللي يخليها تروح في الحته دي🤔
اني مش مركزه مع نفسي زي منا قاعده باهاتي من اول رجب يبقي اذا المشكله دلوقتي اني انا بقيت واخده صفر بين يوم وليله في تزكيه نفسي
🤔 طيب هو ليه كنت شاطره ودلوقتي خيبت يعني دلوقتي كان الشيطان😡 خانس قبل كده وفجأه دلوقتي راح نطتلي ليه عشان انا كنت بعمل حاجه وبطلتها سواء كنت بقرأ كتاب📗 معين وسبتو
العلم نور 💡طب منتي بتقرأي واقفه علي باب العلم انتي طريقك منور والشيطان😡 مش بيدخلك وخصوصا العلم اللي احنا بنتكلم في ده فهو خلاص كده شايفك انك متحمسه والقرائه بتخليكي جامده فهو خانس طول منتي واقفه علي قدم يعني ليكي هدف هتلاقي الشيطان خانس اول منتي بس توربي وتريحي يوم خلاص هو ينط
يبقي انا شايفه شوشو كده نط طب نعمل ايه نرجع بقي خطوتين تاني لورا احنا قبل الموقف ده كنا بنعمل ايه ؟
طب نرجعلو ونصوم كتير تاني
كنا بنقرأ نرجعلها بسرعه بقي هنعمل كوبي وبيست شوفي قبلها بخوطتين بظبط يعني قبلها بيومين شوفي هو خبيث مش بينط عليكي بخواطره الشريره او يكرهبك في فكرك ده الا إذا انتي سمحتيلو بكده سمحتيلو يعني بطلتي حاجه حلوه كنتي بتعمليها انتي مجرد متبطلي عاده حلوه كنتي شغاله عليها
🏃واقفه بطله عشان كده بتقومي وتقعي بسرعه لانك مش عارفه تربطي ايه اللي كان مخليكي واقفه علي رجلك
✍️ النهارده هنبتدي نقعد مع نفسنا ونشوف ونرجع خطوتين للورا
ونرجع بقي نكثف مجهودها تاني
ولما الاقي الشيطان عدي ودخل يهد كل اللي بعملوا كثفي الذكر قادره اصوم خير وبركه اديها اسبوع ورا بعضه هاتي اجله طول منتي صايمه مجال الشيطان بتقف
ماهو الشيطان بيدخل فيكي من ايه من حاجتين من الدم والفكر الاكل بيخلي الدم يهيج فبتالي الفكر يشتغل هو شغال علي حتتين دول فاكرين زمان لما كنت بتكلم علي التنفس
🧘التنفس بيجيب من الاخر تركيزك في تمرين التنفس كل يوم مرتين تلاته وتركيزك انك تتنفسي كويس وانتي بتصلي وانتي بتعبدي ربنا مفيش بقي خلاص شوشو لأن سيدنا النبي قال إنه بيجري في الدم معانا جوانا جوه جسمنا مجرد مبتنظمي حركه النفس بتاعك الدنيا بتكون سالكه شبهتها زمان بالبلاعه
مجرد مشيطان بيحكمك اعرفي علي طول أن البلاعه عندك مسدوده
وسلاكه بتاعت الحوض اول متيجي تسلكي الحوض بيها دنيا بتسلك
ركزي في التنفس احنا بتنفس بنص رئه لكن التنفس الحقيقي اللي احنا اتعلمناه بنستوعب ونملي جسمنا بالاكسجين ونخرجو ببطئ رهيب مره واتنين وتلاته خمس دقائق علي أقل تلات مرات في اليوم بمجرد مبتعملي كده انتي حكمتي حركه الشيطان جواكي
يعني شوفي جي قالك هما ازاي مجوش كلموكي هو انتي ازاي سمحتيلو بكده هي نزغه شيطان لاتتعدي وبعدين تقولي اعوذ بالله من الشيطان الرجيم وخلاص هو انتي قاعده ومريحلو تعاله ياحبيبي كمل وخش بقي في تفاصيلي طب دي ليه مدخلتش ليه وكلمتني علشان اكيد في حاجه وتبتدي يرجعك لعلاقتك بيهم عشر سنين ورا ويجبلك الدفتر الاسود بتاعكو مع بعضكم يبقي عشان كده بدال متقعدي تحللي في شخصيتك انتي وتخشي في نفسك وتحاربي نفسك لا انتي رجعتي روا وبقيتي تحاربي دي ودي من جواكي بقت حرب ودوشه جوا دماغك
سيدنا عمر كان بيعمل ايه؟ خالفها هتعرفها طب ليه كان بيسلك فج غير سيدنا عمر ليه كان بيخاف منه
بمجرد أن سيدنا عمر يلقط منه احنا قولنا مش معصوم يعني في شيطان عنده اول ميلقط في شيطان دخلو شوفو كلمه اول ميلقط مش عايش لما يلقط انتي لو سمحتيلو يعمل عشر خواطر مع بعض يبقي معناه احنا روحنا في الزوحليقا مش هتعرفي تلحقي نفسك
عرفتي أن دي لمه شيطان علي طول اعملي عكس ماأمرك بيه يشوف الشيطان قالو ايه في اللحظه دي
فاكرين احنا قولنا ايه زمان أن في لمه ملك ولمه شيطان كل متقولي للمة الشيطان نو تقرب لمه الملك خطوه كل متقوليلو لا يدخل عليكي خطوه مين
لمه الملك
قولتلو عشره لا يبقي مين اللي جنبك وقاعد ملاك بتاعك هيسعدك هنا يبقي في الأول كنتي بتحاربي لوحدك اتنين تلاته الرابعه تلاقي نفسك في ماعونه جنبك إلهيه لمه ملك جنبك علي طول وكأنك اتنين علي واحد فابالتالي يبعد ويبعد وخلاص انتهينا كده انا عايزاكي تحسي كده
لأن خدو بالكو احنا داخلين في العد التنازلي كل مايعدي يوم من شهر رجب الشيطان حرب سجال هيبتدي يشتغل علينا بكل الوسائل واجلب عليهم بخيلك ورجلك وشاركهم في ألاموال والاولاد وعدهم الوعود بقي وأماني يحببك في الدنيا بكره هنعمل وبكره هنروح ويخلي دماغك تشتغل في كل امانيكي بتحبيها واللي نفسك فيها اقطعي عليه الخط ده متتمنيش حاجه من أمور الدنيا اقطعي علي كل خيط يخشلك في
وعدهم يعني خش لي نقطه ضعفهم وابنلهم بقي قصر في عارفين شباكنا ستايره حرير ويبتدي ينزلك ستائر علي كل اهدافك اللي احنا ابتدينا فيها وفجاه تصحي بعد مارجب يخلص ايه ده هو انا كنت فين كلنا حسينا بيها دي تحسي ان حد خبطك علي دماغك أغمي عليكي فتره من الزمن وفجاه فتحتي عنيكي صحيتي احنا مش عايزين نوصل للمرحله دي خالص احنا قولنا السنه دي رمضان مختلف رمضان المدد احنا بنعلي بندور علي اعلي درجات القرب احنا عايزين ندخل في الحضره الربانيه عايزين نكون حبايب ربنا ركزي معايا
رمضان المدد احنا عايزين مدد الهي عايزين ندخل نكون من أهل الله وخاصته وندخل المطبخ الالهي مع حبايبه وحبايب سيدنا النبي نقعد معاهم عايزين ليله الزفاف اول ليله في رمضان نكون اول ناس ربنا يبص عليهم ويقولنا يالا عدو احنا عايزين نسمع الكلمه دي بس يقولنا يالا عدو خلصت خلاص خدتي كل حاجه بكلمه عدو دي
فأحنا لما نشتغل قبل رمضان بفتره طويله يبقي هدفنا الأساسي عشان نسمع تم العفو عنك
أن ربنا ينظر لينا نظره رحمه يالا عدي خلصت عيشي رمضان كله متعه بقي وجمال ورحمه وخلاص شوشو اتحبس فأحنا خلاص عندنا 45 يوم حرب فيها هتتشد يوم عن يوم
ايه المفروض اعملو بنهار لازم اكون مركزه جدا جدا في تفاصيل يومي عيني في وسط راسي انتي واحده بتتحاربي مش قاعده فان جسمك بياكل ويشرب وتنضفي وتخدمي أهل بيتك لكن عنيكي في وسط راسك مركزه جدا مع نفسك مش مع حد تاني نفسي نفسي
🤚🤚شعارنا من النهارده طول منتي قاعده حطا الناس في دماغك هتروحي في الزوحليقه قولنا نفسي نفسي من ناحيه الجهاد
نفسي نفسي من ناحيه التركيز
نفسي نفسي من ناحيه العباده
متشفيش اي حد مهما يدخل عليكي من مشوشات 👇
شغلي المساحه بتاعت العربيه بتعتك
المطره هايتشد انتي سايقه والدنيا ضلمه ونازل علييكي مطره وتلج ومخلي الرؤيه عندك ضباب هنعمل ايه اكيد مش هعرف اسوق اروح مشغله المساحات بتعتي علشان اشوف في عز ماالمطر ده شغال يارب ثبتنا ويعنا ونكون اول من ينادي عليهم الله الحق سبحانه وتعالي في أول ليله في رمضان ويقول لينا هم القوم لا يشقي جلسيهم واحنا بقينا وهنبقي باذن الله من جلساء الرحمن انتي متخيله نفسك انتي جليسه الرحمن انتي جالسه مع الرحمن مع ربنا سبحان وتعالي واللي بيجالس النور بيتنور
وكل مبتقعدي مع ربنا اكتر القاعده بتاعت بليل الي احنا قاعدينها دلوقتي دي خلاص بنهار ربنا يديكي الاضاءه بتاعت العربيه الكشاف ده ينورلك في الضلمه يعينك ساعه الزنقه يجبلك ملاك يكلمك ويقولك خدي بالك اعملي كذا واعملي كذا هتلاقي في معونات كتير بتجيلك هتنزلك معونات كتير طول منتي بتجاهدي والذين جاهدو فينا فلنهدينهم سُبلنا
الهدايه دي هتلاقي الاضاءه شغاله علم بتخدي ملاك بيديكي أمر ينهاكي ويأمرك ويقولك خدي بالك متعمليش كده
عايزاكي تركزي اوي زي مبتركزي في لمه الشيطان ركزيلي في لمه الملك علشان تشوفي الفرق بين خطوات الشيطان اللي داخله عليكي وخطوات لمه الملك اللي داخله عليكي
سبوح قدوس رب الملائكه والروح اول متحسي بنزغه الشيطان قوليها
https://drive.google.com/file/d/1DlTZk-KDzxU9nUozKx7gocjEOsyEYr67/view?usp=drivesdk
تعليقات
إرسال تعليق