باقي ٣٩ يوم علي رمضان انك تكون انتا من غير اي ماسكات ولا مكياج داخلي

 حد يصدق ان عدي 21 من رجب

 أننا نذكر بعض بالذكر والقرب من الرب نعمه جميلة اوي تحس انها من اجمل نعم الرب علينا انو يبعتلك حد يقولك اذكري ربنا أو بفكرك بنعم ربنا عليكي اوي يعدلك عيب عندك النفوس تُطالع النفوس لكل منا له نفس باطنية طاقتك ال جواك دي هيا ال بتظهر في كلامك بكل ما فيها بحلوها ومورها وكل ما بنجاهد في مجاهدة نفسنا بنتطهر من خبث النفس وبنحون من جوه زي الاطفال يضربوا في بعض ويتخنقوا لكن ساعة زمن ويرجعوا يلعبون مع بعض تاني ولا أكن حاجة حصلت اهو ده هيكون حالنا أما نوصل الامتياز في مجاهدة نفوسنا مش شئ يستحق التعب انك تعيش وجزاك هادي ومنتش شايل من بشر نهائي انك ترجع لإحساس طفولتك من غير ماتندم انك بقيت كدة بسبب أنهم مقدروش ده 🤸

انك تكون انتا من غير اي ماسكات ولا مكياج داخلي عشان تأكدلهم انك طيب 

 اليوم دوقت ده وانا فخوره اوي بيكي ياحببتي  فكرتيني بي الذكر  ربنا يجزيكي خير لما قولتي اذكركم سبحان الله وبحمده نزلت علي قلبي بوقع الجمال لدرجه اني فعلا جابت معايا نتيجه رائعه لما عملتها بعد منتي فكرتيني بيها ليها طعم تاني اولا افتكرت اني بقالي يومين مش بعملها 

تاني حاجه بسبب اني سبتها ابتدي يحصلي حاله اضراب نفسي وزهني متخيله انتي عملتي فيا ايه ردتيني تاني بشكل رائع

اما طاقة الحسد ال هنتكلم عليها النهاردة طاقة سواد داخلي لنفوس لم تُزكي

وكم من وجع في قلبي لما اقول ارقو نفسكو لأن مش بنتحسد غير من بعضينا والحته دي خدت معايا كتير

ياتري هو حسد ولا طاقه شر 

ياتري اللي كان بيحصلي لما اروح لحد وارجع ميته وهلكانه ومرميه في الأرض وامرض اسبوع ده كان حسد ولا طاقه هل انا طاقتي لما بتطلع اوي بشكل اوفر بتخلي اللي قدامي بدل ميقلدني يأذيني

✍️ افتكرت النهارده من كتر الاذيه الي انا بتأذي بيها واكيد انتو كمان بتتأذو من بعض إن حتي الأُم ممكن تحسد ابنها  طب وازاي وسيدنا النبي قال الحسد بيمسح الحسنات زي منار بتحرق الحطب هو ربنا ممكن يعاقب علي حاجه بتجيلك غصب عنك اكيد لا 

طب هي طاقه الحسد دي زيها زي طاقه النور اه 

طاقه شديده مش سهله ممكن تجيب اجل انسان 

🤔هو في حد ممكن يتحسد علي الطاعه

مبيحسدش الإنسان علي الطاعه غير الشيطان 

طب ازاي وهو كده هيتأذي 

👌يبقي في حسد وحسد 

الحسد اللي بيودي القبر اللي هو اعوذ بالله واحده تبص لوحده تشتهي حاجه عندها ومن جواها بتتمني زوال النعمه منها

 تانيه بقي الحسد اللي هو غبطه ايه ده عجبني اوي ونفسي اكون زيها واخده بالك الفرق بين دي ودي 

🤔طب اعرف منين اني حسدت ولا غبطت اللي قدامي في الحالتين هأذيها بس الاول اذيتو شديده اوي والتاني خفيفه لحد ما

🤔 اعرف منين اني حاسده واذيت اللي قدامي أذيه شديده واتمنيت زوال النعمه من عنده ولا انا غبطتها والغبطه في الاسلام حاجه حلوه أحب أن اسبقك ولا أكره أن تسبقني طب كلنا حافظين المعني ده ياتري اللي انا بشوفو لما اشوف حاجه حلوه في حد واجي اقول ماشاء الله خلصت الكتاب مكنتش متوقعين كنت نفسي اعمل زيها انا كمان هاعمل حاجه زي كده بس هي سبقتني مش مشكله بس من جوايا مضايقه اني مقصره ومعملتش هل هأذيها اه هأذيها بس بنسبه ضيئله عشان كده سيدنا النبي علمنا اذكار الصباح والمساء عشان نلحق نفسنا اول باول ولو اللي قدامك تطستك جامد لازم حد يرقيكي ومتقدريش ترقي نفسك لأن طاقتها بتكون شريره طب بردو اعرف منين أن دي حاجه حلوه ولا وحشه انا كاحاسده اللي عملت مصيبه دي اعرف منين اني انا اذيت اللي قدامي وفعلا حاسده ولا غبطت اللي قدامي

✍️ حاجه واحده صغننه زي البليه اول مبتشوفي حاجه حلوه عند اختك علي طول لو انتي نفسك سويه وطيبه وطاقتك في السليم اول حاجه فاكرين لما كنت بقولكو حاجات كده منطقيه لما تقولي يارب انت راضي ويكون عنك راضي يارب لو انت بتحبني يبقي بيحبك تاب عليهم ليتوبو وهو ربنا تايب عليكي اصلا 

كذلك القضيه دي في الحسد اول مبتشوفي حاجه تعجبك عند حد بسم الله ماشاء الله ولاقوه الا بالله وانا كمان يارب هنالك دعا ذكريا ربه

👌 ده المقياس بتاعك لو دي ثابته في قلبك قبل لسانك انا بشوف ناس بتقول ماشاء الله الله اكبر لسانها بيقول حاجه وقلبها بيغل في حته تانيه خالص  

طب ايه اللي يخليني اوصل للمرحله دي؟؟!!

 اني اكون مرعوبه أن سواء غبطه أو حسد في حالتين سعتك شغل سنه بيتمسح في نظره عينك وتقولي كل اللي عملتو مع ربنا راح فين وهو ليه ربنا مبتليني هو ليه كل مبمتحن اقع واسقط ياناس لا ياروح قلبي انتي اصلا مصفره ساعتك رصيد بتاعك صفر عفوا لقد نفذ رصيدك انتي مش دريانه نظره لدي ونظره لدي وعجبتك دي وعجبتك دي 

🙇ومفيش لسان بينطق ولا قلب راضي وشغاله من جوه طاقتك مش مظبوطه 

🤔طب ايه الحل

      🧘 التزكيه اللي احنا قاعدين نتكلم فيها بقالنا عشرين يوم لما انتي بتكوني جايه علي نفسك وتكوني حطا نفسك تحتيكي وراقده عليها ومظبطها وحكمها مش هي اللي حكماكي ومظبطه مداخل الهوا بتاعتك وشهواتك والفرج والصيام شديد وشغاله في العباده وشغاله في السجود والقرآن 

مستحيل والف مستحيل تكون عندك طاقه فيها حسد والعكس بقي لو انتي فاضيه من جواكي والهوا بقي شغال وده بمعدل 24 ساعه

 تخيلي اللي بتسيب نفسها بالايام ماحسيتي أن كوبيتك فاضيه اقرب الناس ليكي هتحسديهم

 انا شوفت واحده بتقول لابنها ايه ياواد الجمال ده عنيك مالها قمر كده بتقول لابنها كده والله الولد وقع علي عينه اعوذ بالله كانت هتتصفي في لحظه دي في لحظتها طب حد هيأذي ولادو اه لما تكوني فاضيه وكوبيتك فاضيه طاقتك مش بتكوني شايفها بتبقي حوليكي طاقه شر غير طبيعيه ميحسهاش غير المؤمنين انتي نفسك مبتحسيش بيها بتبقي ماشيه تلوشي في خلق الله وانتي مش واخده بالك

 كل مبتشوفي حد بتجيبي اجلو شوفي قد ايه العباده بتحولك من واحده مسمومه ماشيه في الأرض بتسم البشر بطاقتك لوحده منوره ماشيه بتنوري في كل اللي حوليكي ارجوكو العباده اللي قاعدين نتكلم عليها والصيام والمجاهده حاجات مش تنفعك في الاخره بس حاجات تنفعك في دنيتك 

دنيتك هتكون حلوه وسلسه وتخدي كل اللي انتي عايزاه واي حاجه محرومه منها ربنا هيعوض عليكي بيها وربنا هيراضيكي وحاجات حلوه كتير اوي هتخديها في الدنيا قبل الاخره لو انتي جاهدتي نفسك من المبدأ ده

🙏 ارجوكي نضفي طاقتك علشان متاذيش حد لانك انتي مجرد متاذي اللي حوليكي انتي نفسك اول واحده بتتاذي باللي انتي عملتي ايه الاذيه حسناتك راحت كلها في لحظه كل شقي عمرك راح وبقي صفر بمجرد نظره عين لإنسان

 ارجوكم نركز في مجاهده نفسنا نكمل اللي باقي من رجب 

اللي هتزرعوه  في رجب هتحصدوه في رمضان 

وشهر شعبان ماهو الا سقيا يابتسقي ميا أو بتسقي سم زرعتي نور هتسقي نور زرعتي مصيبه سودا ودخلك هوا هتلاقي نفسك شغاله شهر كامل بتروي زرعه مسمومه احذري