22 رجب خلاص ناقص اسبوع يا رجاله😎 مين عنده همه ومين متكسر🤕 وواقع علي الارض و500 واحد بشكويش علي رأسه ومين قاعد رايق علي سرير 🛌 مكبر الدماغ وماسك الموبيل 📱وبيعمل سكرول ومين واقفه متحروسه في مطبخ ومين ومين
ومين اللي طالع من الليله وعامل دماغ 🕺ولا هو مضروب ولا هو متأذي ولا هنا اصلا وايام عاديه زي اي ايام ولا حاسس اصلا أنه في حاله جهاد هي ناس دي بتقول ايه وليه مكبرين الموضوع كده ماهو عادي رمضان جاي وهنعبد ربنا وهنقف نصلي التروايح وخلصت لازمتو ايه تقعدو تعدو وتتعبو نفسكو احنا كده كده هنتعب في رمضان والشيطان 😡 اتقفل عليه باب وخلصت الحدوته ليه نقعد نتعب دلوقتي مع شيطان 😡
صدق منطق 😂 طب المنطق ده مجليش ليه من عشرين سنه ليه 😂 كان زماني ارتحت من الغم
اه ثم اه ثم اه
مجاهده النفس 🏃🏽♀️ ياحبيايب قلبي مش فن مش عشان حتي رمضان جاي ولا هو علشان انتي عايزه تعيشي سعيده وقد افلح من زكاها فبتالي كلمه فلاح يعني سعاده 😊مفيش سعاده غير يكون قبلها شقي 🏃🏽♀️شقي معناها تعب 🤼♀️
معناها مخالفه معناها لا
عايزه تاكلي لا عايزه تنامي لا عايزه تلعبي لا عايزه تتفسحي لا عايزه اريح لا
احنا قولنا قبل كده تخلفيها🤼♀️ هتعرفيها
اول متقولي لا في أولها بتبقي تقيله حتي جربتو في السجود بتسجدي اول ربع ساعه بتكون تقيله جدا اللي جديد في الكار ومش قادره وحسا عيني هتخرج من مكانها ودماغي هتقع مني وكلام غريب كده بسمعو
وبعدين ربع ساعه الأولي عددي نص الطريق تعالي بقي في النص التاني ايه ده متعه وجمال مش عايزه أشيل راسي من الارض من كتر منا مريحه الا لما 🕛التايمر رن خلاص بقي نقوم
🤚نفس الحكايه في القيام اول تلات اجزاء بيكونو اصعب حاجه في الدنيا بتبقي واقفه مش قادره وبتفركي وحاجه صعبه جدا جدا وبعد كده الله هو ايه الجمال ده
الذين جاهدو فينا لنهدينهم👌 اهي لنهدينهم دي هي الراحه اللي بعد الشقي 🏃🏽♀️وبعد الشقي والعرق والتعب في الوقفه فجاه انا مرتاحه ليه كده المشاكل هي هي والغم هو هو والطاقات الشريره اللي قاعده بتحوطك من كل مكان مقرفه زي ماهي مفيش حاجه اتشالت اللي اتشال حاجه عندي انا في ليرز عندي انا حاجبه عني حاجه حلوه فبمجرد مبتجهدي🏋️♀️ عامله زي الدهون اللي بتسيح كده روحت وفوقتي جربتي الاحساس انك بتاكلي عيش وبطلتي تحسي ان جسمك فاق كده وماشيه وانتي فايقه نفس القصه اي مجاهده 🏋️♀️
اي تخليص سم من سموم الجسم ديتوكس جسدي أو روحي انتي بتقومي منه فايقه علي فكره طب ليه احنا مبنعملش كده مفيش حد فينا مجربش صح
✍️انا كل اللي بحاول اوصل بيه معاكو أن تعالو نلعب علي اول ليله 💡واول ليله دي اللي ربنا بينظر فيها للعباد فبتالي عمرك ماهتروحي ليها الا بالاجتهاد طول النهار 🏋️♀️قبلها بفتره نفس موضوع الجمعه هو مين اللي ربنا بيرزقو بساعه الاجابه بتاعت يوم الجمعه اللي من ليله الخميس بيحاول يصلي القيام ويعمل الف ايه بنيه أن ربنا يفرج كرب الامه واللي قاعد مركز مع ربنا طول الليل ربنا يلهمه ساعه الاجابه يوم الجمعه تلاقي فاجئه ربنا الهمك بيها تاني يوم
إذ اجتهدتي هاتخدتي
اما بقي حد قاعد علي الله حكايته 🛌 ومش في دماغه وعايش كده وخلاص وداخل جوه المطحنه بتاعت الدنيا عمره في حياته ماهيحس بحاجه زي كده ولو جت قدام عينه مش هيشوفها لانه خلاص في مفرمه🚜
اذا قضيه أننا بنجهتد قبلها بفتره من الزمن علشان خاطر ربنا يكرمنا وينظر الينا في الليله دي الليله اللي قولنا عليها الليله الوحيده المضمونه أنها ليله القدر أن ربنا بينظر للعباد في أول ليله من رمضان اللي بيقول خلاص فعلا ظهرت الرؤيه بكره رمضان ينظر ويغفر لمن يشاء احنا عايزين ندخل في من يشاء يغفر لمن يشاء ويعتق الرقاب طب ماهي ليله مضمونه طب ليه ناس غافله عنها دخلتي للجنه من الليله دي هل دي متستحقش انك تتعبي عليها قبلها ب100 يوم دي انتي في الدنيا لما تيجو تتجوزو بشوف حاجات وبدع انا مشفتهاش علي ايامنا زمان احنا كبيرنا الاسبوع اللي قبل الفرح بنقعد نعد للفرح
دلوقتي تقريبا قبلها بسنه 😂بتقعد تعد للفستان الفرح هتجيبو منين وتروح هنا وهنا و مكيب ارتست وهنجيب اي واحده فيهم تقريبا بتقضدي نص السنه بدور علي ازاي تكون جميله في يوم فرحها كلها دنيا قشور منظر وليله وهتعدي وهتخدي منها سيئات وبتستعدي من قبلها بفتره طويله
شوفي ليله تحدد حياتك كلها جنه ولانار متستحقش اني قبلها اجاهد واتعب وابذل جهد علشان اشوف فيمن يشاء أن ربنا ينظر ليا في اليله دي
الخمول 🛌 اللي انتو في ده تريحه اللي انتو فيها دي التوهان لمصلحه مين اي غم في البيت لمصلحه مين شايله من جوزك ليه لمصلحه مين عامله فيها بت جامده وشخصيه ولازم اخد موقف عشان يتربا لمصلحه مين
اسألي دائما نفسك اي مشكله بتعدي عليكي في حياتك سواء مع حماتك أو اخوات جوزك زي منتا بتعملوا أو في شغلك أو مع اولادك اي مشكله انتي عايشه فيها في دور الضحيه أو عايشه فيها انك بتربي فلان لمصلحه مين
🤔مين المستفيد من اي غم في البيوت تفتكري الملاك الحارس
الملاك الحارسك مش طايقك اصلا بعد عنك مبقاش حارسك
الغم اللي انتي عاملاه حوليكي وطاقتك اللي عاملاه حوليكي اعرفي مفيش ملائكه جنبك مفيش غير شياطين طالما عشتي في دور المربيه وعشتي في دور اني لازم اخد حقي والانتصار لنفسي انسي يكون في ملاك جنبك انتي اللي بيأمرك وينهاكي الشيطان لكن تسامحتي وعديتي وكبرتي دماغك وابتسمتي وحبيتي يكون في رحمه في البيت وعدي ياليله والدنيا تبقي جميله وبلاش تعيشي في دور انا بعمل كذا عشان كذا وانتصارك لنفسك المزعومه
الغبي ده اسمو رياء سعتك
ولي... وفي... وبيه ...انا اللي عملت ...بتاعتي... ولادي.... بيتي.... جوزي..... هصلح .....هربي......
كل دي مسميات شيطانيه
متجيش تقولي انا حياتي ليه فيها غم 😰 وبيحصل كذا وكذا ومبحصليش تغير ليه تعبانه دائما وزهقانه وليه وليه منتي خلاص الفريند بتاعك شوشو انتي خلاص اختارتي
قبل كده قولنا ليكي لمه ملاك ولمه شيطان اعرف منين عندي لمه ملك طول ما البيت في رحمه برفان نضيف جميل سكينه طيبه حتي الاطفال والحيوانات يكون عندها سكينه الحيوان هيكون عنده سكينه سواء قطه أو كلب هتلاقي جميل وهادي حصل العكس شعننه قرف صريخ بهدله طبيعي اللي ف بيوتنا دلوقتي مفيش ملاك يقعد في الجو ده انتي متخيله الملاك ده يدخل وبيتك مقزز
الملاك ده يدخل وانتي عامله مشكله مع جوزك او هو عامل مشكله معاكي اي مين بقي السبب عشان الحته اللي بتقعدو بتتكلمو فيها ماهو السبب ماهو اللي بدا والبادي اظلم لازم انكد عليه لازم اربي
كل دي كلام وخواطر شيطان ماانزل الله بيها من سلطان متعشيش فيها دور اللي بتصلي كل ده هبد علي الفاضي طول مافي البيت في غم مفيش في ملاك بيت في وساخه مفيش في ملاك بيت في عيال بتصرخ وحيوانات مقرفه ودنيا قرف مفيش ملاك
في سكينه في برفان ريحه جميله في نضافه في ملائكه أن الملائكه تتأذي مما يتأذي منه ابن آدم
.... صدقت ياحبيبي يعني منظر الهدوم وهي متكركبه دي تأذي نظره الملائكه فيركن كده عنك شويه فمابلك دخل لاقي الحمام قذر والمطبخ قذر والدنيا قذره مبيقعدش في الحته دي عشان علي أقل مكان اللي قاعده في احول اخلي منظم ونظيف تكون الدنيا بره كلها بتضرب وتقلب لاكن اللي قاعده في لازم يكون علي أقل عيني مش شايفه هدوم مكركبه فوق بعضها دنيا مترتبه مش عشان الحاجات دي بضايقيني علي قد عشان بكون خايفه الملائكه تبعد عن المكان اللي انا في طول مافي ملاك حارث ليكي انتي في حاله استقبال طاقه النور يعني افتح مسامع قلبك أنها تسمع النور والعكس
طول منتي قاعده في حاله غفله ومتقبله الشيء القذر حوليكي وخلاص بقيتي تألفي الكركبه حوليكي انسي انتي متفتحه وقلبك متفتح بس بطاقه الشيطان بطاقه الظلمات بتالي اي خاطره بتجيلك في الوقت ده ظاهرها خير وفي بطنها شر ظاهرها لا انا بربي لا لازم اخد موقف لازم اكون البنت الجامده عشان ميقولوش عليا ضعيفه ولكن في باطنها اعوذ بالله شيطان مندس جواكي وقاعد شغال فيكي
تاني ويحذركم الله نفسه يعني مرعبه ربنا عارف اللي جوه قلبك عارف صدرك في ايه وعارف خواطرك فيها ايه وعارف قدر استهنتك قد ايه بالايام العظيمه والشهر العظيم فبقدر استهنتك في شهر التعظيم بقدر العقاب اللي هيجي عليكي
مشكله طول السنه يعني انتي هتفضلي تتعقبي بستهانتك في شهر رجب سنه كامله انتو متخيلين الرعب زي ماربنا رؤوف رحيم ربنا جبار ومنتقم مبيعديش حاجه
ميعدلكيش استهانه في وقت عظيم ميعديش لواحد يعمل حاجه غلط في الكعبه يقولك الذنب هناك اكبر
طبيعي الواحد بياخد سيئه علي الذنب وعشر حسنات علي الحسنه
اما في الكعبه الذنب بسبعين الف وروايات كتير يعني ذنب هناك ذنب معظم
زي ماربنا عظم اماكن وعظم فيها الذنب عظم الشهور وعظم فيها الذنب وعقاب بتاعها بيكون شديد يعني اللي بيعك في رجب بيفضل يشيل الهم ده طول السنه اللي مستهينه بالشهر ده وقاعده عادي وبتتعامل عادي زيه زي اي شهر ودنيا عندها عادي ومفيش تغير في حياتها لا دي تخاف علي السنه الجايه ولو كان ربنا بيحدد الارازق في رمضان ده بناء علي اللي انتي بتعملي في رجب الزرعه بتاعتك بتحدد مصيرك في رمضان بناء علي ماذا زرعتي في رجب وشهر شعبان تحصيل حاصل زرعتي خير هتسقي خير زرعتي سم هتسقي سم انتي قاعده بتكبري في زرعه مسمومه ارجوكم احذروا احذروا عايزين نفوق كده ونعنش اخر اسبوع اللهم أسلل سخيمه قلبي ركزي في اي فتنه دخلت فيكي امسحيها متركزيش مع البشر ركزي مع خالق البشر
تعليقات
إرسال تعليق