أعلان الهيدر

الثلاثاء، 13 يوليو 2021

الرئيسية برنامج الحج ٢٠٢١ مخالفة النفس

برنامج الحج ٢٠٢١ مخالفة النفس

 من اجمل الحاجات ال بحب اكتب عنها لان بمجرد الكتابه تديك طاقة مخالفه 

                  اي شئ بتقرئة عن مخالفه النفس بتحفز شئ مدفون جواك 

لان  النفس بطبيعتها بتحب الشئ الممنوع برغم انها بتظهرلك عكس ذلك وتوهمك انها مستغنية وهيا هتموت عليه

تعرف تتعامل مع نفسك بنفس طريقة معملتك لااطفالك

   الطفل بكل ذكائة بيعرف يمكر عليك ويضحك عليك ويستغل حبك ليه لمصلحته وبس

            علشان ياخد منك ال  هو عاوزو صح

 مره بيعيط مجبتش معاك 

يضحلك ويدلع عليك مجبتش معاك 

يعملك حاجه بتحبها 

                 دي بتجيب معاك صح كده

اهو نفسك كده شباطه

اما بتحب اي حاجه بتشبط فيها وتفضل  وراك لغاية متاخد ال هيا عوزاه بكل الطرق مبتسبش طريق الا اما بتجيبك منو

مشكلتنا اننا مش عارفينها  وهو ده سر العباده 

                     كل ما بتعبد ربنا صح من جوه اوي بتوصل للمعني ده 

وهيا تآبي عليك ان توصلك لذلك مع انها لما اذقتها من قبل لذة العباده استطتعمتها 

                 لكن طفل مش راسي علي حال كل شوية يطنطط في كل مكان مش راسي كده بيحب اللعب جبلت النفوس علي ذلك

                     ولكي يتم فطامها من اللعب يجب ان تستدرجها الي الفطام وحده وحده

مثال

طفلك اما بتديه التطعيم بتمسك خده من النحيتين وتضغط عليه لكي تنقط له في فمه ولا تترك الضغط بيدك حتي تطمئن انه بلع الدواء تمام

كذلك ذكرك حينما تقول لا إله الا الله تخيلها نقطة دواء وطفلك الداخلي بيزوغ منها  عاوز يدلقها ويتفها فبتفضل ماسك فيه لغاية مايبلعها

اي ركز في المشهد بنفس الطريقه شغل حواسك كلها 

                  واهمهم خيالك 

تخيل قلبك هو فم الطفل والنقطه هي الذكر وضغطة يدك هيا تركيزك في انها متزوغش منك وتروح بيك في حته تانية

فقط عشره في عشره خليها شعارك

وابدئها بالصلاة علي الحبيب وانهيها بيها وبينهما ضع الاستغفار ولا اله الا الله واسماء الله  وجرب وتذوق لن تآخذ منك اكثر من ربع ساعه ولكن بشرط واحد انك تركز اوووي في وضع يدك عليها اي متخليهاش تزوغ بيك في فكره تانيه انت عباره عن فكر كل ماتفكر به يتحقق لك وتراه في كل ماحولك

بمجرد ماتمسك زمام فكرك فانت اصبحت مالك لنفسك

اعرف انه ليس من السهل ذلك ولكنها سر سعادتك الا تستحق المحاولات ولو مليون مره حتي تصل الي إسعاد قلبك

ولي معادلة جربتها منذ عشرين عاما والان استطيع ان اقول اني بدئت اقف علي اول الطريق بسببها

خالفها'' '' '' '' هتعرفها'' '' '' '' وإن عرفتها ستسعدك

بمجرد ماتحط لنفسك قرار السعادة الابديه في الدنيا والاخره

وتعرف إن اول سلمه تذوق معني المخالفه

كيف أخلفها؟؟؟؟ 

        مترحيهاش ابدا ابدا

نفسك اما بترتاح بتطلب ال بعدو وملهاش سقف

كل ماتديها تطلب اكتر واكتر مش بتشبع وكل ماتسمع كلمها وتستجيب لطلبها بتدلع واكيد عارف الطفل المدلل بيعمل ايه في اهلو!!!! 

فخذ قرار الفطام وضع مكان كل مخالفه رابط اخر لكي تذهب هيا اليه يعني بذل عادة بعاده

بتحب الاكل حطلها رابط اخر تروحلوا خليها رابط القرائة مثلا او رابط العمل الرياضة المشي المهم كل ماتطلب اكل تديها مشي فهتخاف تطلب تاني 

التهديد للاطفال بيجيب نتيجه مؤقته

   وكذلك نفسك توهمك انها حاضر هسمع لكلامك وفعلا تسمع وتمشي زي منتا عاوز شهرين تلاته حتي تنسي انتا قصه المخالفه ثم تعاودك مره اخري وهكذا الحياة لابد ان تصل بها الي ان يكون هواك في رضاك اي كل هوي ليك تكون انتا راضي عن نفسك مش مكسوف منها ومن هنا ستتعرف علي خالقك بمجرد ماتحط اول رجل عليها التانية هتكون في معية ربك

القصه دي بتاخد وقت اد أيه؟؟ 

  مكن تاحد عمرك كله ولم تصل!!! 

       لكن جمالها فإنك لو مت علي هذا الوضع اخذت درجة الشهداء

فياربي بحق أيامك المباركات هذه حسن اخلاقنا وحسن عبادتنا حتي نعبدك وكأننا نراك وكملنا بأسمائك إكتمال لانقص فيه نسئلك بكل أسم هو لك سميت به نفسك ان توجه  وجوهنا لك وحدك  ربنا لك وجهنا وجوهنا فاقبل الينا بوجهك الكريم وأستقبلنا بمحض عفوك وكرمك وانتا ضاحك الينا وراضي عنا برحمتك يا ارحم الراحمين


هناك 8 تعليقات:

  1. اللهم بجمال حبيبك جمل قلوبنا لتتشرف بنظرة رضي لاسخط بعدها حتي لانري ولانسمع ولا نستمتع إلا بحضور حضرتك وبحرية آلا شريك لك انعش قلوبنا بها ياكريم حتي نتذوقها خالص مخلصه لك وحدك لاشريك لك اللهم إني نويت بحج وعمرة قاصدا التوجه بروحي

    ردحذف
  2. اللهم اعلم اني عصيك ولكني احب من يطيعك فاجعل اللهم حبي لمن اطاعك شفاعه تشفع بها لي عندك يارب

    ردحذف
  3. فاقبل الينا بوجهك الكريم وأستقبلنا بمحض عفوك وكرمك وانتا ضاحك الينا وراضي عنا برحمتك يا ارحم الراحمين

    ردحذف
  4. وكملنا بأسمائك إكتمال لانقص فيه نسئلك بكل أسم هو لك سميت به نفسك ان توجه وجوهنا لك وحدك

    ردحذف

يتم التشغيل بواسطة Blogger.