١٢١رسائل في شرح الحكمة 121 من حكم النور والسرور لابن عطاء الله

 مَتى طَلَبْتَ عِوَضاً عن عَمَلٍ ، طُولِبْتَ بِوُجُودِ الصِّدقِ فِيهِ وَيَكْفي المُرِيبَ وِجْدَانُ السَّلامَةِ

                                      العوض يعني انتا حاسس انك شئ وعملت شئ

يعني ليك كيان دي لوحدها مصيبة في القلب ربنا يرحمنا منها 

وكلمة  طُولِبْتَ بِوُجُودِ الصِّدقِ فِيهِ يعني في خلل في صدقك الزم نفسك الصدق قبل أن تتهم الناس برد جميلك عليهم فكده احنا محتاجين لتوبه شديدة وإخراج الأنا من جوه المعاميع 

القلب مدفون فيه كوارس يعني لاشريك له هيا هدف حكمة اليوم 

لاشريك لك يحتاج قلبي يارب ان يتذوقها بصدق 

                  جاء وقت ان ندرك معني لاشريك له بقلوبنا

 الله حبيبك خلقك لتحبه ويتحقق فينا يحبهم ويحبونه اي بدء بنفسه جل جلاله

 هو الله هو الاول والاخر مين بيدخل في الوسيط بينا

 نعمه كتير فبدل ما نحولها ليه بنعيش فيها ونندمج يمكن في اولها بنفرح فرح حلو ونشكر ربنا اوي اوي لكن مع مرور الوقت بنآلف النعم ومع الاإلف بيتحول من انك تعيش مع المنعم ال انك تعيش مع النعمه لدرجه انك تنسي اصلا انها نعمه

امتي اعرف اني وصلت للدرجة دي؟؟ 

اما اتقهر وازعل واعيش في نكد ال ربنا سماه ضنك يعيني عيشتك بقت ضنك وغم وهم وقيل وقال وتوتر كل ما هو سئ وبتجي من نحية ال اخلصنا ليهم وحبيناهم اوي 

ربنا بيعذبنا بمن نحب حتي نرجع لمن أحب 

            الجزاء من جنس العمل

بمعني اما تلاقي حبيبك قاسي عليك يبقي انتا قلبك قسي مع ربنا وبطلت خشوع والفت نعمته وكذلك مع اولادك وعملك وزوجتك وقد قال احد الصالحين إني لاري اثر معصيتي علي زوجتي ودابتي يعني كل متلاقي زوجتك منكده عليك او عربيتك مزرجنه اعرف انك مش راضي ربك

فخليها ترمومتر حياتك مكان ضيقتك هو نفس مكان انتا قصرت فيه مع ربنا

              إذا لاشريك له اي لا ند لا حب لا محبوب هو محبوبي هو مطلوبي هو كلي وجزئي به اتنفس وبه احيا وبه انعم وحينما اتعايش في دنيتي اعيشها ليه بصلوه بنظرة انتا راضي مع كل تصرف وحركة ارمي نظره واسئله راضي يارب 

                       متعة التحرر تحس انك طاير اول ماتوب من الحته دي بتجيلك همه حاسس انك تملك الدنيا كلها وان ليك جناحات تقدر تطير بيها 

معني التحرر الحقيقة في لاشريك له هتحس انك مالك الدنيا بإيدك 

               قمة الحرية في قمة العبودية

 وبينهما سلالم بنروح ونيجي فيها لكن لازم نفهم اننا كل ما بيتحقق في قلوبنا معنى لاشريك له بنقرب من معاني التحرر بتحس انك طاير في سماء الحب مش محتاجه حد يطبطب عليكي خالص متنعمه في نعيم الحب مع محبوبك الاول والاخر

مش مهم نقع المهم نفهم سبب وقعتنا وان الغم سببو الشريك ال احنا حطناه في قلوبنا بأيدينا من اليوم قرار غلق بلوتوث قلوبنا عن كل البشر الا خالق البشر وحبيب خالق البشر

هو وحده الذي يستحق ان نعيش معه ونتخيله مع كل مرة بتردد فيها لاشريك له تخيل من احببتهم في دنياك واعمل عليهم علامة إيكس× لامعبود إلا الله لا محبوب إلا الله لامقصود إلا الله

اتركوا مساحة في قلوبكم للتفكر الدائم بجمال سيدنا محمد ليقوي رابطة الحب بينك وبينه أن تغمض العينين كل بين ساعة وساعة تتخيل جمال وجهه وشعره وطوله وجلسته وابتسامته وخلوته وانتظاره للفجر يضئ ربك فجر حياتك بقدر تخيلك لنوره وحبيبه فمابالكم باان يكرمك ربك وتراه اجعله هدف لحياتك طوف بقلبك في محراب تخيلات وصف جماله ستري العجب ستهيم شوقا له وبالشوق تحرق الذنوب والخطايا كما ينقى الثوب الأبيض من الدنس 

اللهم بجمال حبيبك جمل قلوبنا لتتشرف بنظرة رضي لاسخط بعدها حتي لانري ولانسمع ولا نستمتع إلا بحضور حضرتك وبحرية آلا شريك لك انعش قلوبنا بها ياكريم حتي نتذوقها خالص مخلصه لك وحدك لاشريك لك 

#صباح_الخير

#صباح_السعاده

#شرح_حكم_ابن_عطاءالله 

#مولدالحبيب 

#صلواعليه 

#صباح_الحب_للحبيب 

#يوم_ميلادك_اشرقت_الارض

#الدعاءنوروقبول 

#الشكررحمةربك

#كن_له_يكن_لك

‎#صباح_الفل

‎#قروبات_اضافات_البابلي 

‎#Buongiorno 

‎#guenaydin 

‎#BuenosDias  

‎#goodmorning 

‎#GoodEvening 

‎#おはよう

‎#مساء_الفل ‎#مساء_الخير_والسعاده  

#‎مساء_الخير