التخطي إلى المحتوى الرئيسي

اليوم ١٩ من الأربعون جوهره من نور كتاب الله نستضئ إِلَّا مَن تَابَ وَآمَنَ وَعَمِلَ عَمَلًا صَالِحًا فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ

 إِلَّا مَن تَابَ


 وَآمَنَ

           وَعَمِلَ عَمَلًا صَالِحًا 

فَأُولَٰئِكَ يُبَدِّلُ اللَّهُ سَيِّئَاتِهِمْ حَسَنَاتٍ

ايه قمة في الجمال لو بس اشتغلنا عليها في الباقي من رمضان هنخرج كايوم والدتنا آمنا

يعني شروط ٣ للعاوز يحول بليونات السيئات الي حسنات؟ 

١_تاب

التوبه

    يعني ايه توبه يعني علم ازاي يعني علم؟ لان حببنا علمنا التوبة ندم

طيب هندم على ايه مدام معرفتش غلطي منا هستغفر وخلاص وهردد توب عليا لاتوب وخلاص وقلبي مش هنا اصلا إيما لأنك حاسس انك عميا فَبما فيه الكفايه فمن كتر الذنوب مش عارف تركز في ايه ولا ايه  وده بيتوهك ويعوم الدنيا  فيه نسبة استهتار ال هيا عكس الندم اصلا

فعشان نتوب لازم نندم على الأفعال ال اتعملت وعشان نندم لازم اعلم ايه هو الذنب بالتحديد واتخيلو واركز يكون أدام عيني وانا بتوب عشان يتحقق شرط الندم ال هو أساس قبول توبتي 

طب حد يقولي مهي كتير اتوب على ولا ايه؟ 

هقولك ركز مع كل يوم من رمضان في ذنب واحد تحديداً وتو ب عنو يوم بيوم كانك بتمسح كل يوم حته منك 

٢_آمن

آمن يعني مصدق ربنا صح مش كلام كده َخلاص قلبو مصدق كلام ربه حاسس اوي خايف اوي طمعان اوي في كرمو كلمة مؤمن يعني معندوش قولون عصبي في قلبو سهل يهضم كل كلمه بيتعلمها مش محتاج اسبسمَو هاضم لا الدنيا سهله عندو كل مابسمع كلمه عن ربه بيصدق معندوش زوغان قلبي

وكمان مصدق ان توبته انقبلت مدام حقق شروط التوبه يبقه اتقبل 

٣_وعمل عملاً صالحاً

دي بقه قصتنا النهارده ازاي اوصل للعمل الصالح ال بيه ربي يبدل سيئاتي حسنات؟؟؟ 

اول حاجه اني احس اد ايه هعدي بسرعه جدا تخيب سعادة قلبك لما كل ال فات مش مات لا

ده اتحول لحسنات متخيل الجمال ده

بعدها بقه نعمل ورد يومي من اليوم لغايه نهاية  رمضان  ونقول هب لي من لدنك عملاً صالحاً به تحول سيئاتي الي حسنات 

وتسكت وتبص وتنتظر ايه بقه

هتلاقي إلهامات بتجيلك فلترها وخود وحده وحده وشوف اكترهم عملاً صح وخالص مخلص لله فقط مفهوش ولا هسه ولا نقطة ميه حتى لبن خالص مخلص 

اللهم خُلاصة الخُلاصة وإخلاص القلب  بالعمل الصالح الذي به تُحول سيئاتنا لحسنات وترزقنا رزق مريم ابنة عمران رزق الروح والجسد يارحيم ياودود




انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

  1. اللهم خُلاصة الخُلاصة وإخلاص القلب بالعمل الصالح الذي به تُحول سيئاتنا لحسنات وترزقنا رزق مريم ابنة عمران رزق الروح والجسد يارحيم ياودود

    ردحذف
  2. اللهم ارزقني رزق الروح والجسد

    ردحذف

إرسال تعليق