ليلة الحنه ليلة الحب انطفى فيها نار المجوس ربي اطفئ نار الفتن عن أُمته وأقر عيونه بها اليوم ٥٧ لتحضير الهدية لحببنا

بجاه هذه الليله المباركة اطفئ نار الفتن عنا فهذه أجمل هديه لحبيبك ياكريم أكرم الأمه وارحمها من فتن الدنيا

 وعذاب الاخره ولا تجعل منا محروما من نور وبركات ورحمات هذا العطاء

ولا تحرمنا من أنوار ومدد سيد الأكوان في الدنيا والآخرة

نسأل الله بجاه خير من وطئ الثرى

أن يبلغنا وإياكم وكل محب للحبيب هذا اليوم المبارك

مدد يا حبيب الله مدد 

كل واحد فينا عارف عيوبه كويس جدا مهما جادل وبرر ووضع الشماعات 

بدئنا من ٥٧ يوم نغيرها ياترى حاسين بجديد فينا 

أجمل ماقيل لأحدهم اتغيرت كتير انتا زعلان من حاجه وكل الأمر بالسكون والسكينه شئ غريب ولا يدرون انه غيره الحب والقرب هذا اقل تغير بعد شهرين شغل على نفسنا لو ملمستش حاجه فيك جديده يبقى منتش بتحبو بصدق 

لو فعلا عملنا زي بداية الكلام وحددنا عيب واحد مديقك متعددش العيوب هنرقد عليه ٦١ يوم والنيه هتكون دي هديتي لحبيب روحي 

فاكرين الكلام ده 

 وقلنا قبل كده  كل هدف تحط ليه توقيت زمني وتشوف نفسك بعد متحققو وكأنك حققتو بالفعل 

👀فما تراه بعين قلبك تلمسه بيمينك 👌

وتشتغل على نفسك وعلى المطبات متدخلش الهدف إلا وانتا عامل حساب الطريق ومطباتو

      والبنزين اد ايه؟؟ 

هيكفيك ولا هيخلص في نص الطريق

 ولو خلص تكون عامل حسابك تمشي في طريق فيه بنزينه تساعدك 

يعني من الاخر اي هدف للتغير لابد من الجد والجهد والوعى والطاقة التي لا سبيل لنفاذها 

         مهما حصل 

انتا قطر بلا محطات 

محطتك الوحيده النهائيه 

            هو الوصول للهدف

وأدام عيونك فرحة حبيبك بيك انك بتتغير علشان هو تعب معايا اوي عشان اعيش الحياة دي واكون مسلم اه يمكن مكنش مسلم حقيقي يعني مسالم ومستسلم لربي صح الصح بس عذري الوحيد اني احبك ياحبيب الله فاقبل هديتي لك وانا عارف ان اكتر حاجه هتفرحك انك تشفني اتغيرت

وانا هتغير وده قرار مفهوش هزار ولا لعب ولا تزويغ ليك ياقلبي وياروحي لتنظر لي يوم العرض على الجبار فتكون شفيعي بهذا سأقدم لك هديتي هذه فاشفع لي وأذن لي في بداية هذا الطريق

فاكرين ده اول مقال واول الطريق واول طريق المحبه الصادق 

متزعلش ولا تلوم نفسك حتى 

         بس اتعرف على نفسك 

بمجرد انك تحس انك كداب وانك مُدعي محبه دي لوحدها كفايه عليك 

باقي بس حاجه وحده 

اعمل مقارنه بين حبك لأقرب الناس ليك وحبك للحبيب وشوف رددت فعلك!! 

لو حصلو حاجه او حد زعلوا اكيد مش هتعرف تنام لو بتحبو بجد اكيد هتركز تجبلو حقو ازاي!! 

مهو ده احساس المحب الحقيقي طيب الان حبيبك زعلان من حالك وحال الأمه  توهانك وتعب قلبك َوحزنك محزنو وخوفك من بكره مزعلوا

 عارفين احساس ان شقى عمرك ضاع دي ليه بنحسها؟! علشان احنا بنعمل كده في شقى عمر سيدنا النبي وسبنا ال أمرنا بيه  وركزنا في التفاهات 

ونسينا ان الامر جد والموت جد  وكلو كلو جد الا الدينا كلها هلس وكذب وخداع فركزنا فيها وسبنا الحقايق كلها 

        طب هو بيوصلوا كل ده متخيل انتا اد ايه مزعلَوا

طيب يلا نبدء من جديد من غير يأس ولا خيبة امل 

         خلي عندك امل كل ما تكتشف عيوبك

 أقف وقل الحمد لله

 الذي أخبرني بعيوبي وهبدء من جديد وهستغفر ربنا الاستغفار الكبير عشان ابدء صفحة جديده مع ربنا عارفين 

ده اجمل  احساس في الدنيا كلها 

زي احساسك وانتا بادئ يوم جديد وحياة جديده وجبت كشكول جديد ورايح كليه جديده 

الاحساس ده مطلوب منك كل يوم من غير يأس ولا تراجع 

كل يوم بالاستغفار الكبير بتفتح صفحه جديده في حياتك 

بس النهارده صفحه مختلفه 

هنفتح صفحه الحب الحقيقي يعني هنركز اننا نستغفر بنية الحب ونبدء من جديد بنية الحب ونقول لربنا زي ما طفيت نار فضلت ولعه مئات السنين للمجوس بنور حبيبك تطفئ نار فتنتي وتردني إليك رد قلبي بحضنك ياربي وحنانتك وحنانة حبيبك بليلة النور اجعل كل ليالينا نور وسلام وأمان اللهم اشعل في قلوبنا شوقا للقياك واجعل يوم لقائنا يوم عرس وزفاف يوم فرح وارزقنا بشري تهدئ به لهفة قلوبنا حتي نعيش دنيانا بك ولك انفاسنا تتنفس ريح جنتك ياأرحم الراحمين

 #صباح_السعادة

#شرح_حكم_ابن_عطاءالله 

#مولدالحبيب 

#صلواعليه 

#صباح_الحب_للحبيب 

#يوم_ميلادك_اشرقت_الارض

#الدعاءنوروقبول

#الشكررحمةربك

#كن_له_يكن_لك

‎#صباح_الفل

‎#Buongiorno 

‎#guenaydin 

‎#BuenosDias 

‎#GoodEvening

‎#مساء_الفل ‎#مساء_الخير_والسعاده 

‎#مساء_الخير

.