التخطي إلى المحتوى الرئيسي

ساعتين بتوع الصبح هما بركه اليوم كله واليوم السادس من شهر رجب المعظم

في اوبشن في الموبايلات لو دوست عليه هيطلع للمكفوفين وانا اتفجئت بيه وأثر فيا جدا جدا كله بالصوت والاهتزاز يوتر اي حد يمسكه وعلى العكس لهم هو نعمه ترشدهم وتعليمهم كيف يستخدمون الموبايلات 


اعتقد يعني أن أيماءات المكفوفين لما انا مسكت التلفون عملي توتر موبيل بيعمل اهتزاز وانا قافله الصوت مع كل كلمه هي بتقولها صوتها مستفز جدا والتليفون بيرتعش في أيدي فمش عارفه ادوس علي حاجه كل مدوس علي حاجه تنطق 

يعني المكفوفين مش شايفين فبتالي هو بيتعملو معاه بالإحساس والصوت 

طب منا كمان كده قلبي اعمي ومش شايف فبتالي ربنا بيتعامل معايا بالإحساس والصوت يعني كل شويه بتجيلي إشارات صوتيه يقولي فوقي ويجيلي رسائل كتير في 24ساعه يقولي فوقي 

وانا مش واخده بالي طب مش واخده بالي ليه ايه مخليني كده لان قلبي مش شايف خلاص اتعمي ملهي بقي في حاجات تانيه 

      طيب عمي البصر ولا عمي البصيره؟! 

ربنا يعافينا طبعا من عمي البصر بس احنا دائما بنشوف الامراض الجسديه مؤلمه اوي ونضايق منها اوي ونقعد نقول اعوذ بالله وربنا يعافينا لكن الأمراض القلبية مش بنحسها كده خالص مهما اتكلمنا عن العُجب والكبر والرياء والحسد وقولنا دي امراض سرطانيه اخطر من السرطان العادي 

السرطان كبيرو يموتك ويدخلك القبر 

السرطانات القلبيه دي مش بدخلك القبر دي بيبتدي عذابها بعد مابتدخل القبر وده غير الدنيا أو الشقاء والضنك زي ماربنا وصف فأن له معيشه ضنكا 

طيب هي ليه دنيا عامله معانا كده حطا علينا لدرجه ان احنا مش حاسين بالعمي ده 

فخدنا قرار من اول النهارده ٦رجب هناخد قرار ١٥ حاجة هنعملها كده نحاول نركز فيهم 

نمره واحد... لازم تحضر نيتك قبل متنام احنا عاده بنحط النيه اول مبنصحا

 لا بقه اول ماتحط راسك علي المخده قول

 انا عايز ايه بكره انا نفسي في ايه بكره الصبح زي مبنقعد نفكر انا ورايا كذا وكذا حطي نيتك قبل متنامي

كلمه نيه يعني ايه انا عايزه نفسي ودائما علي قد مانفسك في حاجه بتخديها سريعا سريعا 

2-لازم يكون في ورقه وقلم... 

يعني أنا مارست موضوع مفكره بتاعت موبيل محستهاش عملتها كتير ومازلت شغلي عليها بس بتحسي حاجه المرميه فيها منسيا مش بترجع ليها غير كل فين وفين 

الورقه والقلم في ايديك علي طول احسن تكون مفكره صغيره عشان تحطها جمبك عشان عاده شيطان هيخفيها وتبقي جمبك وتكبت كل شويه فيها  جدوله اليوم بتاعنا يعني لو تعرفي تعملها قبل متنامي مش قادره يبقي اول متصحي من النوم وبعد متصلي ركعتين قيام ليل تبدي تكتب بقي في اليوم ده 

٣_ هتجدولي يومك يعني النهارده انا صحيت ياتري هنام تاني بعد الفجر ولا لا النهارده عندي شغل كتير فمش هنام ساعتين بتوع الصبح هما بركه اليوم كله اللي بتشتكي دائما من عفرتة اليوم ومفيش بركه في اليوم علشان انتي بتنامي في الوقت اللي بتتنزل في البركات 

طب هتجيلك البركه منين وانتا نايم في أهم وقت في ٢٤ ساعه  هي البركه كلها من قبل الفجر بساعه وبعد الفجر ساعه

 عايزه بركه الفلوس بركه الصحه بركه الوقت بركه العيال اي ماكان البركه اللي انتي عايزها مبتتنزلش غير في وقت ده حطي بقي جدولك وجربي وشوفي يومك عامل ازاي 

٤_ حط في رقم واحد الممارسه قضيه كلمه الممارسه دي مهمه جدا في فرق اني اعمل شيء وامارس شيء ممارسه يعني ايدي بتتحرك فيها فعل فيها جهد 

٥_ممارسه الرياضه ساعه مثلا

٦_ ممارسه الحديد لازم نلعب حديد ونحرك العضله بتاعتنا طبعا هتضحكو كستات انكو مش فاهمين الحديد مش هيعمل عضله ليكي ولا حاجه بالعكس هيعمل هينشط حاجه جوه جسمك وعقلك الحديد ليه تأثير تاني خالص غير المشي وغير اليوجا كل حاجه فيهم ليه طعم مختلف عن التاني يعني هكتب كده في جدول بتاعي ساعه حديد

٧_ ساعه يوجا

٨_ نص ساعه تأمل

٩_ ساعه مشي حتي لو مش عايزه تمشي في تمرين تعملو وانتت واقف في مكانك بنفس تأثير مشي ساعه

١٠_ساعه الطبيخ معتقدش هياخد اكتر من كده 

ساعه وساعه كده 

١١_ساعه للذكر ونص ساعه للسجود قبل الفجر بس تكون بتركيز شديد  تكون بتركيز عشان كده بقول مارسي السجود مارسي التأمل الممارسه يعني بذل جهد ذهني وبذل جهد بدني 

١٢_حطي كمان ساعه ضحك لازم تضحكي كل يوم متخيلين ضحكه أو ابتسامه من قلبك دي بتحرك كام عضله في جسمك وبتديكي انتعاش عامل ازاي خلي اللي الريلز اللي بتتفرجي عليها تبقي حاجات مضحكه لمده ساعه 

١٣_ القرائه خليها قبل النوم  لأنها بتعمل شغل كويس جدا خل الساعه قبل القراءه كلها ضحك 

وبلاش اكل قبل النوم خليها قبلها بساعتين تلاته دي من ثوابت بتاعت اليوم بتاعك 

١٤_النوم مش اكتر من 8ساعات

١٥_الوضوء بنيه... ودي مفتاح كل مقفول يعني اي حاجة مزرجنه عليك فكها بالوضوء بنيه

لان كل حاجة انتا بتركز فيها يها صدق حقيقي

انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

إرسال تعليق