يعني ايه تأمل
صباح الحب
زي رخصه العربيه انتي بتخديها تتعبي وتمتحني مره واتنين وتلاته ويمكن عشره علشان تخدي الرخصه تمشيكي عشر سنين
لكن في التأمل الرخصه بتعتها بتمشيكي سنه وبعدين تجددي العهد تاني وبعدين تمشيكي سنه
ايه بقي هو الرخصه أو الشهاده لما اركز في التأمل ايه الدرجه لو وصلتها هاخد الشهاده بتعتي في التأمل
هديكي مثال درجه النايم عند ربنا عامله ازاي احنا كابشر خليفة ربنا بينيمنا كلنا
كل ماخلقه الله لازم ينام طب ايه الهدف من كده علشان دي صنعته لازم يديكي بريك روحك تطلع فوق تتظبط تتعملها اعاده ظبط تروح المصنع ويروح مرجعهالك تاني ايه اللي بيعملوا ربنا مش بتعتنا
المهم من ضمن خصائص الإنسان أنه لازم ينام علشان يعرف يكمل الحياه
دي احنا بنروحها مش بمزاجنا غصب عننا النوم سلطان زي مابيقولو
التأمل بقي زي باظبط النوم لكن انتي بتروحي بمزاجك مش بتروحي غصب عنك مش بتروحي غفوه زي احساسك انك عايزه تروحي تنامي بالعكس تماما
التأمل لازم تكوني فايقه فيه جدا وعشان كده لازم تكوني شاربه قهوتك وتكوني لابسه لبس مريح عشان توصلي لدرجه النايم بس انتي مش نايمه ده المعني الحرفي للتأمل واللي مستحيل تلاقي تعريفو عند اي حد باطريقه دي
سيدنا الشعرواي كان واصف الفرق بينا وبين ملائكه بمثال
مسعد وسعيد
مسعد ده مربوط بسلبه وكل مايعوزو ربنا يجيبوا من السلبه ولما مايعوزوش يسيب السلبه
سعيد سايبو ومش رابطو ورايح وطايح مع نفسه لكن لما بيجيلو لوحدو من غير ميكون رابطو
فاسعيد عند ربنا افضل من مسعد
لان مسعد مربوط زي الملائكه يفعلون يؤمرون مش مكلفين بحاجه معندهمش شهوات معندهمش اي حاجه تخليهم يبعدو هو ربنا رابطهم بيرحو ويجو كده
فبتالي احنا عند ربنا افضل من الملائكه لما بنروح لربنا بمزاجنا
تعالي بقي نروح علي جانب تاني ده بظبط الفرق بين النوم والتأمل
النوم بيجيلك غصب عنك وتروحي غصب عنك ومش بمزاجك انتي مربوطه بسلبه غصب عنك هتروحي عشان يظبطلك المصنع بتاعك
التأمل بقي بتروحي بمزاجك وتروحي وانتي عايزه علشان تتظبطي
النوم بيظبطك فسيولوجيا
التأمل بيظبطك سيكولوجيا
النوم لما بترحيلو بيظبط حاجه في جسمك كينونه كإنسان لحم ودم وعضم فسيولوجي
عشان كده بيقولك اللي بينام أقصي حاجه ٨ساعات بتبقي صحته تمام وقله النوم بتجيب امراض
التأمل بيظبطك سيكولوجيا بيخلي نفسيتك تتظبط كل اللي عندها فلادر في العقل الباطن وقرفاكي وتعباكي ومدمره حياتك وكلنا كده بلا أستثناء
بمجرد ماتخدي عهد علي نفسك انك تقعدي كل يوم او تروحي بمزاجك لربنا في حاله التأمل دي لمده نص ساعه كل يوم بعد سنه هتخدي الشهاده بتعتك وكل سنه بقي نفضل نجدد العهد ده
ايه بقي التظبيطه اللي بتحصلي سيكولوجيا ايه الاحساس اللي هحسو 🤔حاجه كده تشجعني كده اكمل للنهايه
هتلاقي نفسك حاجة تانيه خالص
قبل التأمل واحده مكشره من جوه وزهقانه وقرفانه تيجي بعد النص ساعه دي تلاقي حالك انقلب كيانك بقيتي هاديه جدا من جوه عندك حاله سلام من ناحيه الكون كله
حابه كل البشر حسا انك ام لكل البشر مفيش في قلبك ضغينه لاي حد من البشر ايه ده سحر ولا ايه
ايه اللي هعملوا في نص ساعه دي يوصلني للمرحله دي؟!
نرجع تاني لحتي نوم هنام بس وانا صاحيه
التأمل عباره عن نوم وانا صاحيه
هل اللي بينام بيفكر 😳
عنده فكر شغال في خواطر بتجيلو؟!
لا........
نفس الحكايه هتفضلي تلعبي مع نفسك لعبه القط والفار كل متيجي خاطره بتعملي بايدك كده بتمسحي قولنا زي مساحات العربيه وانتي بتمسحي مش مركزه
بتنامي كده عارفه التشطيحه شطحي كده علي الارض يفضل يكون علي الارض بس في السقعه دي مش هتستحملي لو تعرفي تفرشي حاجه علي الارض وتعمليها يبقي تمام تنامي علي ضهرك ورجلك مفروده في وضع استرخاء تام شوفي أي وضع تكوني فيه قمه الاسترخاء وتعمليها
دماغك بقي دي متكنش هنا خالص دماغك بتسافر فيى حته تانيه خالص
عشان كده بقول تخيلي نفسك في البيت المعمور عشان التأمل يكون صح الصح جوه الكعبه كلنا شفنا المنظر عامل ازاي غرفه مغلقه في حضره الرب منوره بيطوف وراكي وحواليكي الملائكه ٧٠الف ملك متخيله لما تعملي التأمل وانتي حسا انك
جوه البيت المعمور جوه
ومن بره الملائكه ٧٠الف بيطوفو
انتي في فلك النور محاطه بالنور تتشبعي نور
احساسك ايه انتي ونايمه علي الارض في اللحظه دي عامل ازاي؟!
انا عايزه اوصلك للمعني ده نص ساعه دي هتلاقي نفسك اتقلبتي في عالم اخر روحتي لعالم الملكوت بمعني الكلمه بس كل المطلوب منك كل ماتيجي فكره تمسحيها
قلبك بينبض الله لسانك ميشتغلش عقلك ميشتغلش جوارحك مبتشتغلش كلوا معملوا بوز ساعتك نايمه لكن قلبك بس اللي حي ومش بيعمل حاجه غير أنه ينبض ب الله وداوني بالتي هي كانت هي الداء
امسح الخاطره ازاي علي طول اول متيجي الخاطره اتخيل ملائكه اللي بيطوفَو ورايا دلوقتي وانا جوه الكعبه اللي هي البيت المعمور ومن بره بتطوف حوليها الملايكه ٧٠الف ملك كل متيجي خاطره تضايقك أو عايزه تعكنن عليكي تمسيحها باللقطه دي
اللقطه اللي الشيطان بيحاول يحطهالك فتروحي مسحها وحطا اللقطه دي هتفضلي في جهاد لمده نص ساعه طبعا بتظبطي التيمر عشان خاطر متبقيش قاعده مركزه في وقت هيخلص امتي
الشروط بتعتها مفيش مخلوق يكون شايفك في تلت الاخير من الليل يبقي احسن عشان ده اكتر وقت بتكون الدنيا هاديه لو عرفتي تعمليها أثناء النهار وانتي لوحدك اعمليها المهم اهم حاجه ميكنش عندك نعاس رغبه في نوم ولو ١%
ميكنش حد في البيت محدش يشوفك وانتي في وضع ده نهائيا لان حاجات دي بتتنظر جدا ومتتكلميش عن موضوع ده لحد
وكل واحده فيكو هتيجي تمارس التأمل هتلاقيها بتفرز حاجه جديده طعم جديد وريحه جديده
يالا ندوق بعضينا ونشم من بعض اجمل روائح الورد
الله
ردحذفاه لو يعرف سعيد لما يروح لربنا قمه السعاده
ردحذف