فاتح قلبك بشكل دائم خايف حاجه فيك تيجي عليكي تضيع كل تعبك في الأرض واليوم ٤٣ للتوازن الروحي والجسدي والعقلي
اليوم ٢٦ جماد اخر١٤٤٤
ياترى وصلنا لفين في رحلة التوازن وفي الاعداد للفتن؟
بمجرد انك تسئل نفسك كل يوم اخبار توازني الروحي والجسدي والعقل ده في حد زاتو وعي وانك تحاسب خواطرك وتركز قلبي شم ايه! ؟
وهو أقصى ما اتمناه ان نخرج من هذه السلسله به
وعي انك تمشيهم كلهم في خط واحد وتحاول تعدل الدفه بتعتك زي صاحب مركب خايف يغرق ماسك المقداف بتاعو شمال ويمين مركز جدا ليه؟
علشان خايف من الغرق
اهو احنا هنا هدفنا نحسسك انك بتغرق فخاف!!!
الخوف بيجيب يقظة
وعي
استقبال
فاتح قلبك بشكل دائم خايف حاجه فيك تيجي عليكي تضيع كل تعبك في الأرض
لو اطمنت ونمت وريحت على وحده فيهم هضيع صدقني والفتن هتنهشك روح كل يوم زود عجل احتياطي
فمثلا
قلت انا بطل العالم في رفع الأثقال... فا مش قلقان من جسدي خالص
او بكتب كتب وبقرء كتير ومشغول على طول فكريا او قاعد ليل نهار بتصلي وتصوم وسايب جسمك يتبهدل ومش بتتحرك
كلها أفعال جميله لكن بزويه ميله يعني وحده جاي على حساب اتنين
متوقع يحصلك ايه بعد كام سنه؟!
اكيد خلل مِلت للجسد وركزت في غذاك وتمارينك وبقيت تمام هتمرض روحك ويمرض عقلك والعكس وهكذا
كل مشكلتنا اننا مخدوعين في التوقيت الزمني
نسينا انها خدعة الحياة الدنيا
انها أكبر مقلب بنخدَو في حياتنا
بنسرح ونفتكر نفسنا عايشين فيها على طول كلنا عارفين اننا كلنا ميتين
لكن بردوا كلنا بنسرح ونتوه عن حقيقة المعنى ده
لو خايفين صح مستحيل تميل دفتنا عن وحده من ٣ دول
فأكيد هنهتم بروحنا بنفس مقدار علمنا وبنفس مقدار جسدنا
خوفك من رجب يدخل عليك وانتا منتش حاسس بمعنى التعظيم لله والجلال له مستهتر بمقام الرب قلبك فاضي عن تعظيمة
وماقدرو الله حق قدره دي بس رددها كتير عشان تفوق شويه وتعرف اد أيه هو بيرحمك وسيبك تهبل وبيبص عليك صابر مستني ترجعلو كل يوم
وبيديك في رسايل يوميا
وانتا بتسمع ولا تسمع
غافل
تايه
بتستهبل
ويحذرك!!!
ولا انتا هنا ويحذرك الله نفسه ولا حياة لمن تنادي
منتظر ايه ايه؟!
يعني مطلوبنا اليوم اننا نفوق
ونركز تاني ان سر توازنك
ده هيخليك تخرج منها على خير
وبصحة تمام وعقل تمام وروح تمام يعني قلبك هيكون فايق كده ومنعنش
وانك تتخيل نهاية الهدف رايح لفين بيفكرك كل يوم هيشجعك انك تكلمل وتبطل كسل
قوم اتحرك باقي ٦٤ يوم على رمضان العد التنازلي بيشد اهو يلا محدش عارف هنوصل أصلا لرمضان ولا هنكون في عداد الموتى
مش قادر الشتا مثبتني في الأرض
خود شعار الحركة بركة
طيب ابتديها وحده وحده حرك ايدك بشوية حديد حتى من غير حديد حرك ايدك وكررها عشرين مره كل ساعه اعمل تمرين استرتشات ولو خمس دقايق بس وشوف فرقها في نفسيتك حاول تجرب مش هتخسر حاجه
زيهم بردو خمسه كده وبص علي اي كتاب قرائة بس اقفل النت خالص وركز في ٥ صفحات بس وزيهم بردو ذكر لاسم من أسماء ربك كل يوم اسم
بتتحرر روح الانسان من عبودية العادات
العلم نور مع كل صفحه بتقرئها بتحرك حاجه جواك منتش حتحسها الا اما تستمر عليها
ومع كل ذكر بتحرك قلبك وتحي شئ مات فيه وخصوصاً ذكر الخمسه في خمسه ده جميل جدا؟!
ده ايه
يعني خمس مرات في خمس اذكار ثبتهم كل نص ساعه
الصلاة على حبيبك ٥
الحمد لله رب العالمين ٥
سبحان الله وبحمده ٥
لا إله إلا الله وحده لا شريك له له الملك وله الحمد وهو على كل شئ قدير
ربي اوزعني أن اشكر نعمتك....
واحفظ دعوه معينه وابدئها ديما بالاعانة اللهم أعني على ذكرك وشكرك وحسن عبادتك
واحفظ جملة انجليزي او اي لغه بتحبها احفظ ايه من كتاب ربك اي حاجة المهم شغل ملكة الحفظ بيشتغل عقلك وينتعش كده وتفوق
جرب بردو اما تكون عصبي وغضبان
اتحرك جهد بدني
وبعدها احفظ حاجه اي حفظ بعد جهد بيلذق
وبعدها استرخاء روحي
كلو مش هياخد في ايدك تلت ساعه بس
بس سبحان الله هتحس بتغير رهيب في مودك وكأنو السحر بعينو بس بإبدك انتا
مرحتش لحد يخرجك من مودك ولا تحتاج لحد يقف جنبك
ولا احتجت حد يطبط عليك
انتا بنفسك اسعد نفسك بس شوية ثقه في النفس وحققها اسبوع متواصل علشان توصل للثقه دي
وخذ إجازة من التكنولوجيا وابدأ حياة هادئة..
استمتع بيومك على طريقتك
وليس بطريقة العالم الموازي
بعيدًا عن فخ المقارنات والاستسلام للمحتوى الخادع على شبكات التواصل
شبكات التواصل الاجتماعي والإنترنت غيَّرت شكل الحياة اليومية على الكوكب كله
كان لهما سحر خاص وأعراض جانبية كثيرة
وفي أغلب الأحيان أعراض مؤذ.ية وقاتلة للإنجاز ولهذا فالأمر يحتاج إلى خلق توازن حقيقي يتحكم فيه الإنسان وليس العكس..
حياتك في ايدك مش في ايدهم ركز
استرد حياتك من سجن الإنترنت.
إدمانك لهذا العالم الافتراضي هو سبب همدانك ده خود بالك ⛔
تعليقات
إرسال تعليق