عدي ٨ ايام من شهر شعبان الحب واليوم التاسع اهو بدء
ناس وبتسئلني عن الجنة وابوبها الثمانيه بمناسبة انه مر ٨ إياك و ليه مش بتتكلمي عنها وهذا هو ردي
بتتكلموا عن الجنه!!!!!
حسا انكو عايشين في عالم موازي
ابواب الجنه 8 طب مااحنا عايشين فيها في الأرض ولا ايه؟!
ماهو من عاش علي شيء مات عليه........
إذاً كلنا عايشين فيها لو احنا مقدرين ربنا صح وعايشين بقضبين الخلافة والعبادة
و مش بس هيبقوا 8 بس
جنة الأرض هنلاقيها 24 ساعه
يعني اللي تبص للساعه كل ساعه وتحسب يومها بالساعه هي في الجنة اصلاً
مش في ٨ ابواب الجنه اللي فوق
لو انتي بتحسبي وقفتك في مطبخ بالساعه ذاكرنا ساعه حفظنا ساعه قعدنا ندعي ساعه روحنا في تلت الاخير من الليل وسجدنا وخشعنا ومسكنا القران ساعه
ساعه وساعه طول منتي ماسكه ساعتك انتي في الجنه
مع كل ساعه بتبصي للتوقيت الزمني وبتعملي عمل ما انتي في الجنه مش بس ٨ ابواب لا ٢٤ ساعه في الجنه حتي ال ٨ساعات اللي بتنميهم خلاص اتحسبولك لو انتي في باقي الساعات مش سرحانه لو انتي عامله التوازن الروحي والجسدي والعقلي في خلال ٢٤ ساعه انتي في الجنه مش هتستني الجنه اللي فوق منتي عشتي عليها في الأرض
انتي حققتي كلام ربنا في الأرض انتي خوفتي أن دي اول حاجه هتتسئلي عليها يوم القيامه مينفعش نروح نتكلم عن الجنه واحنا اساساً مش عايشين فيها مش عايشه بيها مينفعش ياجماعه نتكلم عن الجنه وانا اساسا بقف في مطبخ ساعتين تلاته وبضيع عمري في المطبخ مينفعش اقول كده واروح اقعد قدام تلفزيون ثلاث ساعات من غير ماعوضهم زيهم انا مش ضد الحاجات دي ومتشدده بس عندي مبدأ عملت ترفيه يبقي أثناء الترفيه ابقي ماسكه سبحتي بعد الترفيه بحسب الوقت اللي قعدتو قد ايه وبعملوا بقي سواء في الدعوه أو نشر الخير أو اني اتشاات مع ناس في مسائل حياتيه تساعدهم يعني
أو في تدبر القران المهم لازم تتعوض ال٣ساعات دول في حاجه تانيه لو مش بنطوف حولين اربع حاجات اللي بنتكلم فيهم وبنموت عليهم معلونه الدنيا ملعون مافيها الا ذكر الله أو عالم أو متعلم ومن والاه
لو انا مش بطوف حولين ٢٤ ساعه يبقي انا عشت في نار ومجيش اتكلم واقول انا عايزه الجنه لو انا مضيعه عمري ومش ماسكه الساعه بتعتي مش حسا أن الساعه اللي فاتت دي اتهدرت في لاشيء
مخدتش بالي هي راحت فين ومحسبتش لنفسي انا عملت ايه في الساعه الي فاتت
دي يبقي انا في نار وهموت علي نار وهروح النار علي طول كده
يبقي بدال ربنا قال حاجه هتحاسب عليها
في اذدواجيه في العصر بتاعنا عايزين نصلي ونصوم وبنعمل عبادات وبنحبك يارب وبنحبك يارسول الله لكن تيجي تتكلم عن التوقيت الزمني بتاع عالم دي ايه إحساسهم بالزمن ايه احترامهم للوقت ايه مفيش يبقي دي اسمها اذدواجيه مش هقول نفاق هقول اذدواجيه في المعاير في حاجه غلط
اي انسان في الدنيا دي كلها ماشي بالساعه ولو مش مسلم هو في الجنه
اي انسان عامل توازن في يومه بين كذا حاجه مع بعض هو في الجنه لو اخدت بالكو في اسرار عقل الملونير هتلاقي دائما بيتكلم عن المنطقه دي انا اكتشفت أن اللي عمل كتاب دع القلق وأبدا الحياه ديل كرنيجي ده كمان كان بيتكلم عن نفس المبدأ ده كل الناس اللي بيتكلمو عن مبدأ التوازن واحنا مش واخدين بالنا وعندهم توزان روح وعقل وجسد
طلعت اساسا دي سمات الناس الناجحه في العالم اي انسان ناجح ماديا جسديا أو صحيا زي كريم علي هتلاقيهم من اصحاب الساعه 5 الفجر ومش بينامو تاني هتلاقي عندهم توازن غير طبيبعي
بيخلصوا كل حاجه الساعه ١٣ ظهر
البركه الحقيقه في الكام ساعه بتوع الصبح دول تلاقي نفسك عملتي خمسيه حاجه تلاقي اليوم عامل زي الاستك بيمط ايه اليوم الجميل ده دنيا واسعه كده ليه تعالي بقي نامي ساعتين واصحي ٨ ولا عشره متأخر هتلاقي روحك في مناخيرك والوقت مفهوش بركه واتفرتك ومعملمناش اي حاجه ولا حسينا باي حاجه
يبقي الجنه ايه؟!
مافي حد في الدنيا ماشي من غير الساعه ويجي يتكلم عن الجنه وعايزها ولو واحده تقول أنا مؤمنه وهي مش حسا بالزمن اي انسان معندوش احساس بالزمن ده انسان بعيد كل البعد عن الإيمان والعكس صحيح وفي مش مسلمين وناجحين في الصحيان بدري وترتيب أوليتهم وليهم ورقه وقلم ويكتبو أهدافهم ويعاقبو نفسهم كل اللي ده اتكلمت عنه في السلاسل اللي فاتت دي سمات الناس الناجحه وربنا قال ايه في القرأن أن الله لا يغير حتي نتغير يبقي انتي كده لاتتغيري وحياتك فعلا مبتتغيريش وحياتك واقفه زي ماهي وتلفي وترجعي لنفس نقطه الصفر اللي انتي فيها وبعدين ترجعي تسألي هو في ايه
انا ليه مش بتغير؟!
علشان انتي فعلا مش عايزه تتغيري
حتي يُغيرو مابأنفسهم انتي اصلا مش عايزه انتي حابه الراحه حبه الكنبه حابه الركن البعيد الهادي ده حابه منطقه الراحه فمش عايزه تبذلي اي جهد انتي مسستما علي كده جسمك ونفسك وحياتك اتسستمت علي حاجه معينه لو جسمك اتسستم علي راحه تأكدي انك من أصحاب النار لو جسمك مسستم على الراحة انسى
قاعدة التغير..........
كل تتعبي نفسك هتريحك
وكل متريحيها هاتتعبك
تأكدي يقينا انك من أصحاب الجنه جتنتك بقي سواء في الأرض أو في السما سواء الناس الاجانب اللي بنقول عليهم مش مسلمين وميعرفوش حاجه عن الإسلام وماشيين بالمبدأ ده علي ألاقل ربنا مديهم الدنيا مديهم نجاح في الدنيا ومديهم تفوق ومديهم عزه ومديهم مال
فلما نيجي نصحا الساعه ١٢بعد الظهر وتقولي انا لسا صاحيه الظهر متستنش تغير لحالك بقه انسى
وهانرجع تاني لنقطه الصفر ده نبدء ال بيصحي متأخر ده ملوش حل غير انك مش عايز تتغير
انتا لو عايز تتغير مستحيل وألف مستحيل تنام من بعد الفجر ولو نمت هتخطفلك نص ساعه وتصحي تاني وتمسك ورقه وقلم وتحاسب نفسك وانجزت ايه ميفيش حاجه اسمها ليا هدف ومش مكتوب ولو مش بتابع الهدف ده كل يوم ومش بتتكا بالقلم كل يوم علي هدفك ده انسي يقوملك قومه
كن صادق مع نفسك بس
اللهم طاقة نور لإحياء قلوبنا من وهم الحياة الزائلة الي حقيقة الآخرة الباقية ورد ارواحنا بنظرة حنانة ننال بها صدق الطلب بجاه حبيبك ياحي ياقيوم احي امتة أمة دعوتة وأمة اجابتة ياربي
#تأملات_شعبان_الحب
#شهرشعبان
#سُقياشعبان
#إسقهاحبا
#صباح_السعاده
#دعاء
#سقياشعبان
#شعبان_الحب
#صباح_الخير
#صباح_السعاده
#شرح_حكم_ابن_عطاءالله
#مولدالحبيب
#صلواعليه
#صباح_الحب_للحبيب
#يوم_ميلادك_اشرقت_الارض
#الدعاءنوروقبول
#الشكررحمةربك
#كن_له_يكن_لك
#صباح_الفل
#قروبات_اضافات_البابلي
#Buongiorno
#guenaydin
#BuenosDias
#goodmorning
#GoodEvening
#مساء_الخير_والسعاده مساء_الفل #مساء_الخير_والسعاده
#مساء_الخير
اللهم طاقة نور لإحياء قلوبنا من وهم الحياة الزائلة الي حقيقة الآخرة الباقية ورد ارواحنا بنظرة حنانة ننال بها صدق الطلب بجاه حبيبك ياحي ياقيوم احي امتة أمة دعوتة وأمة اجابتة ياربي
ردحذف