اليوم اللي مش هنكون فيه مظبطين نيتنا قبل منام هنكون مخطط في ايد حد تاني
يكون هو مظبط نيتو يعني يوم بيوم
لو انتا نمت قبل متقول عايزه كذا ونفسي في كذا زي مااحنا اتمرنا قبل كده
هذا يوم جديد وعلي عملك شهيد
فاغتنمني
يعني بتحضر 1... 2... 3
هعمل كذا كذا توزان روح وعقل وجسد هركز في روحي هركز في صلاتي هحاول اجيب كام ركعه من 17 ركعه من قلبي في إياك نعبد وإياك نستعين
كان مره اهدنا الصراط المستقيم من قلبي
وفي الجسد هيبقي غذائي صحي أو هصوم أو هعمل يوجا وتأمل وتنفس
والعقل هقرأ شيء جديد كل يوم ساعه وساعه وهكذا
طبعا كل ده شعارنا فيه
سبق المفرودون
ونبقي دائما ماشيين في مبدأ بالسباق ده اسابق نفسي لو مش لاقيا حد عشان اوصل لمعني سبق المفرودون
معملتش حاجه من حاجات دي كلها استلقي وعدك بقي هتلاقي حد اترمي عليكي وسلط فيكي طاقته لان هو طاقته أشد منك
لانةمش لوحدك في الكون انتي سهيتي النهارده في غيرك مصحصح
اللي غيرك ده مصحح شقطك ازاي بنيته سواء خير أو شر لو اللي انتي اتقابلتي معاه في اليوم ده طاقته عاليه لو شديده وحد كويس في الخير تماما يبقي انتي كده محظوظه هياخدك في طريق الخير
طب اتصدفتي وقعدتي مع حد بنار وبغل وطاقتو الشر وقلبو مولع منك في بردو هيخدك في سكتو لما مش بتظبطي نيتك بتكوني ملئف لاي صياد يصطادك
فخلي دائما مبدأ اني اركز في نيتي قبل منام
خدي بالك من حته دي كويس لان اي حاجه بنركز فيها اوي قبل منام بنصحا عليها
قبل كده قولتلكو نتوب قبل منام سيدنا النبي علمنا كده
أسلمت نفسي إليك يعني ايه فوضت امري اليك والجئت ظهري إليك لا ملجأ منك إلا إليك آمنت بنبيك الذي أرسلت وبكتابك الذي أنزلت
نقول الكلام ده اول مانحط راسنا على المخده عشان مندلقش كده لازم نكون عارفين روحنا دي رايحه فين وعارفين اولنا من اخرنا
عملتي كده قبل متنامي بقلبك بتصحي طبعا مصحصحا وتصحي علي ذكر الله وبتشيل تلات اقفال اللي بيحطهم الشيطان علي قفاك قبل متنام
والدنيا تبقي تمام معاك معملتش كده وادلقت أو حتي قولت من غير احساس فبتقوم عامل زي الريشه في الهوا وخد بقي علي دماغك
لازم قبل منام نشوف أحنا عايزين ايه تاني يوم وعلي قد منتا عايز دي بتكتب
احنا قولنا العلم طير والكتابةصيد علي قد منتا بتكتب علي قد منتا مصحصح طول مافي ورقه معاك اعرف انك مصحصحا مفيش ورقه وقلم يبقي انتا خلاص مش صادق مع نفسك
حتي المفكره اللي قولنا بنكتب فيها مش دليل علي انك صح لازم ورقه وقلم ومتابعه ولا زم يوم بيوم تكتب انا عملت كذا وحصل كذا ومطبات الطريق كان كذا
تخيل كده لو قعدت اربعين يوم كل يوم كتبت نيتك النهارده كذا وخطتك كذا وجيت بليل قبل متنام حصل واحد اتنين تلاته
ادي لنفسك نسبه جيد ممتاز جيد جدا مقبول سقوط المهم انك تكون محطوط علي ورق بايديك طول منتا علي ورقك اول باول قاعد لنفسك بالمرصاد ومركز معها توهتي عن ده ولو يوم خلاص حد تاني اصطادك اشتغلي بقي في البحر سمكه وهنبتدي نشتغل في شغل سماكات واسكرولات وخيبات
لازم ورقه وقلم لازم نظبط نيتنا ومااجملها هذه النيه غايه المريد اصلاح قلبه ليشاهد ربه يعني غايتك اهم شيء في حياتك أن انتا تصلح قلبك عشان تشوف ربنا علي قد مبتصلح علي قد مبتشوف
يعني علي قد مبيكون تركيزك أن قلبك يكون طاهر ونضيف من كل شائبه
علي قد مبتكون شايف ربنا
يعني ايه يعني احسان يعني بتتعامل مع البشر كلهم بمبدإ الاحسان مفيش حاجه شايلها من ناحية حد مركز اوي مفيش فتنه تدخل مركز تمسح اول بأول وعينك وعفيتك علي بؤرة قلبك دي اللي هي كل شيء قلبك هو الملك
الامام الغزالي كان بيقول القلب هو الملك الجسم كله هو قلبك حافظ علي الملك ده هتكون اقرب لربنا ويكون مبدأك جاهد تشاهد
جاهد خواطرك..... تشاهد ربك
ده مبدأ
سؤال القراء
أعمل إيه عشان جسمي لا يأكله الدود بعد الوفاه؟؟
اطلبي الشهاده بصدق
الصدق هو الحل
يعني ايه صدق يعني ايه اللي بيطلب الشهاده بصدق بينولها شوفي السؤال بتاع اسماء اعمل ايه عشان جسمي مياكلوش الدوود بعد مموت يعني لو انتي الموضوع مآثر فيكي من جوه طلع من جوه قلبك الموضوع مضايقك أن جسمك ده هيتحول ميبقاش ليه اي لازمه ويتحول الدود يقعد ياكل في وإن انتي الموضوع ده مضايقك اوي من جواكي
قولي كده لربنا انا نفسي جسمي يفضل زي ماهو زي الشهداء نفسي اروح لربنا زي منا يبقي جسمي صحيح مش طايقه أن الدوده تاكلني
دي حاجه كويسه بيفوح من السؤال ريحه الجنه يعني واحده فعلا طالبه الجنه مش عايزه الدنيا بس الدنيا خطفاكي بردو يعني الدنيا خطفتك ودخلتك جوه البرمجه بتاعتها ومدخلاكي الغساله ومعلقه عليكي لمده سنين طويلة اوي
ازاي افصل الفيشه دي وأقطع الكهربا عنها؟!
بالصدق كل ماكان حالك ده موجود
الواحد مبيصدق يجيلو حال حلو مابيصدق ياخد رساله حلوه من ربنا اقفشي فيها بقي امسكي فيها وخديها قرار وحطلها ورقه وقلم وحطلها قواعد الواحد مبيصدق جتلو جوهره النهارده جوهره حلوه اوي ولمست قلبي ومصدقت قلبي ابتدي يتحرك تعالي بقي امسكي دي وحطيها علي لوح زجاج وركزي بقي كوني مصحصحه ده زجاج ممكن ينكسر منك في اي لحظه لازم تكوني مقويه زجاج ده
شوفي سيدنا النبي لما وصف القلب بلوح زجاج بس خير القلوب اصفاها وارقها واصلبها يعني شوف حتي الوصف
لما تيجي تشتري زجاج هتلاقي سعرو غالي بالي انا بقول عليه ده يكون صلب وقوي اوي وشفاف وسمك بتاعو ميبنش أنه هو قوي بس لو رزعتيه بأي حاجه ميحصلوش حاجه
هو ده حال القلب الحقيقي اللي ربنا عايزو
اصفها.. وارقها.... واصلبها...
يعني في دين الله قوي مع الله اصلبها يعني
تلاقي بيحق الحق ويبطل الباطل
يغضب لله ويحب لله ويكره لله
تلاقي هو مش بمزاجو هو رايح جاي كده بمزاج ربنا وعشان اوصل قلبي للمرحله دي
بياخد شغل كتير زي متعلمنا بياخد وقت وبنروح وبنيجي بيجلنا إلهام معين وسؤال معين بيخطر في بالي ربنا بيقذف في قلبي خاطره معينه تعالي مابنصدق بقي يجي حاجه زي دي نحطها علي ورقه وقلم ونقعد نكتب ونحاسب يوم بيوم ورقه دي متروحش منك ومفكره تكون حاجه صغيره مهم في رايحه وجايه ايدك عليها عينك وعفيتك علي ورقه عارفه طول منتي رايحه جايه
علي مفكره دي اعرفي أن قلبك مصحصح
مركزه اول بأول بيحاسب نفسو وبيلوم نفسو مش شغال يرمي بلاه على خلق الله وأمراض النفسيه لغاية ماتقع في ايد حد من الصالحين يدعي عليك دعوه تجيب أجلك
وعلى ايه مناسب نفسنا احسن ونتلم بدل متجلنا مصيبه تلمنا
اعرفي علي طول مؤشر ليكي انك مش مظبوطه واتحولتي لسمكه بدال منتي صياده بقيتي سمكه يعني اي حد يسحبك صيده سهله اي حد يستفزك سهل اوي اي حد ياخدك في طريقو وهو ماشي
ولكن وطنو أنفسكم شوفتي سيدنا النبي
يعني وطني نفسك وطني يعني خليكي تقيله راسيه
ازاي اوطن نفسي طيب!؟
بانك تكوني مركزه في حاجه واحده بس قلبك وبس مادون ذلك طظ فيش
هو قلبك وبس متركزيش في أي حاجه غير في قلبك ازاي تخلي صلب للدين ربنا ازاي يكون رقيق ازاي يكون شفاف ازاي يكون نقي
اصلاح القلب غايه المريد إصلاح قلبه ليُشاهد ربه خلي ده شعارك لغايه مارمضان يخلص
ربنا يعينا جمعيا علي فتن رجب خبيثه وخفيه وتيجي من تحت لتحت كده مش متغطيه لا منقبه تحسي انها فتنه منقبه ربنا يعينا عليها عشان كده بقول لما نركز في حاجه عظيمه أوي إن شاء الله ربنا يعينا علي حاجه صغيره
اللهم سهل لي مطلبي و يسر لي مقصدي و ارزقني بتسخير منك لهدفي و اجعل خطواتي مباركة اللهم إن كان ما أدعي به مستحيلاً فأنت القادر سبحانك لا يعجزك شيء في الأرض ولا في السماء بارك لنا في رجب واجعله خير الشهور علينا ياكريم
اللهم سهل لي مطلبي و يسر لي مقصدي و ارزقني بتسخير منك لهدفي و اجعل خطواتي مباركة اللهم إن كان ما أدعي به مستحيلاً فأنت القادر سبحانك لا يعجزك شيء في الأرض ولا في السماء بارك لنا في رجب واجعله خير الشهور علينا ياكريم
ردحذف