باب الإحسان ده أصعب باب للنفس
ومن كتر مهو صعب تحس انك بتعرف نفسك على حقيقتها ادامو
لان مع كل إحسان كأنك قررت تقلع القناع ال لبسو من سنين طويله
لان الإحسان بيحطك على أرض الواقع
الكلام سهل جدا جدا لكن ممارستو هو الصعب
علشان كده بنقول كل يوم إحسان جديد كأني بقولكم حطو الأقوال في محل الأفعال حققو عبادات الليل والتراويح في أرض الواقع وريني شطرتك بقه
حاولت أحقق الإحسان مع الاعداء
بمئن العدو الاوحد اتحبس
وسبلي مصيبه وراه
نفخ مكنتش اتخيل ه حتى
وبعتلي حد مليش صله بيه اصلا ولعني بنارو وظهرت نفسي على حقيقتها وتألمت إيما ألم مكنتش اتخيل المقلب ده في حياتي شنكل حراميه في آخر كام ثانيه قبل دخول رمضان وعملها صح معايا واتحبس
اتاريني عندي نقطة ضعف قويه ومخفيه وانا مش عارفه بس عدوى درسني كويس وعرف نقطة ضعفي واشتغل عليها في هدوء وظبطهالي صح ورمهالي في وقت خطير جدا جدا
وقعت.... اه وقعت... وبقوه... اتسحلت كمان
اوووووي
ودعيت عليهم.... حصل
واتقلب مودي في أول ليله وهي ليلة النظره ال ربنا قال فيها يغفر للكل الا المتشاحن!!
شحني صح الصح مكنتش حاسه بالليه اصلا
قلبي غضبان ومش شايف غير حرقة الدم دي
بعد الفجر وبعد مرور الليلة فوقت َافتكرت الإحسان ومطلوب ناو توبه سريعه
نفسي ترد وتقولي توبة ايه بقه خلاص الليله بح
ال حصل حصل بقيت اقول مين ال بيتكلم جوايا ده مش اتحبس! ؟
اتاري ال اتحبس الكبير بتعهم وسايب اطفالو يكملو المهمة بتعتو قلت لا
اتحبس
دي خواطر نفسي
المهم موقفتش كتير عند الحته دي
قلت مش مهم من بيصرخ جوايا ده المهم خودي قرار الإحسان وحققيه بسرعه
الإستغفار الكبير اتوب انا الأول وبعدين ادعي للغظوني وولعوني
تعبت اوي عقبال مجبت الثلاثه من قلبي
أستغفر الله العظيم الذي لا إله إلا هو الحي القيوم واتوب اليه ربي اغفر لي
أستغفر الله العظيم الذي لا إله إلا هو الحي القيوم واتوب اليه ربي اغفر لي
أستغفر الله العظيم الذي لا إله إلا هو الحي القيوم واتوب اليه ربي اغفر لي
وبحاول اسمع غُفرت ذنوبه ولو كان فأر من الزحف واخلي قلبي يصدق ان ربه تاب خلاص
أصعب احساس ان ربنا رفضك ومش عاوز يسمعك اصلا
اول ما بتحس انك مقفول ومش عارف تعبدو اعرف انو مش عوزك
عيط ولح متسبش بابو لغاية ما يفتح
باقي إحساني لمن اذاني
مش قادره اجبها
كل ما احاول اجيب الدعوه العامة ال كنت متعوده اعملها مع أصحاب الحقوق على مش قادره بجد شوفت نفسي على حقيقتها اوي
رعونه فوق الوصف كانك جايب حد حطو على السطح وبتعقبو بشدة الشمس والحر ومش هنزلك الا اما تهدي وتبطل رعونه
رمضان لكده.... اه ده هدف رمضان..... بيحطك في اطمسفير معين بيئه معينه بتحولك لإنسان خارق للعاده
علشان النفس دي تتربى صح وتبطل فيوعه
وعمرها ما هتبطل ده الا اما تتربى بالممارسات الإحسانيه
وصلنا بعد جهاد شديد ان الدعوه تطلع صح
وهيا....ياحي ياقيوم برحمتك استغيث اغث امة حبيبك محمد... وتتخيل ال ليهم حق عليك سواء معنوي او مادي.... وابدل سيئاتهم حسنات واقرر عين حبيبك محمد بيي وبأمته
وبتخيل من اذاني صح الصح وهدئت نفسي اخيرا وكأن شئ لم يكن
وكأنها ذوبعه في فنجان
وانتا جوه الامتحان هيبة اللجنه بتاعة الامتحان بتخليك تنسى ال ذكرتو بشويه صبر و استعانه بتبتدي تفتكر تفاصيلك وتتعامل صح ولله الحمد
يارب العالمين بعثت حبيبك رحمة للعالمين ارحمنا بحبك لحبيبك في شهر الرحمات وتكرم علينا في شهر الكرم بنفس راضيه مرضيه حتى تسمع ادخلي في عبادي وادخلي جنتي
#تأملات_رمضان_النور
#شهررمضان
#صباح_السعاده
#دعاء
#كن_له_يكن_لك
#المسجد_الأقصى
#حسبي_الله_ونعم_الوكيل
#الاقصي_خط_احمر
#رمضان_الحب
#رمضان_كريم
#صلواعليه
#صباح_السعادة
#شرح_حكم_ابن_عطاءالله
#مولدالحبيب
#صباح_الحب_للحبيب
#يوم_ميلادك_اشرقت_الارض
#الدعاءنوروقبول
#الشكررحمةربك
#كن_له_يكن_لك
#صباح_الفل
#Buongiorno
#guenaydin
#BuenosDias
#GoodEvening
#مساء_الفل #مساء_الخير_والسعاده
#مساء_الخير
يارب العالمين بعثت حبيبك رحمة للعالمين ارحمنا بحبك لحبيبك في شهر الرحمات وتكرم علينا في شهر الكرم بنفس راضيه مرضيه حتى تسمع ادخلي في عبادي وادخلي جنتي
ردحذف