التخطي إلى المحتوى الرئيسي

الثلث التاني من رمضان ١٠ رمضان المبارك

ردا على المتنورين.... 




ربنا يتقبل ويزيدك كمان وكمان وتعملي الوجبات اللي انتي اختفيتي فيهم في تلات ايام اللي فاتو 

وانا فخوره بيكي دي اجمل ثمره انك تكوني في حاله سلام داخلي مع الناس اللي انتي مكنتيش طيقاهم انا فخوره بيكي بجد جدا 

اخبار النقع بتاع امبارح ايه انا كنت زعلانه ومكنتش هتكلم لان مفيش حد علق محدش بيقول ثمار الواجب ايه 

قولت قبل كده انا زي المكانيكي بيجيب بليه ويقولو انزل تحت العربيه ويالا نصلح ويالا نتعلم لكن مبحبش كلام سستمتك مش هقعد ارصص كلام ومحدش يتفاعل 

ومكنتش هتكلم ودي تاني جمعه من رمضان المبارك لاقيتها مؤشر خطر اوي زعلي منكو في الوقت ده هديت نفسي بقالي ساعتين بحاول اهدي من ناحيتكو عشان اسجل الصوت بتاع النهارده

طبعا احنا عندنا تلات اتلات 

انا بقدر اوي وبيشيلو فوق راسي اي حد بيقدر الزمن         ليه قيمه عندو

 الست الشاطره الناصحه لما تيجي تقف في المطبخ تبص في الساعة قبل متقف لما تيجي تغسل مواعين تبص في الساعة لما تيجي تعمل الاكل تمسك الساعه لما تيجي تعمل ورد القران تمسك الساعه لما تيجي تسجد تظبط التيمر

 الناس اللي من نوع ده هما دول المؤمنين عندي حقا ومادون ذلك هما ناس في ا لا لاند ليه لان قولت قبل كده التوقيت الزمني هو دليل صدقك مع ربنا والعكس انتي كذابه علي طول طلالما مش حسا بالوقت قولي لنفسك انتي كدابه ومهما تقولي عايزه اتغير عمرك ماهتتغيري

هل عدم احساسي بالزمن ده عرض ولا مرض؟ 

يعني هو ربنا جبلني عليه ولا هو حاجه ثمره لايمان معين هو ثمره لإيمانك لان مش هقدر اقول انه حاجه جبلك الله عليها هنا في مصر باذات و في العالم العربي و الإسلامي للاسف معندناش الاوبشن ده 

متربناش عليه كلنا احترام الزمن والوقت محدش فينا اتربي عليها 

لو انتي لاقيتي ربنا جبلك عليها ولاقيتي حاجه ظهرت عليكي زي كده ده ترمتوتر واحسن ثمرات الإيمان احساسك بالزمن تحسي انك محترمه وربنا بيحترمك 

احنا دلوقتي عندنا تلات اتلات الاولاني خلاص وداخلين علي التاني ودايما كلمه تالت بتثير فيا شيء ما 

بحس أن ليها معني أو زي الاربعين يوم لما اقولك اعملي اي عباده بتجهدي نفسك في حاجه معينه حاولي تستمري عليها أربعين يوم 

بحس أن الاربعين يوم دول هما التلت بتوعي يعني أربعين وأربعين وأربعين 120

يعني اللي يقعد 120 يوم يعمل عمل ما يجاهد نفسه فيها وصل للمراد

 ألاربعين يوم اللي هو التلت الاولاني تحسي أنه حط رجلك علي بدايه الطريق

 ابتديتي تفهمي دنيا فيها ايه بظبط

 زي الست اللي لسا بتتجوز جديد ولسا مش فاهمه وآخدها هيبه الجواز والشقه الجديده والعفش الجديد والنوم في مكان جديد مش متعوده عليه وأشياء الجديده اللي لسا بتتعامل معها بتنشن كده اول متبتدي دنيا تمشي معها يبقي عدي التلت الاولاني عدي أربعين يوم من جوازها تبتدئ تتأقلم في الحياه الجديده الاول مش عارفه انام متعوده انام عند بابا مش عارفه ادخل الحمام حاجات طبيبعه بتاعت اي حد دي 

وكذلك في الشغل وكذلك في الدراسه 

كل حاجه جديده في التلت الاولاني لما بيعدي احنا خلاص اتأقلمنا وعدينا الحته دي وهرسنها

 التلت التاني اللي احنا داخلين عليه تلت بتاع الاستقرار اللي هو زي بظبط عمر الانسان 

انتي التلت الاولاني من عمرك اول 30 سنه انتي بتبتدي تحسسي الدنيا بكل تفاصيلها 

التلت التاني من 30 الي 60 انتي في قمه النضج العقلي والذهني والخبره وتتفاوت طبعا من فوق لتحت اللي هو تلت الاخير اللي بيبتدي الكرف ينزل في كل حاجه في تلت ليها كرف طالع ونازل 

الشاهد من الكلام أن احنا داخلين علي التلت التاني اللي هو في الاستقرار ده جميل ده اللي هو في الرشد 

انا عايزاكم تدعو بالرشد بدال ماهو تلت الاستقرار وتلت الهدوء الحته اللي في نص مرتاحه دي عايزين نركز في حته الرشد اللهم ماالهمني رشدي 

انا اكتشفت من خلال خبرتي مع المجتمع الجميل اللي حوليا ده أن مفيش حد عنده رشد مشكله كبيره جدا تقريبا النت هو السبب يعني أنا رجعت لعشر سنين ورا 

قبل الفيس بوك كان في ناس بتتكلم في حوار بيحصل حتي لما كنا بنقعد علي القهوه لما كنا شباب شباب بتاع زمان وقت الكليه نقعد نتكلم مكنش في شيشه ولا الكلام الفاضي ده 

القهوه كانت بالنسبه لينا مكان ثقافي نقعد نتكلم ونتحاور ثقافيا علي كتاب معين قرأنه رغم أننا كنا بعيد عن ربنا مش متدينين بس كان في رشد في حكمه في عقل في كلام بيتقال حلو تقعدي في قاعده تقومي تحسي انك شبعتي في تعدد ثقافات

 الرأي والرأي الآخر وده يتكلم وده يتكلم دنيا جميله مع بعضينا لكن دلوقتي مفيش حوار طب قله الحوار سببو دخول الموبيل أن كل واحد ماسك موبيلو مفيش تواصل اجتماعي غير علي لقمه اللي نأكلها  

السبب الموبيل مسكتنا الموبيل الكتير

 إذاً هتيجي في التلت ده ونعمل دليت تمام للموبيل حولي علي قد متقدري لو مش عندك شغل متمسكهوش ولو في شغل جدولي في وقت معين هي ساعه زمن معينه في 24 ساعه هتحسي بمتعه رمضان وتخدي قرار الرشد اول صدقك في قرار الرشد ده انك تسيبي موبيل في العشره دول اللي احنا فيهم 

اتمني من ربنا أننا نحقق شيء من الوجبات اللي ربنا بيدهلنا اتمني الكل يتفاعل

س. م انا بسمع سوندات كلها ياماما 

اول حاجه عايزه اقولها الحمدلله كام حاجه حسا أن رمضان مختلف فيها اول حاجه اني نويت قبل رمضان حاجتين اول نيه اني مش هعزم حد في رمضان ولو اتفرض عليا عزومه هتبقي اول عشر ايام والحمدلله وده عمره ماحصل وجوزي نفسه قال مش هنعزم حد السنه دي

حتي اخواتي مش هعزمهم 

مبسوطه اوي محدش مصدق اني مش هعزم حد انا بيكون عندي في رمضان بتاع 3 عزايم 

وروحت للناس معينه ومكنتش عزومات اللي هي بقي يعني كان يومي بيضيع في تحضير العزومه قبلها وبعدها لا الحمدلله بروح بعد مبقرأ جزء القرأن بتاعي وانا شغاله بقول اذاكار بتاعتي بعدها بخرج اصلي ولما باجي بصلي قيام حسا باختلاف حسا أن اليوم في وقت وعارفه اعمل في حجتي شغل البيت وعبادتي الاول كنت بحس أن مفيش وقت مش ملحقه اصل اقرا قران .

الحاجه التانيه بردو اني نويت نيه اني هوقف شغلي طول شهر رمضان ورغم أنه موسم وقرار ده اخدتو بعد صعوبه بس الحمدلله نتيجته كانت الحمدلله ربنا كرمني والناس تقبلت ده رأي وكلو اخد شغلو بدري الحمدلله ربنا كان مسهله والناس كانت متعونه معايا وكنت بقول لو جالي شغل بعد عشر ايام هقول لا 

وده رزق ومش رزق كلهم كانو معايا في قراراي وطلبو طلبتهم بدري. مش هنضغطك ونطلب اخر رمضان حسا براحه نفسيه 

تالت حاجه بحس أن رمضان عزيز ويجري بسرعه انا حسا أنه جري بسرعه جدا انا من اول يوم اللي هو ايه ده 

انت ماشي ليه من اول يوم عندي احساس اللي هو استني شويه الاول كان عادي نط منطش مش بيفرق معايا دلوقتي لا مهلا مهلا علي مهلك 

وحاجه كمان اول كام يوم كنت بدعي لنفسي دلوقتي بقيت كل ركعتين بسخرهم لحد ممكن اكون ناويه ادعي لحد والاقي ربنا فكرني لحد تاني فبدعيلو 

كانت ثمره الدعاء ده لاقيت اللي بيدعلي 

دلوقتي صليت ركعتين وقولت دول لسماح دعيت لسماح 

تاني لاقيت كذا حد بيكلمني كنا بندعيلك امبارح ربنا يجعلك نصيب من دعاءنا طبعا فرحت أن ربنا يخليني اجي علي بال حد ويدعيلي الحمدلله 

بقيت متصالحه مع نفسي مع اخوات جوزي وحماتي يعني الاول مكالمه كانت بتعصبني لا دلوقتي بقيت احس كاني بتعامل مع مامتي مع اختي مبسوطه ويتعامل بروح حلوه 

حبيت اكلمكم علي كام ثمره اللي مجمعها عشان تعرفوا وصلت لايه

 اللهم يامن وفق أهل الخير للخير وفقنا للخير واجعلنا مفاتيح للخير وافتح مسامع قلوبنا بذكرك وشكرك وحسن عبادتك وباعد بيننا وبين الكبر كما باعدت بين المشرق والمغرب وانر قلوبنا بصفاء محبتك والتواضع لعظمتك وحقق الايمان في قلوبنا ياربي 

انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

  1. اللهم يامن وفق أهل الخير للخير وفقنا للخير واجعلنا مفاتيح للخير وافتح مسامع قلوبنا بذكرك وشكرك وحسن عبادتك وباعد بيننا وبين الكبر كما باعدت بين المشرق والمغرب وانر قلوبنا بصفاء محبتك والتواضع لعظمتك وحقق الايمان في قلوبنا ياربي

    ردحذف

إرسال تعليق