حوار على الأحوال

رد القراء  .... س. ل

من اول امبارح عندي حاله لامبلاه معنديش باور ولا طاقه اعمل حاجه خالص حتي الشغل مش عايزه اشتغل مش عارفه ده جالي ليه 

عملت الواجب اني قعدت وقرأت القران مقراتش الجزء بس قرأت شويه 

امبارح شوفت ماما كاتبه لحد الصيام افضل حاجه لهيجان النفس 

وبعدها جتلي كذا رساله افضل صيام في يومين دول واني مصمتش امبارح وابدا من النهارده بعدها جتلي رساله تانيه بنيه الاتنين والخميس 

فقررت من بليل اصوم 

وقولت لجوزي هصوم وانا اول مره اصوم شعبان المهم صومت طول الليل الشيطان ونفسي شغالين عليا 

واني بحلم اني صومت ونسيت وشربت وخلاص مكملتش الصيام واني صيامي متحسبش كل شويه أحلم بكده 

المهم صحيت وكان في مشوار وقولت لو نزلت مشوار عندت نفسي وهكمل صيام 

وانا بعمل الفطار لجوزي كنت هاكل ونسيت والشيطان عمال يلعب عليا شوفي انتي مفرهدا وريئك ناشف وانتي مش قادره انا حرفيا عماله بقاوم عارفين انا عامله زي اللي داخل خناقه وحد مسكو انا عامله كده ماسكه نفسي بالعافيه انا صايمه وهقرا ورد القران وهخلص الذكر بتاعي

وانا بقرا الورد بتاعي لفت انتباهي الايه من سوره البقره يأيها الذين آمنوا استعينوا بالصبر والصلاه أن الله مع الصابرين 

حسها واجب ليا ان احنا مثلا بنصلي وبنأزم نفسنا أن احنا بنصلي بس ومش قادرين نعمل حاجه تانيه فحسيت أن ربنا بيرد عليا أن الحاجه اللي تقويني أن انا اقدر اكمل واني اقدر اقوم من اول وجديد

واني اصلي بجد مش مجرد صلاه وخلاص والصبر اني يكون عندي طوله بال مش مستعجله  واني عايزه اعمل كل حاجه بسرعه بسرعه

الايه تانيه 

بسم الله الرحمن الرحيم ونبلونكم بشيء من الخوف والجوع ونقص من ألاموال وألانفس والثمرات وبشر الصابرين الذين اذا أصابتهم مصيبك قالوا إن لله وأنه إليه راجعون اولئك عليهم صلوات من ربهم ورحمه واولئك هما المهتدون 

انا هنا في حاجه فاهمها وحاجه مش فاهمها الاول في ايه أوله انا فاهمه معنها أن ممكن يجلينا شويه خوف ممكن يجوعنا مفيش فلوس مفيش رزق يعتبر نفس اللي احنا في غلو ألاسعار  والرزق قليل بس هو في الاخر بيطمنا وبيقول وبشر الصابرين يعني احنا لو صبرنا علي ألابتلاء ده اكيد ربنا هيجزينا 

جي بعدها في الايه الذين اذا إصابتهم مصيبه قالوا انا لله وان اليه راجعون احنا دائما بنقول جمله دي في الموت بس

طب هو المفرود اقول إن لله وإن إليه راجعون في كل ابتلاء مش فاهمه 

وبعدين ادنا ثمره احنا لما نصبر ونقول إن لله وإن إليه راجعون اولئك عليهم صلوات ورحمه واولئك هما المهتدون الرحمن يعني ربنا هيرحمني مش فاهمه صلوات من ربهم هي الايه سهله بس انا مش فاهمه اولئك عليهم صلوات من ربهم ورحمه وأولئك هم المهتدون هي دي انا حسا أن ربنا بيقولي ده ابتلاء وده اللي تعملي في الابتلاء ودي نتيجه اللي هتعملى يعني ثمره بتاعتي بس انا مش فاهمه 

رد.... ن. ع

انا حسيت احساس تاني خالص حسيت اني زعلانه علي الوقت اللي عدي لما لاقيت نفسي وماما ادتنا واجب الذكر ليه منعملوش علي طول مش في مناسبات بس زعلت علي وقت اللي عدي وكنت بعمل حاجات بسيطه اذكار الصباح والمساء السنن ليه مش بنعمل مسابقات الذكر علي طول 

الظاهر أن الإنسان لازم تلزمي ويمكن انا من الشخصيات دي وبحب المسابقات وكنت بدخلها بروح حلوه

انا زعلانه من نفسي وعرفت اني عايزه علي طول مسابقات لان هتسيبني هتبقي حياه عاديه مضايقه من نفسي ليه مبقاش كده علي طول

الرد.....س. ل

بمجرد مابتنوي الصيام ربنا هداكي زي ما بتقولي وعندي لا مبالاه 

عشان كده سيدنا النبي صل الله عليه وسلم  كان بيصوم في شعبان كان الهدف ألاساسي من الصيام علشان الفتن وهيجان النفس بتكون شديده في الوقت ده 

اي حد اخد قرار الصيام بنيه تزكيه النفس دي لوحدها جديه وصدق في الطلب طبعا قبل رمضان بتلات اربع ايام مينفعش نصوم نكسر بس الصيام بين شعبان ورمضان علشان تيجي زهوه رمضان

منهي عن أننا نواصل شعبان برمضان يوم واحد بس نكسرو على الاقل

وصيام يوم في سبيل الله وعارفين أن الصيام ليه اهميه في تزكيه النفس وبيهدي رعونتها 

 اما عن الايه فأنتي فهماها بس مش قادره تستوعبين قدر الحنانه  ال فيها اؤلئك عليهم صلوات ورحمه في حته اللي اتسألت عليها يعني ايه ربنا بيصلي علي عبد نفس المعني وتأكيد معني الرحمه مش سيدنا النبي قال من صلي علي صلاه صلي الله عليه عشره يعني رحيمهم بيها عشر يعني كل مره بتقولي اللهم صل وسلم وبارك علي سيدنا محمد النبي الامي الحبيب العالي القدر العظيم الجاه وعلي اله وصحبه وسلم باي صيغه ما ربنا بيصلي عليكي عشره يعني بيرحمك عشره رحمات يعني لو عملنا عشره صلاه علي النبي صل الله عليه وسلم اللي هي واجب بتاعنا في الصباح والمساء كأن ربنا نزل عليكي 100 رحمه لو عملتي 100 يبقي ربنا هينزل عليكي 1000 رحمه لو عملتي عشر الاف عدي وعيشي الحب بقه والجو ده 

عشان كده سيدنا النبي صل الله عليه وسلم قال

اذاً يُكفي همك ويُقضي دينك 

اولئك عليهم صلوات من ربهم ورحمه هي تأكيد من ربنا أن بس مش انا هرحمك رحمات معروفه لا 

ده انا كمان هصلي عليكي زي منتي بتصلي

ده يعتبر الصيام هو زي الصلاه علي سيدنا النبي صل الله عليه وسلم لأن هو الوحيد اللي قالك دي لي وانا هجزي عليه يعني كل عمل ابن آدم ليه الا الصيام فِأنه لي محدش حاسس بالمعني ده هو اللي هيكفئك باي طريقه ما محطش ثواب كذا لا هو قالنا أن في باب الصيام اسمه الريان ولسا هنتكلم في الصيام اخر يوم في شعبان 

الصيام في رمضان فرض دي ليها ثواب الرحمه والمغفره لكن الايام العاديه اللي بتخدي فيها قرار الصيام نافله دي عند ربنا ملهاش حل ثواب بلا حدود علي طول عتق من النار لما اخدت القرار ده زمان ربنا وفقني قبل كرونا وكانت منعتي واقعه وقلبي مدهور في الازمة بتاعت السحر 7سنين كنت داخله علي موت محقق فشوفي لما ربنا يوفقك لشيء بدايه التوفيق اني اقرأ كتاب الاربعون وميلمسيش قلبي من كتاب كله أنه هو يصوم 60 يوم اليوم اللي اخدت في قرار الصيام متواصلين سبت البيت ومشيت معملتهاش عمري كله اني اسيب بيتي وكان هيحصل طلاق محقق بسبب القرار اللي انا اخدتو الصيام  واروح فندق مجرد لقطها وفهمت انها لعبة شيطان  وانا في الفندق بليل افتكرت 

القرار وازاي مخدتش بالي وكأن حد ادني شنكل حراميه وانتي مش فاهمه وبعد مافهمت سبت الفندق ورجعت البيت واخدت 60 يوم متواصلين صيام وكان اجمل 60 يوم في عمري 

شوفي فايدة انك تسمعي رسايل  ربنا وربنا يفتح قلبك للعمل اللي انتي بتسمعي وكانت نتيجتها بفضل الله منعتي اترفعت وعملت سلسله الحرب البيولوجية وكورنا وربنا فهمني حاجات كتير مكنتش فهماها وعرفت كريم علي دخلت في سكت الصحه وعرفت أن الحرب البيولوجيه لا نهايه لها 

بقت حروب كلها بتاعت مشروع  هرب اللي كنت بتكلم عنها زمان وشويه زالزل وشويه جو وابتديت ادخل في التنفس وابتديت اعلي المناعه بتعتي بفضل الله اتحولت من واحده عندها 100سنه بفضل الله ومناعه اتظبطت والكورنا لما جتلي بفضل الله مكنتش حسا بيها محدش اخد بالو إن كان عندي كورنا الحمدلله الصيام بيرفع المناعه وزي مابيرفع مناعه الجسم بيرفع مناعه الروح اللي عايز روحه ترتقي يصوم كتير وجميل انك تصومي لوحدك بتننأي في اكل بس لما تصومي مع جماعه وتفطرو وهيصه اللي بنعملها في رمضان تحسي أن بتكسر موضوع بنسبه 75%  لما تيجي تفطري رويدا رويدا كوني رئيفه وحنينه علي نفسك

الثمره التانيه بقي حاجات مستخبيه يكون ربنا شايلك خير كتير اوي تعرف منين ساعات الواحد يكون جبان وخايف ودائما راكن لحزب الكنبه مش عايز يعمل اي تغير في حياتو وراضي وقفة حالو اللي هو السبب فيها وحياتو مش بتتغير لان عقله الباطن مصورلو بيشوف كل حاجه بعشر اضعفها مش بيشوفها زي منتي شايفها ولا علي طبيعتها الحقيقيه هو بيشوفها اوفر تلاقي مثلا في احلام اوفره زياده عن اللزوم توتر زياده عن اللزوم قلق زياده عن اللزوم

 ده غبي

ولا العقل الباطن هو ال غبي 

العقل الباطن  لان هو بيحمي الجسم من اخطار معينه هو مُهئي  لكده

 فبتالي مش بيقرا الحدث زي منتي بتقرايه بعقلك الواعي

 المشكله أننا قبل كده قولنا العقل الباطن اللي بيحرك الواعي انتي لو مش مدركه دي وفاهمه اهميه وخطوره أن العقل الباطن بيضخملك الحاجات الصغيره هتلبسي في الحيط كتير اوي 

من ضمن الصلوات بتاعت ربنا والرحمه يخليكي تفهمي التاكات دي انك متخفيش زي مبقولك كده انا روحت مكان في أخطر مايكن المفروض ارجع منه عندي كورنا لكن ربنا ستارها معايا 

انا كنت حسا أن الرحمه اللي ربنا اصبني بيها بسبب الصيام دي حاجه مستخبيه بسبب قرار حلو انتي اخدتي في جراءه الكل كان مستغرب من قرار انتي هتعملي ازاي كده 

قضية انك تمنعي عن نفسك خير كتير ويجي ربنا يقولك هدهولك غصب عنك شئتي أم ابيتي هنا اللي بنقول عليه يصاب المرء رغم أنفه لما تمشي مع ربنا مع الطيار وتستسلمي وتخافي وتحبي صح 

 نشوف جانب آخر من اي خير جايلك 

يعني ربنا عايز يديكي خير معين وانتي افترضتي أن الحته دي حته شر 

وانك هتيجي تتعبي في الحته دي وهتشقي في حين أن ربنا كان شايلك فيها فلوس واكل وخير ورزق فأنتي لما مجتيش الخير ده راح لحد تاني

              لان يوم بيوم اللهم اعطي منفقا خلقا انا ماشيه بالمبدأ ده طول عمري

 لو انا هتصدق بحاجه معينه والحد ده مجليش علي طول ربنا هيخلي حد تاني يخبط علي بابي غيرو ياخد الخير ده فانا مش هشيل الصدقه واحده بتقولي انا بحوش الصدقه بالسنه واروح أتصدق

انا عمري ماعمل كده انا لو متصدقتش كل يوم علي العصافير حتي أو علي الحيونات يبقي مستحقش اني اعيش اصلا لازم البي الندا مبحبش كل يوم يتقالي النهارده فين الخير بتاعك وانا اجي اقولو لا انا هاخد التلف اللهم اعطي منفقا خلفا ازاي انا اقولو لا واروح اختار التلف اللهم اعطي ممسكاً تلفاز هل ده منطقي

فبتالي يوم بيوم لازم أتصدق دي رحمات من عند ربنا من ضمن ابواب الرحمه المستخبيه مش مستوعبه الجمال ده لدرجدي ربنا رحيم بيا لدرجدي ربنا بيحبني وانا مش واخده بالي أن يخليني امشي في الطيار بتاع الناس اللي بتقول اعطي منفقا خلفا وربنا يخلف عليا بيها فأدخل في رحمات دي

 انك تفهمي خبايا ربنا ورحماته عليكي في تفاصيل اليوم بتاعتك دي لو حدها منه تستحق الشكر وهكذا بقي 

ربنا يتولانا بالرحمه ويفهمنا الرحمه وينعم علينا بإنعام الرحمات دي 

اجمل منه ربنا يمن بيها علي العبد أنه يخليه يحس بالرحمات بتاعتو دي لوحدها تخلي قلبك يسكر  بالحب