التخطي إلى المحتوى الرئيسي

متزعلش من حد كلهم اده في أيد عدوك ومابعد اليوم السادس من شوال

اكتشفت ان اللسان ده حكايه


عامل زي احمد الحداد زمان مبيعملش حاجه غير انو يبرطم ويرطرط واهو كلام وخلاص او العكس حد عايش في دور الواعظ وشغال تنطع على البشر ومفكر نفسو داعيه إلى الله وهو في الأساس بيدعو لنفسو 

او حد هلهلي كده وال بيجي على بالو بيقولو وخلاص مش بيفكر قبل مايخرج الكلام اهو ده طلع على الله حكيتو وطلع أسهل حد في التغير لو فهم قصة التغير اصلا 

يعني الطريق طلع أصعب مما كنت اتخيل 

زمان من عشرين سنه كنا مفكرين الصعوبه في الطريق مستخبيه في الارادة واتاري الصعوبه في لغز لحديث حبيبي ونور عيوني ان الدين متين فاوغلو فيه برفق يااااه الرفيق علمنيها منذ زمن ولم افقهها

عشان كده انتا اتنين مش واحد

           العقل الباطن 

          والعقل الظاهر 

الباطن ده مصيبتو انو هو القائد ال بيحرك كل أفعالك وعامل نفسو مش هنا هو بياخد الأوامر منك وبينفذها بالحرف 

                 والمصيبة الأكبر مش انتا ال عملتو

 هو اتعمل من الظروف ال حوليك وتقبلك ليها او العكس فتتحول للعقد والكلاكيع ال بنطفح الكوته عشان نخرجها ومش بتعرف وكلو من البيئة الام والاب المدرسه الشارع اي حد اتعملت معاه كوبي وبيست بيلذق فيك وانتا مش حاسس وبعدين بيتبني عليها كل حياتك بعد كده متخيل احنا مين بيسوقنا

مسلمين زمام أمورنا لمين؟ 

                    احنا في الأسر ياسادة للأسف!!!! 

        أسر العادات والتقاليد وكل من تعاملنا معه في حياتنا وساب أثر سواء بالايجاب او السلب هو بيحرك حياتك ال جايه كلها وعشان نتحرر من ده حكايه لوحدها

اول الحكايه كانت في رمضان ٢٠٢٢ وكملناها في رمضان ٢٠٢٣ والعجيب نفس الفيلم بيجي في نفس التوقيت كل سنه وكأنهم عارفين اننا بنربط 

اننا بس فهمنا بداية الطريق 

         البدايه انتا مش حد تاني 

ونهايتو انتا بردو مش حد تاني 

وقبرنا هنكون لوحدنا فيه

 ويوم العرض على الله لوحدك 

وهتتحاسب لوحدك 

ومع ذلك عيشين ومتلغوصين في قصص وحكايات ووهم الحب والعيال والمال والعمل بالاسباب 

 مطلعناش بنعمل بالاسباب ياسادة!!!!! 

اصلا طلعنا محبوسين في الأسباب  زي صحبنا في فيلم  Interstellar اتحبس في الزمن ده 

وهم كبير اسمو الحياة وطلعت في الاخر مش حياة  طلعت موت 

           والحياة الحقيقيه هيا ال احنا مش بنعمل ليها

 ولا شيفينها اصلا عارفين اننا هنموت وعارفين اننافي دار زوال والاخرة هيا دار البقاء

            لكن مفهمناش من الجمله دي في قلوبنا ذره حتى مش مصدقين وهم في وهم مسكين في الوهم وطلبين الجنه والسعادة

 لا منا وصلنا لسعادة الدنيا بالعمل الجاد والبذل ولا منا وصلنا لسعادةالاخرة وصدقنا بقلوبنا انها الباقيه 

طب ايه الحل يعني؟ 

اولا نشكر ربنا اننا بدئنا نستوعب القصه دي

وده معناه ان رمضان اتقبل 

تاني حاجه شوف نفسك فيما بعد رمضان الاسبوع ده كله لو في خبط ورزع ومشاكل مكنتش تتخيل انها تحصلك وحصلت اعرف بردو انك انقبلت بقدر المشاكل بيكون القبول لان شوشو خارج من الحبس بقه متغاظ منك اخر حاجه بيسلط عليك اعوانو فمتزعلش من حد كلهم اده في أيد عدوك 

وانتظر القشطه 

اللبن بعد الغلي بيتساب شويه في الثلاجة يطلع قشتطو نصبر كمان اسبوع 

         الخلاصة كلها في الأسبوع ده

 كمل اورادك وكن عل ثقة ان ربنا هيخرج منك افضل ما فيك

 بس ورقه وقلم واكتب عشرة حجات هتشتغل على نفسك فيها في الشهر ده 

مثال.... 

نتعلم لغة جديدة..... ساعه ابلكيشن نظبطو ساعة كل يوم

نتعلم حرفه جديدة سواء فديوهات او تصميمات او الخياطة حتى المهم اتعلم صنعه 

ساعة رياضة مشي يوجا حديد اي حاجه المهم جهد بدني يوميا لمده شهر

ناكل براحة بتأني ودي كمان محتاجة جدوله اه على فكرة اي شئ مهما كان متصغرش حاجه اي عادة انتا مضيقاك غيرها مهما كانت صغيره 

اشفط بطنك مفيش حد معندوش مشكله في الكرش بتاعو ومفيش احسن من شفط البطن ليه خودها مثلا في العشر دول

كون عادت القرائة ادخل هنا في موقعنا وحمل كتب مجانيه واقرء كل يوم نص ساعه

اشرب مية كتير وحط ليها زمن وحاجه تفكرك بيها يوميا

وهكذا شوف انتا نفسك تكون مين دور على عادات اكتسبتها من البيئة بتعتك ووقفتها استوب  ًّّ*

وعشان تقف بدلها بعادة كويسه 

ومفيش احسن من الرياضة تقلب حياتك مهما كانت الفلادر عندك مليانة تلوث بالرياضة تعمل احلى ديتوكس طبيعي بتمسح كل ما تَعلق في العقل الباطن عشان كده متلقيش الرياضيين مكلكعين هتلاقيهم بُسطاء وبيضحكو على طول منضفين نفسهم اول بأول 

يارب نقدر نوصل لتحويل عشر عادات سيئه  الي عشر مميزات فينا 

اللهم توبة منك لتكون توبتنا تابعة إليك منَّا وهب لنا التلقي منك كتلقي آدم منك الكلمات فتتوب علينا كما توبت على أبينا أدام تحول بها سيئاتنا لحسنات وأعمالنا لنور وباعد بيننا َبين حجاب انفسنا كما باعدت بين المشرق والمغرب

انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

  1. اللهم توبة منك لتكون توبتنا تابعة إليك منَّا وهب لنا التلقي منك كتلقي آدم منك الكلمات فتتوب علينا كما توبت على أبينا أدام تحول بها سيئاتنا لحسنات وأعمالنا لنور وباعد بيننا َبين حجاب انفسنا كما باعدت بين المشرق والمغرب

    ردحذف

إرسال تعليق