؟؟؟ انا شاب علي مشارف الاربعين اعاني من مرض انفصام أي تغيير في سلوكي و افكاري مع شوية هلوسة وأوهام وما بيظهر علي اي عاطفة متبلد يعني وشوفت صفحتك عجبتني حسيت اني عاوز اتكلم مع حضرتك يمكن يكون في حل أنا تعبت من كتر الكلام مع دكاترة نفسين وباخد علاج مابيزددني الا هم ونفسي اخف انا زهقت من نفسي
...عزيزي انتا لست مريض
اذهب لعالم فكر تاني هتعرف أن مفيش مرض لا جسدي ولا نفسي ولا حتي عقلي
انتا المريض وانتا الطبيب بإيدك كل حاجة
وفيك انطوي العالم أجمع
بمجرد ماعترفت بمرضك ده دليل انك سليم المريض لا يعترف بمرضه
يري لنفسه شأن وانه من العيب أن يعترف بمرضه ولكنك معترف إذا انتا معافي وسليم
باقي أننا نشوف سبب نفسيتك التعبانه دي ايه؟!
تخبطات الحياة وعدم حصولنا علي شئ كنا نسعي إليه وطال الانتظار ولم يحدث بيوصل الإنسان لحالة من عدم الرضي
في البداية بيكون عدم الرضي عن النفس
ووحده وحده بيتحول لعدم رضي عن الرب
تظهر كلمة لية؟؟؟؟
هنا بقة نخاف ونقف. وقفة مع نفسنا
الكلمة دي طلعت اعتراض ؟!
ولا زلة لسان وتوبنا بسرعه عنها
ولا صدقها قلبك وحس أنها شماعة حلوة مريحه انك مش غلطان انتا خت بكل الأسباب ومفيش فايدة
هنا بردو هنقف ونقول لو كنت خت بكل الأسباب كنت رضيت لأن من أهم الأخذ بالاسباب انك تعرف انك عبد وليس لك من الأمر شئ فابالتالي بتعمل ال عليك ويسكن قلبك بالرضي عن ربك وبس تنتظر انتظار المتأدب في حضرة ربه بتكون النتيجة العملية لهذا الحال
انك بتَصَالح مع فكرة أن كل مرحلة في حياتك لها ناسها وذكرياتها مش بالضرورة تتشبّث بهم للنهاية فيه ناس وجودهم كدرس تذكير او تيسير أو تحذير لحياتك وينتهي دورهم ومش بالضرورة كل نهاية تكون بشعة احفظ الودّ واذكرهم بالخير وبس
وابدأ مرحلة جديدة مع شخص جديد وناس جديدة اعمل بنفسك جو جديد غير عالمك حتي لو سافرت بعيد يكون افضل ليك تغير المكان بالنسبة ليك مهم جدا جدا مش قادر تسافر عزل سيئ بيتك أو عيش في مكان تاني لمدة اربعين يوم علي الاقل أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا .
المرونه من علامات الصحة النفسية طيب لو مش موجودة نجبها سهله جدا
هندعي ربنا بيها ونتوضي بنيتها نحطها هدف حياتنا
والأهم من كل دي استشارة لكل صاحب الم نفسي او حتي جسدي
مستحيل تقابل ربك كل يوم في اخر ساعه من الفجر
تسجد بين ايديه ربع ساعه وتبكي
بس تثبت كده أربعين صباح ويكون فيك مرض كلو بيتحول
بتتحول حياتك لنور وسرور وشفاء لما في الصدور
فلا تقلق عزيزي الشاب وابدء من اليوم في صفحة جديدة افتحها بقلبك بروحك وكن علي يقين أن ربنا بيحتويك بكل تعبك انتا في كنف الله فاطمئن
تعليقات
إرسال تعليق