في المشاكل بيبان فيها الإنسان بيظهر علي حقيقته
🧿يظهر الحاسد الكاره الشامت في المشاكل ممكن حد يحسدك علي البلاءك اه تخيلو
تلاقي ناس بتحسدك علي البلاء اللي انتا فيه وناس بتشمت وكانوا أقرب الناس ليك عادي بتحصل
وناس مطنشه
وناس مكبره دماغها
ايه ده هما دول اللي كنت بحبهم في يوم من الايام
فتلاقي كل ده اتعري فابتبتدي تقربي
لما ربنا يوريكي الصوره دي يبقي بيصطفيكي لاأعلي درجات المحبه عنده ليه بقة؟؛
بمجرد مابيكشف حقائق ال حوليك بترتاح وتحس انك كنت بتهدر طاقتك في ناس ليها مطامع فيك مش بيحبوك اصلا
لأن حقيقة المحبة بتظهر في الازمات مرضك ده اكبر ترمومتر بتعرف منو العدو من الحبيب
عارفه انها صعبه بس نقول ايه مع كل درجه من درجات العلو في تحتو حاجه
🤚لازم بتموت
افهموها كده كل متيجي تعلي درجه حاجه من اللي تحت لازم تموت
كل متطلعي سلم اللي تحت لازم يموت موت مش ظاهري موت باطني
انتي مدياهم حجم اكبر من حجمهم مديا لجوزك حجم كبير اوي لعيالك لاصحابك لأهلك
لكل ىال خذولك كلهم بلا حجم وانتا ال عملت ليهم حجم
كل انسان انتي عايشه معاه دلوقتي واخد مساحه اوي عندك جوه
🤚طب انتي طلبتي الحب طلبتي المعيه طلبتي رمضان جديد بمعاني جديدة بكشف جديد مفكره نفسك هتطلعي من غير مادول يموتو كلهم عندك
🤚مستحيل ربنا بدال مصطفاكي يبقي خلاص يبتدي يموت واحد ورا التاني ورا تالت بس مش موت اللي احنا فاهمينو
الموت اللي هو كشف الحقائق وكشف المستور عن كل حاجه انتي كنتي فاهمها
تلاقي مفاهيمك كلها بتتغير
✍️ أول لما تلاقي كده متزعليش ومتقوليش ليه ربنا بيعمل فيا كده ؟!
ربنا بيعمل كده عشان حبك
مدام حبك بيظهرلك خبث ومكر المحبين حوليكي مدعي المحبه مش هقول محبين عشان كلمه محبه كلمه كبيره اوي عليهم
طاقه الحب ياولاد اتبني عليها الكون كله
يعني أعتقد هو إحساس داخلي أن الكون كله مبني علي طاقه حب الله لينا
انتو متخيلين احنا بنبدلو بأيه؟!
اول حاجه قلبنا بيعملها من اول ميصحا ويفتح أنه يحب حد غيرو هو
شايفين مش هقول جحود ده قمه الجحود
انك تكوني تعبتي في حد اوي
وعملتي فيه كل حاجه حلوه وفجأه اول معينو تفتح علي المحبه يسيبك انتي اللي عملتيه ويروح يحب حد تاني من اللي هو عملهملك نعمه من اللي هو عملها علشانك
علشان يمتعك تروحي واخدها وغايصه وعايشه فيها مش بس عايشه سرحتي لدرجه انك نسيتي مين اللي ادهالك
🤚نسيتي اساسا اللي ادهالك
دي اسمها انسان غرقان في بحر نعم ربنا في اللي غرق اوي كده في بحر النعم سواء في الصحه أو في الماده أو الحب أو في العشيره زي 8 اللي ربنا قال عليهم في سوره التوبه كل دول لما بنغوص فيهم بيحصل البلاء
طب حصل البلاء فيهم في عقاب وفي ارتقاء
بلاء العقاب اللي هو فتربصو
وبلاء الارتقاء لما يشوفك فاهمه ووعيه
اعرف منين لما بتعاقب؟
حتى ولو بتتعاقب بردو حاجه حلوه أن ربنا بيطهرني اول باول
امتي اعرف اني برتقي في البلاء لما الاقي نفسي بحاول افهم
لما الاقي الستاره الضلمه دي لما بتنزل في المشاكل مبطولش معايا يدوب هي ثانيتين تلاته دقيقتين كبيري ساعه زمن وابتدي أقرا الحدث هو ايه اللي بيحصل بقي
هي فلانه عملت كده ليه هو انا اذيتهم في حاجه مكنش جرحتهم أو ضايقتهم تبتدي تفهمي
حتي لو عملت كده ميحصلش كده ابدا
لا في حاجه تانيه ربنا عايز يفهمني حاجه ربنا عايز يزهدني فيها
يبتدي معاكي معني الزهد يشتغل
ومعني الزهد زي مقولت زمان في كتاب متي نصر الله مش انك تشيلي ايدك من الدنيا
الزهد الحقيقي ايدك تكون فيها وقلبك مش فيها
ايدك قاعده بتغسل المواعين بتاعتها كده وقاعده شغاله منكوته ومنقوعه فيها لكن قلبك مش جوه الحدث قلبك بره الحدث
امتي توصلي للمعني ده؟!
لما تخشي جوه الغساله ويتعلق عليكي يومين تلاته عشره مع كميه تنضيف مسحوق وحاجات من دي عشان تطلعي بيور ونضيفه تبتدي تستوعبي احداث
طب احنا عايزين ندخل جوه الغساله ونتنقع حبيتن تلاته
نعمل نظام النقع وبعدين نشغلها شويتين تلاته علشان نعرف نقرأ احداث صح وياتري ربنا بيحبنا حب الاصطفاء ولا بيحبنا حب البلاء والتنضيف هيتفهم وهنعرف
امتي بقي لما نتنقع
اما تكوني مصدقه اوي يبقي ده الفرق بين انسان عايز يتغسل ويتنقع وانسان مش عايز
عايز بالصوره مش بالحقيقه لما كنت مصدقه اوي أن أنا مش نضيفه ولما كنت مصدقه كلام حبيبي صل الله عليه وسلم
كل متنقعت في حديث من احاديث سيدنا النبي صل الله عليه وسلم كل متنقعت في كلام سبحانه وتعالي زي مبقول كده تقعدي ساعه ولا ساعتين
انا بعمل كده في القيام مش عشان خاطر حاجه انا عايزه اشوف ايه الي هيحصل بعد معمل كده
يعني تعالي نجرب كده النهارده مثلا تعالي بليل ودنيا راقت و الناس نامت ودنيا تمام اختاري الوقت خلاص الناس هديت وسكنتي الدنيا كلها
وقومي خدي قرار انا هقوم اجرب اني اعمل خمس اجزاء وانا واققه شوفي حالك قبلها عامل ازاي وبعدها هيكو ن ازاي
مجرد التجربه مش انتي بتعملي اكلات وتشوفي هتطلع وحشه ولا حلوه
جربي وشوفي كميه التنضيف بعد متنضفي وتطلعي نضيفه من قاعده معينه ونقعتي نفسك مع ربنا في قاعده معينه
المشكله في التوقيت الزمني يابنات افهموو الكلمه دي لما تيجي تنقعي حاجه كل مبتتنقع فتره طويله كل متنضف اكتر كل متحطي مسحوق كتير كل مسعدتك في التنضيف
شوفي نفسك بنفس الوضع ده انتي حد مش نضيف وعايزه تخشي تتغسلي فقبل ماغسل هعلق نقع فحط المسحوق وكلور
ايه بقه المسحوق والكلور بتعنا وانا شغاله في القران او ذكر
اني اركز امسح خواطري
واركز اوي انا بعمل ايه امسح كل حاجه في الدنيا خلاص انا اكلت وشربت عايزين مني ايه
سبوني مع ربنا شويه اقعدي اتنقعي شويه كل متيجي خاطره امسحيها متعمليش حاجه غير انك تذكري ربنا سواء انك هتقعدي تخدي قرار الساعتين دول في الذكر او في القران وانتي واقفه أو في السجود جربي كده تعملها في السجود ينهار ابيض دي حاجه تانيه خالص عارفين ليله تانيه غير اليله دي خالص
ناقعه السجود غير ناقعه الذكر كل واحده فيهم ليها طعم مختلف تمام قولت زمان كلمه الطعم مستحيل حد يفهما مينفعش مفيش كلمات اتعملت علشان تعبر عن طعم اي حاجه غير أنه هو طعم حلو وخلاص طعم المانجه جميل طب البرتقال يعني حلو طب ايه فرق بينهم مش عارف بس المانجه حلو طب انتي حسا بأيه انا بعشق المانجه طب لما تيجي تحطي عصير فراوله طب منا بردو بحبو ايه الفرق بينهم دي حلوه ودي حلوه مسكرين بس دي طعم ودي طعم عارفين كلام اللي بنقولو علي اطعمه نفس الحكايه لما تيجي تتنقعي في الذكر أو القران او السجود الهدف كله كلمه النقع
النقع يعني عدد ساعات معينه انا بسيب نفسي تماما فيهم مع ربنا شوفو الحديث من جالس النور تنور هو في اجمل ولا اطعم من الحديث ده انا جليس من ذكرني انتو مستوعبين مين اللي بيقول كده ده ربنا
ربنا بيقولنا احنا
احنا العبيد العصاه اللي متلحوسين ومتوسخين ومبهدللو الدنيا في الأرض يجي يقولنا انا جليس من ذكرني انا القذره مسمحولي اقعد معاك اصلا انا مسموحلي اقعد معاك اصلا هو انت سمحلي اني اقعد معاك اه سمحلك ومش بس سمحلك ده انا بقولك انا جليسك انا قاعد معاكي وسامعك وشايفك طب انا مش نضيفه يارب بس انتي تعالي
انا جليس لمن ذكرني قريب لمن دعاني ياالله ياالله علي معني المجالسه طب امتي دي تتحقق امتي أحسها امتي اتذوقها لازم توقيت زمني
استغلوا التحضير لشهر رمضان في التوقيت الزمني بتعنا ده باقي تسعين يوم يعني تلات اشهر حطهم هدفك
مع كل دقيقه بضيعها بضيعي عمر كامل هتندمي اكتر حاجه هنندم عليها يوم القيامه عمرك فيما افنيتو عشان كده اول حاجه بنتسئل عليها
اللهم لك الحمد حمداً يوافي نعمك ربنا هب لنا نفوساً راضيه مرضية ساجده تحت عرشك ساكنه برضاك ومن شر حاسد إن حسد إحمينا واحفظنا بحفظك ياحفيظ
تعليقات
إرسال تعليق