ياصباحو زرع في أول يوم من شهر رجب المعظم
مين هيمسك الفاس ويجي في الجنينه
مين البنات الحلوه اللي هيرجعو المناهج بتعتنا النهارده ويقعد يذاكر من العصر للمغرب
ويقعد يقلب في الماضي ويقلب في الأرض بتاعتو
ماهو احنا لو مقلبناش الأرض القديمه بتعتنا دي اللي نشفت واتبهدلت هتعمل زي جنينه بتعتي كده حولت ازرع فيها كتير اوي كان اول مره زرعت فيها خضره وبعدين رمو عليها اسمنت وقت البناء والاسمنت واحده واحده كل الارض
✍️ مكنتش مقتنعه أن الاسمنت هيبهدل النجيله وفضلت احاول سنتين فيها
واجيب نجيله صناعيه تاني واجيب بذور واجيب يدوب تطلع حته صغيره وتروح ميته
🤔 طب ليه
اتاري في اسمنت اترمي فيها من سنتين
فالارض شربتو سبحان الله
عشان لما اقول تأملو في الكون
ولكل شيء له ايه هتعرفي معني التأمل الحقيقي انا بقالي سنتين تعبانه في الأرض دي
🤔عارفين كانت نهايتها ايه جبنا انترلوك وخلاص دفناه مبقتش عايزه زرع خلاص وحطينا انتر لوك عشان نصلح المنظر البشع اللي ده
🤚مرعبه أن انتي تقعدي تحاولي وتجهدي وتصلحي في قلبك وتزرعي وتنقي فيلم عربي وفي الاخر تلاقي نفسك بتتعبي علي فاضي في ارض بور
طب يارب ايه اللي باورها🤔
الاسمنت طب ايه الاسمنت بتاعي انا فتنه شربتها من سنين اه تخيلي وتوهمي نفسك انك بتزرع
عملت المستحيل علشان اصلح الأرض دي ولا حياه لمن تنادي حالي مع الارض بتاعتي دي هنا زي حالي مع قلبي
ياتري قلبي في اسمنت؟
ياتري شرب اسمنت قد ايه؟!
طب لو شربو يطلع ازاي انا معرفتش اطلعو من الارض اصلا بس بشويه جهد كان ممكن يطلع بس كنت محتاجه بلدوزر🚜 الكبير اللي بيقلب الأرض يدخل ويظبط الدنيا بس جنينه صغيره البلدوزر🚜 مش هيعرف يدخل عشان خاطر الباب ضيق يعني محتاجه بتاع عشره يشتغلوها
👌 ميكنش محتاجه حج في حاجات مطهرهاش غير الحج الحقيقي 🤍
الحقيقي يعني بقلبك
مش اللي انتي فاهماه تروحي هناك
أنك انتي تروحي هناك انتي بتسقطي الفرض من عليكي
الحج الحقيقي اللي قولنا عليه كل يوم بنقعد بعد الفجر ونذكر ربنا يعني مصدقه اوي انو حج وعمره
رغم أنفك حج وعمرة قالها ثلاث
يعني دي مصدقه اوي فعلا وعمر محد مابيصدق الا لما يكون موجوع اوي زي موضوع الصحه عمرك ماهتروحي تهتمتي بصحتك وتاكلي صحي وتتشقلبي وتلعبي يوجا وتعملي تنفس وتشفطي بطنك وتركزي في صحتك النفسيه والجسديه الا لما تكوني جبتي اخرك في التعب
🤚 فخدو بالكو القضيه خطيره فوق ماتتخيلو
لازم نزرع صح النهارده قبل اي حاجه نقعد نقلب في الأرض بتاعتنا علشان نشوف هي فيها ايه
ياتري فيها اسمنت طب انا اعرف منين أنها فيها اسمنت ايه اللي يخليني اعرف فيها اسمنت اصلا
هي صحيحه ولا بايره
ياتري رجب هنزرع في ايه طيب
ايه الخطه بتاعتي اللي انا هحطها عشان ازرع طيب هو انا ازرع ايه ومش عارفه ازرع ايه انا فاصله شحن زي مبيقولو بقالي تلات ايام بقول في مقالات الحقي توبي والله مافي افكار هتيجلك الا لما توبي مع كل توبه في خاطره جديده بتيجي مع كل توبه الأرض بتتنقي في إفرازاتك بتحصل في حاجات بتطلع لوحدها في الدماغ في خواطر بتجيلك هتخلكيي مرتاحه هتبتدي تتحركي لو كنا عملنا سبحان الله وبحمده من ساعتها كان في حاجات كتير اتحركت في حياتك كانت الأرض بتعتك اتقلبت علي ألاقل اعرف انا في اي نسبه من الارض ياتري اترمي فيها اسمنت ولا كان مجرد حاجات عبيطه وسهله اني انقيها وانضفها وابتدي ازرع من جديد فيها كلام كله لازم يحصل النهارده لازم النهارده قبل المغرب باي توقيت ما
اختاري وقت تكوني في لوحدك وخودي خلوتك واقعدي مع نفسك كده شويه وافصلي شحن عن الدنيا لان الدنيا اللي واخداكي واللي انتي متعاطفه معاهم والناس اللي انتي بتحبيهم
🤚 دول مش حبايبك
🤚 دول عباره عن لجان امتحان ليكي
هو في حد بيحب لجنه الامتحان بتاعتو احنا داخلين اهو علي لجنه الامتحان في حد فينا يحب اللجنه اللي هيمتحن فيها فاكرين زمان احساس اللجنه وانتي داخله ومرعوبه ازاي وخايفه
🤚 صدقيني جوزك لجنه من لجان
✍️كل عيل من عيالك لجنه
واللي عايزه تخلف وملهوفه علي الخلفه انتي ملهوفه علي لجنه تخشي تتمتحني فيها انتو متخيلين حقيقه الدنيا عامله ازاي والله وجعلنا بعضكم لبعض فتنه ربنا خلقنا لبعض فتن ومن أهم الفتن الحب اللي بيخلي القلب يتحرك فبتتدي تخشي علي اللجنه هو الحب العواطف عشان كده بقالي فتره بقولهم عواطف ماتت وكل مقول عواطف ماتت اكتشف في حته مستخبيه في حته معينه
👌عواطف تموت لما ابص لكل حاجه وأشوف الحكمه اللي وراها شايفه مثلا بنتي قدام عيني اجي ابص ورا الحكمه ورا بنتي
لا لازم عواطف تموت لان هي امتحان ده هي عطلتني عن حاجات كتير ده هي منعتني عن حاجه حلوه كنت ممكن ادوقها
فعلا حقيقي اه جوزك نفس الحكايه مالك اللي ربنا قال عليهم التمانيه قل ٱن كان ابائكم وابنائكم وعشيرتكم كلو اهلك ابوكي وامك واصحابك كل ده فتن كل دي لجان احنا داخلين عليها دلوقتي
✍️ هنقعد ٣٠ يوم مع يجي ٣٠ لجنه علي حسب سعتك قلبك منطقه شعبيه ولا قلبك علي قدو يعني لو سعتك حبوبه وجميله كده وودوده سعتك اتاكدي عندك لجان كتير اوي وعندك امتحانات كتير اوي استعدي في شهر الزرع الجميل ده لكن علي قد حالك ودنيا تمام ويدوب جوزك وعيالك استعدي لجانك علي قد اولادك وحبايبك كل حد بتحبي انتي داخله في امتحان مفيش فيها كلام ربنا قال كده في ايه الامتحان العظيمه رقم ٢٤
من سوره التوبه ٨ قصاد ٨
٨ هتمتحني فيهم علاجهم ال٨ التائبون في نفس الصوره التائبون العابدون الحامدون وهكذا
لازم يكون هدفنا لغايه المغرب تنضفي علي قد متقدري انتي النهارده عندك تنضيف الشقه بتاعتك
ليه بقي عشان عندنا امتحان عشان عندنا لجان داخلين عليها وكل محد ينغص عليكي حياتك اعملي دليت علي طول مش داخله اللجنه دي ايه ده ينفع اه ينفع بطلي تحبي خلصت الليله دوسي بوز من دلوقتي لغايه مارمضان يخلص علي حبيبك ده اعملي بوز نحب بعضينا في العيد نفسي نفسي ماهو اللي هيضيع مننا فيها واللي هيندمج ويقعد في اللجنه بتاعتو ويقعد يعيط ده مش هيوصل لليله القدر ولا هيوصل ليله الزفاف بتاعتنا ربنا هيتطلع فيها علي عباده وهينكشف النور بتاعه لارض كلها ويتوب علي من يريد أن يتوب علي من يشاء اللهم اجعلنا فيمن تشاء الله يكرمكو النهارده اليوم مفترج وليله طبعا مفترجه يعني اخر يوم في شهر جماد اخر وبدايه اول ليله في شهر رجب
يوم فاصل في حياتنا
من دلوقتي لغايه المغرب نركز اوي اوي ومن بعد المغرب احنا خلاص نقينا الأرض الكل يدخل يقولي انا ناويه ازرع ايه وإياكم ثم اياكم اللي متجيش هنا تقولي فتنتها هنا اول بأول دي الحرب الوحيده اللي لازم فيها تتكلمي بصوت علشان تهدي شيطانك علشان مهما يعمل فيكي تيجي هنا ونتكلم مع بعض احنا هنا القوم لايشقي جليسهم والله لو انكشف ليكم الحجاب لتعرفوا قيمه الجروب اللي انتو مستهترين بيه ده يوم العرض باذن الله انا بدعي ربنا يوريكو نعمه التجمع بتاعتنا هنا مع بعض وان يخليني استحمل اتكلم مع ناس صم بكم محدش بينطق والله دي نعمه عظيمه هتتسألوو عليها
✍️واحب شهر رجب المعظم
اول حاجه في رجب هو الصيام تقدر تصومو كله خير وبركه أقل حاجه نصوم يوم الاتنين والخميس أقل حاجه خالص
تلات ايام في ١٣,١٤,١٥
افضل واحسن واجب واكتر حاجه بتزكي النفس هو الصيام
ثاني واجب قولناه قبل كده سبحان الله وبحمده
وطبعا الصلاه علي سيدنا النبي صل الله عليه وسلم دي طبعا ثابته معانا طول عمرنا واذكار الصباح والمساء
الجديد في شهر رجب السنة دي سبحان الله وبحمده بنية احب الكلام الي الله فكل شوية افكر نفسي ليها وانا بقولها بتقرب الي الله بأحب الكلام الي الله وهندخل علي الصيام بقوه
وعايزين ورد قران كل يوم علي أقل جزء كل يوم نحاول نعمل ختمه في رجب
وطبعا سجود بنعتبرها من الثوابت اللي انتو مش شغالين فيها معايا عليها بس حتي اللي مكنش بيعملها يعملها لأن احنا قولنا شهر رجب
شهر معظم لازم نعظم فيه ربنا
طب اعظموا ازاي؟!
وانا قلبي مليان دنيا وملهي في الحياه
عمري ماهبتدي اوصل للمرحله دي الا لما اصوم واعبد ربنا
وأعبد ربك حتي يأتيك اليقين يعني كل ما عبادتنا عليت اليقين بيعلي معانا
نكثف مجهودنا في الصيام والقيام
احنا كل خميس شغالين علي الف آيه
الورد بتاع كل يوم خميس اللي بندعي لاخواتنا ربنا ينصرهم ويعزهم ويحرر الاقصي المبارك
ده ثابت معانا من زمان حابه تعمليه الورد بتاعك في القيام خير وبركه مش حابه أقل القيام 100 آيه كل يوم عشان منكتبش من الغافلين
اللهم حسن لنا زرعتنا وجعلنا محسنين واجعل حظنا من هذه الليالي وهذا الشهر حظ السعداء وأن يجعلنا من المقبولين المسعودين في الدنيا والآخرة اللهم نظرة لي ليلة النظر اللهم بارك لنا في رجب وشعبان وبلغنا رمضان وأعنا على الصيام والقيام وقابلنا برحمتة منك يامولاي بجاه حبيبك
تعليقات
إرسال تعليق