الشاطر هو الشاكر واليوم الاول في عام الهجره ١٤٤٦

 ✍️أسوء ما أكون عليه هو أن أكون مثل الآخرين

كلمات اسمعها من ناس كتير بيحبو التميز 

من النهاردة هنعمل كورس تدريبي لكل واحد بيحب التميز في عامه الجديد نيو في كل حاجة نفسي اكون مختلف مش متخلف

🏃الكورس التدريبي للمختلفين مش المتخلفين 

طريقك إلى بناء جسم وعقل وروح متميزين 

 رياضي وصحي وثقافي 

🏃 هايبدأ بخطوة واحدة فقط

 الإلتزام والمثابرة هي واحدة من أساسيات هذه اللعبة العظيمة الحياة كلها عبارة عن جيم كبير اوي

 🤍الشاطر هو الشاكر 🤍

 ✍️قمت بإعداد  هذا الكورس الخاص بالمبتدأين في عالم كمال الروح والعقل والجسد 

 بطريقة سلسلة ومترابطة بحيث يستطيع المتميز  باختصار الكثير من العثرات والصعوبات التي سوف يواجهها لحظة دخوله إلى للنادي بتعنا في عالمنا الخاص هنا 

💪ويشمل هذا الكورس التالي

برنامج تدريبي شامل لكل من أراد أن يبدي من جديد خطوة بخطوة يعني مع بداية عام هجري هنبدء نتعلم كل يوم حته صغننة

هانوزع البرنامج التدريبي لجميع عضلات الجسم والروح والعقل 

 وهانقسم البرنامج بما يناسب وقتك وطبيعة عملك مع تحديد المدة الزمنية والراحة بتعتك يعني لعب وجد وحب 

تخيل مفصل لجميع الحركات والسكتات والسكنات

 ومن ثلاث زوايا مختلفة هاتحس وكأنك مع الكوتش بتاعك الخاص مش هتتعب نهائي 

نصائح للمبتدأين في لعبة الحياة وتفاصيل التعامل معاها بحرفيه وكمال 

ومع كثرة المتطفلين على اللعبة بتعتك هتتعلم ازاي تباصي الكورة صح وتلاعب الماكرين بطريقتهم الخاصة فاكرين زمان 

خدناها حكمة 🤚الصدق مع أهل الكذب كذب

ومع تنوع الآراء التي لا تمت للعبة بصلة

عالم بيفكروا نفسهم شاكرين وشاكرين وهما ولا حاجة 

هاخد مقولة سيدنا عمر الفاروق انا لست بخبئ ولا يخدعني الخبئ شعار لينا في لعبة الدنيا بتعتنا دي

وعشان ننجح مع بعض لابد من شعار لهذا العام         🤍شاطرين وشاكرين🤍

طول منتا شاكر انتا شاطر متخافش من لعبة دنيتك ابدا وراك سند شديد هيسعدك تتعامل معاهم ازاي 

يلا بينا🏃🏃

🕛توقيت زمني

نبدء علي بركة الله بأول سطر في الخطة التدريبية 

١_شكر لمدة عشر دقائق ربي أوزعني 

٢_سجدة شكر مع كل صلاة

٣_تفاصيل يومنا نتنفس الشكر وكل لقمة بتحبها وشربة ميه لازم تشكر 

٤_هنذاكر كتاب ربي كل يوم هنحفظ صفحة ونعمل بيها

٥_ هلس ولا هيلسي كل يوم هتسئل نفسك بتاكل صحي ولا درتي 

٦_ رياضة يوميا حتي لو مشي ربع ساعه

٧_ جلسة تأمل يومية لو تلت ساعه بس 

٨_ رسالة حب لسيدنا النبي كل يوم في مفكرتك وابعتيلو صورتك 

٩_ رسالة فهم من ربنا يعني لازم افهم كل يوم رسالة ربي ايه النهاردة وهنذكرها 

١٠_ نام كويس يعني سبع ساعات بس 😂متكترش عن كدة