أعلان الهيدر

الأربعاء، 23 يونيو 2021

الرئيسية الحكمة ١٨ لحكم النور والسرور لابن عطاء الله

الحكمة ١٨ لحكم النور والسرور لابن عطاء الله


الحكمة الثامنة عشرة: احالتك الاعمال على وجود الفراغ من رعونات النفس

لوتأملنا فيها لوجدنا انها تدور حول معني واحد كلنا نقع فيه وهو
                  الشماعة
شماعة التاحيل اوشماعة التسويف او شماعة الاعذار التي لا تنتهي ابدا 
كلما اصابتك حمي التاجيل اعلم انك تحت مخالب اتنين لاثالث لهم
شيطانك وهو يعشق ان يسحبك لباب التسويف ويفعلها حينما يراك مصمم ومتحمس لعمل ما 
والنفس حينما تضغط عليها وتكلفها باي امر تزوغ منك الي الشماعه
شماعة اصل
اصل انتا مش عارف انا عندي اية ومشغولة في اية اول مخلص ال في ايدي هفضالك خالص 
كلمات مريحه للنفس بتسكرها وتريح الضمير حقنة مسكن لالم الضمير وانتا يامسكين مش عارف ان الشماعة دي كل بيتكوم عليها هدوم بتزعجك وتكركب حياتك وبتحس ان في جبل علي ظهرك 
متخلص اول باول وتخلص من اي اعباء واي كركبة خليك منظم وقفل كل طرق هاعمل هاذاكر هانظف ها ها ها ها دي بقة مصيبة المصائب اول متلاقي نفسك ماشي في سكة ها اعرف انك مش هتعمل اي حاجة نهائي واعلم ان نفسك في رعونة

طيب يعني اية رعونات النفس؟ 
                                       يعني فايعه مش مهذبه محتاجة لشوية تربية محتاجة لشوية لا لا لا لا 
مش كل متطلب تديها 
مهي نفسك زي طفلك لو كل ماطلب اديتو هيبوظ منك خالص ويخرب والدلع ده بيجي علي دماغك  في الاخر هزبها وادبها تفلح 

اما افضي حاضر هعملها
دي كلمة وعرفك انك مش هتعمل فعجل واخلص متاجلش اي عمل كل ماتأجل لبعدين مستحيل العمل ده هيتعمل وفي نفس الوقت هتريح نفسك مهو تربيتك ليها راح ليك وهو معني قد افلح من زكاها فلاح في الدنيا والاخره 
نخرج من حكمة ابن عطاء الله هذه  بان اي تاجيل لاي عمل دليل علي ان نفسك تحتاج للعقاب والتهذيب 

وعقابها الوحيد هو اعمل الواجب المطلوب منك حالا كل ماتسوف قلها حالا
زي اي ام حينما يطلب منها ولدها عاوز اللعب هخليك تلعب بس خلص الواجب ال عليك
            تعامل مع نفسك هكذا تنجوا منها ومن مكرها فمكر نفوسنا اخفي وادق من مكر الشيطان علينا
 وليها زنه تخليك تقوم تنفذ في سعتها اهو الزنه دي ال بتضعفك يلا عاوزة حالا قلها حاضر بس اعملي كذا هخليك تلعب بعدك
                 كل ماتزن زن انتا كمان 
                      وكرر نفس الجملة عليها تعامل معها باسلوبها تنجو من مكرها

اللهم نظره لإحياء قلوبنا من وهم الحياة الزائلة الي حقيقة الآخرة الباقية ورد ارواحنا بنظرة حنانة ننال بها شرف قد افلح من زكاها فلاح الدنيا والاخرة ياربي اللهم رحمة لكل عبادك  الغافلين كل أرضك وسمائك تنال شرف نور حضرتك بجاه حبيبك ياحي ياقيوم احي امتة أمة دعوتة وأمة اجابتة ياربي







هناك تعليقان (2):

  1. اللهم نظره لإحياء قلوبنا من وهم الحياة الزائلة الي حقيقة الآخرة الباقية ورد ارواحنا بنظرة حنانة ننال بها شرف قد افلح من زكاها فلاح الدنيا والاخرة ياربي اللهم رحمة لكل عبادك الغافلين كل أرضك وسمائك تنال شرف نور حضرتك بجاه حبيبك ياحي ياقيوم احي امتة أمة دعوتة وأمة اجابتة ياربي

    ردحذف
  2. يارب نظره لإحياء قلوبنا

    ردحذف

يتم التشغيل بواسطة Blogger.