أعلان الهيدر

السبت، 23 أكتوبر 2021

الرئيسية رسائل في شرح الحكمة 96 من حكم النور والسرور لابن عطاء الله

رسائل في شرح الحكمة 96 من حكم النور والسرور لابن عطاء الله

 مَعْصِيَةٌ أَورَثَتْ ذُلاً وافْتِقاراً خَيرٌ مِنْ طاعَةٍ أوْرَثَتْ عِزّاً وَاسْتِكْباراً

تأملنا في هذه الحياة الدنيا بكل تفاصيل يومك ستجد انك مش عايش اصلا انتا أسير العادات انتا محبوس جوه نفسك بنفسك انتا سجان نفسك والعجيب انك  راضي ومش حاسس انتا عامل ايه فيك!!! 

إمتى بتفوق من سكرات العادات؟ 

             حينما تلوح لك بوادر مصيبه وده مش وحش نبلوهم لعلهم يتضرعون يعني هدف البلاء الفوقان انك تفوق من البنج اليومي بتاعك ده 

لكن لما تلاقي الإنذارات شغاله وجرس الانذار قرب ينكسر من كُتر الضرب عليه وانتا ولا انتا هنا يبقى انتا مركون على حاجه خود بالك

اول متخدلك ركن بعيد هادي كده وترتاح يبقى مهما يحصل من إنذارات مش هتسمعها لذا قال ربك لهم اذان لا يسمعون بها والقصه مش قلة سمعك بس دي هتدخل عليك كلك كده لا هتحس ولا هتسمع ولا هتشوف إلا النت عاوز تشوفوه بس 

طيب انا راكن على ايه أو بمعنى أصح اعرف من فين اني راكن؟ 

مؤشرات الركون حجتبن ً؛؛ 

اولهم الصبر وثانيهم الشكر وتكلمنا امس عن الشكر 

واليوم هتتمتع لما تتفاجئ انك طلعت صبور وهتنبسط معايا لما اعرفك انك صبور في طاعتك لو انتا بتعملها وانتا بتحب ربنا مش علشان بتأدي واجب وخلاص ولما بتعصيه بتتكسف وتحس انك عاوز تختفي من الحياه وأما بتشوف حد طائع بتحبو وتتمنى تكون زيو وانك لما بتشوف حد ماسك كتاب ربنا بتفرح وتتكسف في نفس الوقت ومن جوه قلبك بتتمنى تكون زيو الكسفه دي معناه انك بتحبو بجد وده ال يقصدو ابن عطاء الله أن المعصيه ساعات بتكون سبب لقربك من ربك مش العكس ومش زي محنا فاهمين فبلاش يأس واعرف انك مش ملاك ربك خلقك علشان تتوب وهو قالك بيحب التوابين يعني ال بيغلطو كتير لأنها صيغة مبالغة 

سيدنا النبي قالك ربك بيحبك تروحلو وانتا مكسور وانتا فعلا مكسور بمعصيتك دي انتا أقرب لربك من الطائع ال انتا بتتمنى تكون مكانو لان الطائع كما أخبرنا ابن عطاء الله أن ممكن بطعتك دي تكون بعيد اوي عن ربنا وتكون راكن عليها وهو ده الركن البعيد الهادي مفكره نفسك محجبه وبتصلي وحافظه لكتاب ربنا!!! 

طيب فين قلبك مبقتيش تسمعي النصيحه ليه بقيتي تزهقي كل متسمعي حد بيتكلم عن الدين ليه؟ 


اهو الركن البعيد الهادي ال قاعدين فيه ال مفكرين نفسهم طائعين دول عندهم كبر والاستكبار لوحدو مرض يخليك ابعد الخلق عن الخالق فاحذر هذا الركن وكن مع المنكسرين دائما مش مع العاصين  مهياش دعوه للمعصيه طبعا لكن خلي هدفك انك تحس مش تآدي وخلاص مخلوق علشان تحس بربنا وكلامو مش تحفظو ربنا خلقك ليه فوق واقف مع نفسك وقفة صدق وسيب الركن البعيد الهادي وبُص لنفسك من بعيد هتلاقيك بعيد 

اما الذي يظن انه فشل في حياته ولم يجد الصديق الذي يجلس معه على منابر النور لا تحزن حبيبي ربك لايضيع اجر من أحسن عملا

‏صبرك على الثبات أتظنّه هيّن؟

 حينما تحب في الله وتكره في الله أتظنُّه هيّن؟

 حينما تولي وجهك ابتغاء مرضات الله أتظنُّه هيّن؟ 

والله إنك لفي اصطفاء كبيروفي فضلٍ من الله عظيـم أعطاك مالم يعطي الكثير من خلقه فلهُ الحمد والشكر

أيها العاصي! 

       لاتحزن فقط ادي من وقتك ساعة لربك في الثلث الأخير وكن حاضر اخلو به ساعه ستجد كل الخير 

وإنما الخلوة التي يحبها الله لك أن تكون داخلاً في معمعة الحياة ومترفعاً في الوقت ذاته فوقها

 من الناس من يجهل هذا القانون الرباني والحكمة منه فيستسلم لشواغل الحياة وآفاتها 

ويسوف ب حتي افرغ مما انا فيه ودي مصيبه فمستحيل هتكون فاضي مستحيل ل بيسوف يعمل حاجه 

 إن نفسك التي بين جنبيك مليئة بالشواغل إن حديث نفسك لك من اخطر ما يكون 

                     وإن انشغال قلبك بأولئك الذين ينتقدون حالك وينتقصون شأنك

وشعورك بالألم منهم أو الحقد عليهم من أسوء الأغيار التي تحجبك عن الله وتنسيك شأنك { فَفِرُّوا إِلَى اللَّهِ إِنِّي لَكُمْ مِنْهُ نَذِيرٌ مُبِينٌ } ومعنى الفرار إليه كثرة الالتجاء إليه بالدعاء والشكوى من حال النفس وكثرة ذكره سر نجاتنا منها

                                          تائهين عن الله وبين ايدكم النجاة كثرة الذكر 

ومع كثرة ذكر الله ومراقبته تتنور حياتك وتري ما اظلمت به من قبل كلما اكثرت من الذكر تري بعين ثالثة وهي عيون القلب قبل كل مشكل بنكون مركزين في ورد معين وبمجرد متدخل المشكلة بنتوه وننسي البدايات 

فقط اذكر بكثرة وستجد انه تم ازالة الظلام الذي ملئ قلبك وساعد نفسك بطلب الاعانه على ساعة الليل ساعة التنزيل إلالهي عبدك ببابك فقيرك ببابك افتح لي أبواب رحمتك ياكريم

 اللهم مراقبتك التي تجعل قلوبنا تقشعر من كلامك كملنا بالرشد والفهم عنك كمل قلوبنا للفقه ونور بصيرتتا بالعلم لنتذوق حلاوة ذكرك وقربك ياارحم الراحمين يارب العالمين 

 

#شرح_حكم_ابن_عطاءالله 

#مولدالحبيب 

#صلواعليه 

#صباح_الحب_للحبيب 

#يوم_ميلادك_اشرقت_الارض 

#الدعاءنوروقبول

#الشكررحمةربك

#كن_له_يكن_لك

 

  


هناك تعليق واحد:

  1. يارب افتح لي ابواب رحمتك يارب اغفر لي الذنوب اللي منعني اقعد معاك في ثلث الاخير وقت الرحمه واستجابه الدعاء

    ردحذف

يتم التشغيل بواسطة Blogger.