أعلان الهيدر

الأربعاء، 18 مايو 2022

الرئيسية التمرين الثامن لازالة الألم الجسدي والنفسي

التمرين الثامن لازالة الألم الجسدي والنفسي



الحالة النفسية ماهي إلا ردت فعل للحالة الجسدية كل ماكان الجسد مرتاح النفسية هترتاح عشان منروحش لبعيد ونفكر اننا جالنا إكتئاب ونعدد الأمراض النفسية وما أكثرها لو كل الأطباء النفسيين خلو رقم واحد عندهم ديتوكس لجسد المريض ٣ أشهر نظام غذائي سليم تنفس سليم  يوجا تأمل وكل ذلك بشكل يومي مستحيل هيكون في مرض نفسي  لا جسدي 

تمرين اليوم هنكز على الجسد اكتر الهدف ديتوكس تنقيه الجسد من السموم نظام غذائي بيعمل وعي ليك وانتا بتاكل تكون مركز 

هنبدء من اليوم ولغايه نهاية التمارين بنحاول ننفذو ونشوف النتيجه ايه

اولا ده مش رجيم 

ده ( مراقبه اكلك)

فكره عامه عن النظام:كلمة مراقبة زي  الوعي هدف حياتنا نعي ما نحن فيه متعيش في الا وعي كن مستيقظ لكل تفاصيلك علشان منجيش نقول ليه بيحصلي كده 

بداية يومك هتبدي بكوب ماء علية لمونه شرائح وبعدين نمشي نص ساعة 

نرجع نشرب القهوة بتاعتنا وطبعا من غير سكر نهائي في نظامنا السكر ملغي من الحياة 

اول اسبوع هيكون صعب تاني اسبوع هتتعود تالت اسبوع هتكون مستمتع بطعم المشروبات لان السكر بيخلي الكل واحد من غير السكر بتحس بطعم كل حاجه على حقيقتها هنبتدي نتعرف على كل مشروب من جديد 

بعد القهوه هنعمل تمرين التنفس خمس دقائق

 هحمل الفديو الخاص به هنا

https://drive.google.com/file/d/1r9sluHqy-75z5lMy2tKP1G-dKUv4hqea/view?usp=drivesdk

ثم نبدء الفطار 

ازاي اكون واعي وانا باكل عد على نفسك كل معلقه حاول متكلش بعيش بقدر المستطاع  مش هنمنع غير السكر في أول ٦٠ يوم وبعد الفطار بنص ساعه اللعب حديد ساعه 

أثناء عمل اذكار المساء اربط الاسترتشات بيها مش عارف وبتعملها وانتا سايق اشفط بطنك او ركز في تنفسك المهم ان تعي ما تقوله والعاده بتخلينا في دوامة مش بنحس بنقول ايه 

اما التمرين بيخلينا نعي ونفوق لما تقوله السنتنا

الغدا بيكون اي حاجة مش هنركز بناكل ايه بس هنركز بناكل كام الكم مهم جدا في نظامنا يعني كل ببطئ حتى تستمتع به امضغ الطعام جيدا حتى تأخذ وقتك وتشعر انك بتاكل كتير يعني بتضحك على نفسك الكمية قليلة والوقت كتير

وبردو بعد الغذا اعمل مجهود اي مجهود بسيط اتمشى شويه في البيت المهم انك متمسكش موبيلك نهائي بعد اي وجبه لمده ساعه

ادي لنفسك فرصة تحس بيدخل ايه فيها كل ماكان وعيك بما تدخله لجسدك كبير كلما كانت نفسيتك في التمام

وبعدين خلي العشا بتاعك خفيف يعني لبن رايب لب مقرمشات ويكون قبل نومك ٣ ساعات

نام نوم هادئ ومبكر بكل طاقتك وكن على موعد بطاقة الفجر هنا فقط ستقوم لساعة التنزيل الإلهي بنور وسرور وجسمك هيكون خفيف ومرتاح 

رابط التمرين الأول 

https://www.amaallife.com/2022/05/blog-post_11.html



هناك تعليق واحد:

يتم التشغيل بواسطة Blogger.