٢١٢رسائل تآملية في شرح الحكمة العطائيه لا يَزِيدُ فِي عِزِّهِ إِقْبَالُ مَنْ أَقْبَلَ عَلَيْهِ ، وَلا يَنْقُصُ مِنْ عِزِّهِ إِدْبَارُ مَنْ أَدْبَرَ عَنْهُ

 212) لا يَزِيدُ فِي عِزِّهِ إِقْبَالُ مَنْ أَقْبَلَ عَلَيْهِ ، وَلا يَنْقُصُ مِنْ عِزِّهِ إِدْبَارُ مَنْ أَدْبَرَ عَنْهُ

نفس معنى الحكمة السابقه الا ان ابن عطاء الله أراد بهذه ربط العباده بالعزه 

وكأنه يريد أن يقول ان العباده تأتيك بالعزه 

ولكنه يؤكد على أن لا طاعتنا ولا معصيتنا هتفرق مع ربنا طاعتك لنفسك وعبادتك لنفسك كل ما بتفهم كده بتحس بخطورة نفسك ومكرها وإنها هتوديك المهالك لانه يرسخ جوه القلب ولا نُِصرح به أن كل منا يظن بأن الله يريد منا شئ وده من كرم الرب لينا انه بيشجعنا كتير نقرب وبيدينا اوفر كتير عشان نفوق فمن كتر الكرم والتسهلات. والاوكوزيونات اتربي جوانا مرض خبيث اسمو انا

فالانا دي انك ظنيت بنفسك خير وانك طيب ومش شرير خالص وانك تقدر تعمل او متقدرش تعمل صدقت نفسك وصدقت ان ليك قدر اصلا

بمجرد ما بتوصل للحته دي انتا كده في الزحليئه

ال هيا قالنا عليها حببنا إعجاب المرء بنفسه وده جوه في القلب مش بنصرح بيه مستخبي عشان كده اسمو خبيث

طيب بيظهر امتى؟ 

بيظهر اصلو في المشاكل اول ما بتتحط تحت ضغط شديد بيظهر المعدن المستخبي ليك.

ودليل وجود المرض كلمات بنقولها بلسنا

 ولأن اللسان مغرفة القلب فتعالو نفكركم بكلمات بيقولها اللسان تدل على أن القلب ده مسرطن

انا ليه بيحصلي كده؟؟!!! 

هو مفيش غيري في الدنيا دي تنزل عليه المصايب!!! 

انا كده كده عارف ربنا بيحبني فبيبتليني..! جاب من فين الثقه دي... بردو دي ثقه شيطان... مش ثقه في الله.. ثقتك في ربك جوه قلبك مش كلام بيتقال وخلاص فخذ بالك من قلبك قبل لسانك 

انا عارف اني كويس والحمد لله طيب بقه ليه ربنا بيبعتلي البشر دول ينكدو عليا؟؟!! 

انا انا انا هتلاقي كلامو كلو مليان بيها

         ولا حول ولا قوة إلا بالله ممسوحه من قلبو نهائي معناها الحقيقي مش عندو خالص 

ولو قالها بيقولها باَلسانو 

ولو اتحقق معناها في قلبو كنا خلصنا من المصيبه دي خالص وتم إستإصال هذا السرطان من قلبو 

       ولكن لجلجة لسان ولا تحقيق في الجنان 

سبوني لوحدي بحب اعدي المرحله الصعبه وانا قاعد لوحدي...!!

 دي بقه حته أخبث لان صحبنا ده قال حق مبطن بباطل... لو حق حق كانت قاعدتك دي مخدتش في ايدك ٢٤ ساعه... لكن مستحيل ال بيقول الكلام ده الا وياخد اكتر من كده وده دليل انو مريح في حته َوحده بس جنب شيطانو.!!

بعد كلام الحكم بتحس انك بتمشي جوه جوه نفسك  مداخل مكنتش تتخيل ابدا انها فيك تحس انها متاهات وبتكتر كل ما بنتوه في متع الدنيا وبتخدنا وبننسي الحقيقه المطلقه في هذه الحياة وهو الموت الحق الوحيد في هذا الكون الحق المغفول عنه بتعمد وسبق اصرار وترصد مع اننا في زمن موت الصغار أصبح أكبر من موت الكبار يعني ده يكون ادعي لينا اكتر اننا نفوق َنخاف ونركز ومع ذلك بنسكر بدنيا تافهه ملهاش اي لازمه عقلنا عارف كده بس الهوى يغلب العقل 

الحاجه الوحيده ال بتغلب الهوى الحب!!!وداوني بالتي كانت هيا الداء عارفين المقوله دي 

لما حد بيتصدم في حياتو العاطفيه بنقولها كتير يعني حب تاني عشان تنسى بسرعه

اهو المفروض نعمل كده في هوي الدنيا عشان نفوق منها نحب غيرها بسرعه

وضرة الدنيا الله حب الله عكسها تماما 

يعني بقدر زيادة محبه الرب في القلب بقدر زوال حب الدنيا منه 

طيب نزود حب الرب ازاي؟ 

بالصور الأول لغاية ما القلب  يحسو

كثرة الذكر..... بس بشرط انك تحط جواك ان هدفه حضور القلب يعني مع كل مية ذكر 

اطلب منك حضور في َوحده بس وكررها كتير شهَوررر لغاية ماتوصل 

ودي لو اتحققت لَوحدك هتحس بالفرق وتشوف دنيتك بعين تانيه خالص 

يارب الارباب هذه قلوبنا بين يديك وحالنا لايخفيي عليك فحقق فينا ما علمتنا إياه فكما اكرمتنا َوعلمتنا اتمم علينا نعمك وأعنا علي العمل بما علمتنا ياكريم  واكتبها من اصحاب هذه الاية وكملنا بها يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ۚياحليم ياحي ياقيوم    

#تأملات 

#صباح_السعاده 

#دعاء

#كن_له_يكن_لك

#يوم_جديدوعلي_عملك_شهيدفاشهده 

#يوم_ميلادك_اشرقت_الارض 

#سيتحررالاقصي 

#صلواعليه 

#صباح_الحب_للحبيب

#عيشهابالامل 

#عيشهاصح 

#عيشهابالحب 

#عيشهابالعمل