التخطي إلى المحتوى الرئيسي

الدواء فيه سم قاتل فاحذر واليوم ٣٦ للتوازن الروحي والجسدي والعقلي

حظ النفس في المعصية هي المتعة البشرية الظاهرة

ودي مقدور عليها عشان لما بتعصي بتجري تتوب 

أما المباحات!!!!! 




ومن المباح خود منو كتير بقه   كا الأكل والشرب والنكاح ووووو وغير ذلك مما هو من أذواق الحس التي هي غير مُحرمة 


اما حظها في الطاعة هو طلب الكرامات 

                                وخوارق العادات 

            والاطلاع على المغيبات وكحب الخصوصية والمنزلة عند الناس وكلمة انا ترمومترها

وعشان نداواي المرض ده أصعب بكتير  من مداواة الجلي 

لأن مداواة المرض الحسي الخفي أصعب من مداواة الجلي 

فكذلك المعنوي الباطني ما كان جليّا متعلقا بالنفس أصعب مما كان خفيّا متعلقا بالروح 

عشان كده توازن النفس مع الروح من أصعب مايكون يعني السلسله ده هتخرج منها فاهم علي الاقل انتا بيختل توازنك على الاقل بتحس يمرضك وتعرف تشخصو 

فالأول يمكن دواؤه بالعزلة والفرار من مواطن الأشرار وبصحبة الأخيار وبكثرة الطاعة والأذكار  

بخلاف الثاني فلا تزيده الطاعة إلا كثرة وقوة 

     مرعبه دي اوي 

يعني الشرير من جوه ده العباده الظاهره بتزيدو سم قاتل 

كأننا بتقولو الدواء فيه سم قاتل فاحذر 

 فلا يداويها إلا خوف مزعج أو شوق مقلق أو ولي عارف محقق يصحبه بالمحبة والتصديق وحتى ده مش هيقدر في زمنا هذا ما احد يصدق احد فالكل من كثرة الكذب عاشو في وهم العلم والمعرفه ونسو نفسهم تاهو عنها فتاهو عن ربهم مستحيل دول يتعلمو قفل الله عن قلوبهم باب الفهم عنه 

ويقولك اعمل ايه مش فاهم!!! 

سبحان الله بيدعو الغباء في حين انهم في قمة الذكاء ماكر خبيث نفسو تنطوي على كره وحقد ولكن ذكاء ليس كا ذكاء الرباني 

الاول رمال متحركة والثاني ربه من يمكر له وشتان بينهما 

فالواجب على العبد اتهام نفسه ومراقبة قلبه فإذا استحلت النفس شيئا فاليبتعد عنه وإذا التبس عليك أمران انظر أثقلهما على النفس فإنه لا يثقل عليها إلا ما كان حقّا  

وَما أُبَرِّئُ نَفْسِي إِنَّ النَّفْسَ لَأَمَّارَةٌ بِالسُّوءِ 

وهذه نفسي تأمرني بالخير مستحيل يانفس السوء 

ده حالك لو انتا انسان محترم َنويها صدق بجد مش بكش ولف ودوران 

وقال الجنيد رضي اللّه تعالى عنه : ضاقت علي نفسي ليلة حتى لم أطق الصبر ، فخرجت ذاهبا على وجهي ، فانتهيت إلى رجل مطروح في المقابر مغطى الرأس ، 

فلما أحس بي قال : أبو القاسم ، قلت : نعم ، قال : متى يصير داء النفس دواءها ؟

 فقلت : إذا خالفت هواها صار داؤها دواءها ، فقال لنفسه : اسمعي ، فقد أجبتك بهذا مرارا ، وأنت تقولين حتى أسمع ذلك من الجنيد ، قال الجنيد : فانصرفت وما عرفته 

والذي يُسكر قلبي ويداوي جرحه من ظلمته التي طالت وَمُدَاوَاةُ مَا يَخْفَى صَعْبٌ عِلاَجُهُ قضيت فيها عمري كله ادور حولها مراراً وتكراراً ولم اشبع منها حتى الآن 

 ومن اجمل الحاجات ال بحب اكتب عنها لان بمجرد الكتابه تديك طاقة مخالفه وتوازن الروح والعقل والجسد خلاصتها انك تركز فيهم وتكون في قمة الدقه ان كل يوم يسلم ليوم وهو متزن تماما فيها دي مش سهله بس مجرد انك تركز فيها يبقى حليت نصها تقرء وتتعلم حاجة جديده تذكرها مش مجرد قرائتها وبس عيد َزيد فيها لغايه متضمها 

            اي شئ بتقرئة عن مخالفه النفس بتحفز شئ مدفون جواك 

لان  النفس بطبيعتها بتحب الشئ الممنوع برغم انها بتظهرلك عكس ذلك وتوهمك انها مستغنية وهيا هتموت عليه

تعرف تتعامل مع نفسك بنفس طريقة معملتك لااطفالك

   الطفل بكل ذكائة بيعرف يمكر عليك ويضحك عليك ويستغل حبك ليه لمصلحته وبس

            علشان ياخد منك ال  هو عاوزو صح وطبط عليا يابابا اهو اول ما بنوصل للدلع ده يبقى سعتك كده شكرا منتش هنا خالص ميت موت محقق ومحتاج معجزه عشان تقوم تاني طول منتا وصلتها لمرحلة الدلع دي يبقى عليه العوض فيك 

نفسك  شباطه

اما بتحب اي حاجه بتشبط فيها وتفضل  وراك لغاية متاخد ال هيا عوزاه بكل الطرق مبتسبش طريق الا اما بتجيبك منو

مشكلتنا اننا مش عارفينها  وهو ده سر العباده 

                     كل ما بتعبد ربنا صح من جوه اوي بتوصل للمعني ده 

وهيا تآبي عليك ان توصلك لذلك مع انها لما اذقتها من قبل لذة العباده استطتعمتها 

                 لكن طفل مش راسي علي حال كل شوية يطنطط في كل مكان مش راسي كده بيحب اللعب جبلت النفوس علي ذلك

                     ولكي يتم فطامها من اللعب يجب ان تستدرجها الي الفطام وحده وحده

مثال

طفلك اما بتديه التطعيم بتمسك خده من النحيتين وتضغط عليه لكي تنقط له في فمه ولا تترك الضغط بيدك حتي تطمئن انه بلع الدواء تمام

كذلك ذكرك حينما تقول لا إله الا الله تخيلها نقطة دواء وطفلك الداخلي بيزوغ منها  عاوز يدلقها ويتفها فبتفضل ماسك فيه لغاية مايبلعها

اي ركز في المشهد بنفس الطريقه شغل حواسك كلها 

                  واهمهم خيالك 

تخيل قلبك هو فم الطفل والنقطه هي الذكر وضغطة يدك هيا تركيزك في انها متزوغش منك وتروح بيك في حته تانية

فقط عشره في عشره خليها شعارك

وابدئها بالصلاة علي الحبيب وانهيها بيها وبينهما ضع الاستغفار ولا اله الا الله واسماء الله  وجرب وتذوق لن تآخذ منك اكثر من ربع ساعه ولكن بشرط واحد انك تركز اوووي في وضع يدك عليها اي متخليهاش تزوغ بيك في فكره تانيه انت عباره عن فكر كل ماتفكر به يتحقق لك وتراه في كل ماحولك

بمجرد ماتمسك زمام فكرك فانت اصبحت مالك لنفسك

اعرف انه ليس من السهل ذلك ولكنها سر سعادتك الا تستحق المحاولات ولو مليون مره حتي تصل الي إسعاد قلبك

ولي معادلة جربتها منذ عشرين عاما والان استطيع ان اقول اني بدئت اقف علي اول الطريق بسببها

خالفها'' '' '' '' هتعرفها'' '' '' '' وإن عرفتها ستسعدك

بمجرد ماتحط لنفسك قرار السعادة الابديه في الدنيا والاخره

وتعرف إن اول سلمه تذوق معني المخالفه

كيف أخلفها؟؟؟؟ 

        مترحيهاش ابدا ابدا

نفسك اما بترتاح بتطلب ال بعدو وملهاش سقف

كل ماتديها تطلب اكتر واكتر مش بتشبع وكل ماتسمع كلمها وتستجيب لطلبها بتدلع واكيد عارف الطفل المدلل بيعمل ايه في اهلو!!!! 

فخذ قرار الفطام وضع مكان كل مخالفه رابط اخر لكي تذهب هيا اليه يعني بدل عادة بعاده

بتحب الاكل حطلها رابط اخر تروحلوا خليها رابط القرائة مثلا او رابط العمل الرياضة المشي المهم كل ماتطلب اكل تديها مشي جهد بدني فهاتخاف تطلب تاني 

التهديد للاطفال بيجيب نتيجه مؤقته

   وكذلك نفسك توهمك انها حاضر هسمع لكلامك وفعلا تسمع وتمشي زي منتا عاوز شهرين تلاته حتي تنسي انتا قصه المخالفه ثم تعاودك مره اخري وهكذا الحياة 

لابد ان تصل بها الي ان يكون هواك في رضاك 

      اي كل هوي ليك تكون انتا راضي عن نفسك

 مش مكسوف منها ومن هنا ستتعرف علي خالقك بمجرد ماتحط اول رجل عليها التانية هتكون في معية ربك

القصه دي بتاخد وقت اد أيه؟؟ 

  مكن تاخد عمرك كله ولم تصل!!! 

       لكن جمالها فإنك لو مت علي هذا الوضع اخذت درجة الشهداء

ياربي  حسن اخلاقنا وحسن عبادتنا حتي نعبدك وكأننا نراك وكملنا بأسمائك إكتمال لانقص فيه نسئلك بكل أسم هو لك سميت به نفسك ان توجه  وجوهنا لك وحدك  ربنا لك وجهنا وجوهنا فاقبل الينا بوجهك الكريم وأستقبلنا بمحض عفوك وكرمك وانتا ضاحك الينا وراضي عنا برحمتك يا ارحم الراحمين

 #صباح_السعادة
#شرح_حكم_ابن_عطاءالله 
#مولدالحبيب 
#صلواعليه 
#صباح_الحب_للحبيب 
#يوم_ميلادك_اشرقت_الارض
#الدعاءنوروقبول
#الشكررحمةربك
#كن_له_يكن_لك
‎#صباح_الفل
‎#Buongiorno 
‎#guenaydin 
‎#BuenosDias 
‎#GoodEvening
‎#مساء_الفل ‎#مساء_الخير_والسعاده 
‎#مساء_الخير


انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

  1. ياربي حسن اخلاقنا وحسن عبادتنا حتي نعبدك وكأننا نراك وكملنا بأسمائك إكتمال لانقص فيه نسئلك بكل أسم هو لك سميت به نفسك ان توجه وجوهنا لك وحدك ربنا لك وجهنا وجوهنا فاقبل الينا بوجهك الكريم وأستقبلنا بمحض عفوك وكرمك وانتا ضاحك الينا وراضي عنا برحمتك يا ارحم الراحمين

    ردحذف

إرسال تعليق