التخطي إلى المحتوى الرئيسي

حديث مع إمرأه ازاي اعرف اني عنيد؟! واليوم ١٤ لشهر رجب المعظم

 هذا يوم جديد وعلي عملك شهيد فاغتنمني 

الاغتنام في شهر رجب المعظم


بيجي قولنا قبل كده بكذا حاجه احنا اتكملنا في حاجات كتير وفتحنا أبواب كتيرر للاغتنام 

 النهارده عايزه اتكلم في حته جديده كنت قاعده امبارح مع حد بيقولي صفات ناس العنيده ايه 

سالتها سؤال خلاصه ققصك مع الحريم اللي انتي تعرفيهم ايه قالتلي..... العند!!! 

الستات تقريبا كلهم بيتجمعو في بؤره واحده أنهم بيشتكو سواء الست أو الراجل والاغلبيه ستات 

 وبتكون سبب المشاكل في الحياه العند قالتلي كلمه أثرت فيا

       العند مبيخليش اللي قدامك يسمع

        العند بيخليك غبي 

احنا عارفين الكلام ده أن الشيطان لما اتغابا 

 قولنا اتكبر علي ربنا وقال خلقتني من نار وخلقته من طين

 لكن في الاساس هو عاند ربنا

 يعني هو بدايه الكبر العند مش العكس

  شاف إن ليه شأن فاعاند ربنا

              لما عاند اتغبا 

              فلما اتغبا اتكبر 

             فلما اتكبر حسد

            فلما حسد جالو العُجب

            فلما جالو العُجب جالو الرياء 

واخدين بالكو السلسله جت منين البيضه ولا الفرخه حته خطيره جدا انا مرعوبه منها 

يعني ايه عِند يعني أنا عايز اقعد مع الناس اللي هي بيتقال عليها شخصيه حاسس بنفسو

 دماغهم مودياهم في اي حته  فبسالها سؤال ده قالتلي تعالي بقي لما اقولك 

خدو الحكمه من أفواه المجانين دي حقيقه وان كان أغلبيه الناس بتوع علم النفس والفلسفة عندهم هوبا لا لا ولاسعين في كلام معين بيطلع كده في وسط الهرتله كتير ممكن يكون حقيقه يعني 

قالتلي العند بداية شخص الزمن جي عليه أوي قولتها انا عارفه ناس عنيده جدا ومعندهاش قسوه بالعكس مدلعين قالتلي لا بيضحكو عليكي مش مدلعين خالص 

مش هتلاقي انسان عنيد الا ماهو عاش في دور الضحيه 

حتي لو كانت حياته كويسه بس هو من جواه عايش في دور الضحيه

  بيجيب حاجه بس صغننه اوي حصلت في حيتو بالنسبه احنا صغيره لان احنا اتحط علينا كتير في الدنيا وهو عنده الموضوع كبير اوي فجرحو من جوه خلاه يحب نفسه 

طب ماطبيعي الإنسان يحب نفسه قالتلي لا العنيد مش بيحب نفسه ويحب الآخرين

 لا 

الإنسان العنيد بيحب نفسه وبس 

مبيحبش حد تاني  بيقولك بحب فلان وعلان هو مبيحبش غير نفسه وبس وبيحب نفسه بشكل غبي أن محدش يجرحو محدش يأذي مشعرو عايز دائما حد يطبطب عليه مش عايز حد يضايقو عايز دائما يتفخم ويتغظم وبيقول انا كتير اوي

 متوحد وعايش مع نفسه لما يكون مضايق

        طب مكلنا بردو كده

 لما بكون مضايق ببقي عايز اقعد لوحدي قالتلي لا بردو انتا لما تكون  عايز تقعد لوحدك كبيرك تقعد ساعه اتنين مبتكمليش اليوم

 لكن لا العنيد ممكن يقعد اسبوع قاعد لوحدو ومتكيف عادي معندوش مشكله مبسوط اوي كده لانه حابب  يقعد مع نفسه 

كشفتلي علي حته خطيره جدا في النفس البشريه انا مكنتش واخد بالي منها حتي كلمه عنيد كده في النص يعني عادي لكن مكنتش عارف أن هي بدايه كل مرض وكل مصيبه وان هي كانت بدايه كل الامراض السرطانيه اللي احنا كنا بنتكلم فيها بقالنا سنين وان هي بدايه ابليس أنه خرج من الجنه وان هي كانت قبل الكبر 

هي بتتكلم كده وخلاص من خلال محادثتها مع الستات الكتير اللي حوليها واللي أغلبيتهم أطلقوا فعشان كده مرعوبه وخايفه دايما ومركزه اوي ازاي تحافظ علي جوزها وازاي متخربش علي بيتها الموضوع واخد حيز معها كبير اوي 

 طول منتا بتقول هب لي من لدنك عملا صالح يقربني اليك فعلا طالعه من جوه قلبك وفعلا قاعد

 مستني العمل الصالح ده ايه 

لو اليوم عدي كده من غير محد يجي يرزعك علي دماغك أو يجي يضايقك أو يعكنن عليك يبقى عندك مشكله في قلبك مش مصحصح 

 لازم كل يوم ولو شكه كده تجيلك تخليك تعرف الدنيا فيها ايه

  اتنين قاعدين في نفس القاعده وريتها انا طلعت بأيه حته الزبديه دي وان دي حته حلوه اوي كنت بدور عليها من زمان ياتري ايه اللي يخلي الواحد يتكبر ايه اللي يخلي ابليس يعمل كده ياتري ياتري فأنا بسال اسئله وجوديه بضايق دائما اللي قدامي لكن هي في الحقيقه انا ببقي عايزه اتفادي اني اقع في الفخ ده لما بشوف ناس واقعه قدام عنيا بترعب بشوف ناس كانت حلوه اوي في يوم من الايام حد شفاف اوي حد بيشوف حاجات حلوه وعالي اوي وفجاه الاقي في الحضيض قدام عنيا عشان كده دايما ادور علي حته اتقي الشر يعني اه بعمل خير بس بدور علي الحته اللي فيها شر واخاف منها ياتري عندي ولا ايه

ها طب ازاي اعالج الناس اللي حوليا

 ازاي اعرف اني عنيد؟!  

اول خطوه  تروحي تسالي جوزك بتسالي مامتك القريبن منك اوي اسالي حد بيكرهك بيبقي دايما الناس اللي حطينك في دماغهم بيكون عارفين حاجه زي كده عنك

 والخطوه التانيه خلاص انتي عرفتي وشهدوو عليكي أن انتي فيكي الصفه دي اقفي بقي واترعبي وخافي واشتغلي علي نفسك قبل مارجب يخلص النهارده 14 نبتدي في العد التنازلي من بكره تبتدئ تركزي في الصفه دي بتعمللها دليت من عندك اللهم أسلل سخيمه قلبي في حته دي لما تيجي تدعي بيها وتيجي تصفي قلبك بيها وانتي مركزه أنها تتشاال يارب شيل العند من قلبي ده العند هيوديني جهنم زي ابليس ونزلو من أعلي عليين لاأسفل سافلين يارب الحقني يارب أنقذني

 كنت دائما زمان اقول حتي التوبه مينفعش تتوبي الا لما تعرفي هتوبي عن ايه مينفعش اعرف اي حاجه وابتدي السير في طريق ربنا الا لما اكون عارفه رايحه فين وجايه منين العلم اتعلمتي وعرفتي انك عندك الصفه دي 

2- اروح لربنا بقي  اني الح لربنا بحاجه زي دي 

3 اني احاسب نفسي يوم بيوم بالورقه والقلم زي مااحنا متعودين انا هكتب نيتي النهارده أن يارب لو فيا الصفه دي امسحها مني مسح واجي بليل اشوف طبيبعي بقي بدال مقولت كده هيجي حد يخرج اضغاني يعني ايه حد يستفزني فيخرج مني الحته دي الحته المستخبيه

 خربشني تعرفني

 في حد هيجي يخربشك عشان تعرفي نفسك في الحته دي فلو مجلكيش اشاره قبل متنامي انتي خلاص قولتي الصبح انا عايزه كذا ودعيتي ربنا ولحيتي عليه وقبل متنامي مجتلكيش اشاره أن حد خربشك انتي مكنتش صادقه مع نفسك يبقي انتي مترعبتيش صح 

تعالي بقي لما ارعبك

 عشان تقعدي وتركزي مع نفسك إن كلمه عند عنيده أو عنيد معناها ايه؟! 

أن انا بحب نفسي بتحبي نفسك بأسلوب وحش في حب حلو وحب وحش سيدنا عمر لما راح سال نفسه علي الحته اللي انا اتكلمت فيها قبل كده أن سيدنا النبي قالو اتحبني قال احبك يارسول الله قال اكتر من أهلك ياعمر قال اكتر اكتر من مالك قال نعم اكتر من نفسك ياعمر قال لا

 كان صادق مع نفسه لما سيدنا النبي سألو السؤال ده خاف وسابهم وراح قعد مع نفسه شويه وراح راجع وقالو والله يارسول الله اني احبك اكتر من نفسي زي ماحنا عارفين راح ابنه وقالو انت عملت ايه في نفسك عشان توصل للمرحله دي التكه اللي احنا اتكلمنا فيها لما كنا عايزين نخرج نفسنا من الخون ده ان انا عملت ايه قعدت مع نفسي قولتها مين هينفعك يوم القيامه انتي هتنفعي نفسك ولا سيدنا النبي هينفعك قالتلي سيدنا النبي اللي ينفعني يبقي مفروض احبه هو اكتر من نفسي

 شوفي علاج نفسي سيدنا عمر قعد علي الشوزلونج وكلمها ورجع بمعلومه دي بصدق بنور 

عشان كده شوفي سيدنا النبي ميعملش حاجه كده وخلاص قالو انت اللي هتسال الملائكه يوم القيامه شوفي الصدق وجمالو لما يكون الواحد صادق اوي 

 سيدنا النبي علمني اني ابعد عن الاامراض السرطانيه دي كلها سيدنا النبي علمني كذا وكذا هتفضل روحك رايحه وخواطرك ووساوس قلبك حبيبك صل الله عليه وسلم 

لح على ربك  يارب هروح جهنم هروح زي ابليس هنزل من أعلي عليين لاسفل سافلين يارب أنا الامراض السرطانيه كلها هتصبني لو صفه دي فيا يارب الحقني

 المصيبه في الحته دي أن حاجات دي بتيجي على  المدي البعيد 

يعني اللي بحكي عنهم دول قعدو في طريق ربنا ماشيين تمام وفجاه لاقينهم وقعوو في مطب مره واحده هو سرطان جواه بيكبر وانتا مش شايفه هو في ورم جواه عارفين مرض السرطان لما يقولك ده هيموت بعد شهر ايه ده راجل كان بياكل ويشرب زي الفل فجاه هيموت والسرطان تضخم اللي وصلو للمرحله دي أنه مش عارف مرحش عمل كشف طبي معرفش مصيبه اللي عنده ايه 

نفس الحكايه فينا احنا منتا مش كاشف  علي نفسك بشكل دوري هتعرف من فين انك مريض سرطان مش لازم طبيب يعرفك 

هنا في الحياه اني اكشفلك علي جواكي شوفي أي مرض يوصلك لاقدر الله للموت المفاجئ  هيجيلك سكته قلبيه

 يعني قلبك ولا هيحس ولا يشوف ولا يسمع قلبك مش هيحضر في الصلاه 

قلبك مش هيخشع

 قلبك مش هيحس بالقران ويقشعر جسدك لما تيجي تقرائه 

قلبك هيوصل لمرحله اكبر من كل ده

هتروح المقابر ومتحسش باي حاجه 

كل دي كوارث هو ده الموت ابمفاجئ 

بيجي للي عندهم امراض سرطانيه

       اللي بدايتها العند  

هضيع شقي عمرك كله في الأرض مش بس آخره لا دنيا كمان هتخرب بيتك هتخليكي تتطلقي هتخلي ولادك يكرهوكي هتوصلي بعد عشر سنين انسانه زميمه محدش بيطيقك

 روح اقعد مع الناس الكبار في السن  اللي قاعدين لوحدهم وأولادهم سابوهم دور وانكش وراهم هتلاقي تقولك في منتهي الفخر انا شخصيه عنيده 

#صلواعليه 

#شهررجب 

#رجب_الحب 

#رجب_المعظم 

#صباح_السعاده 

#دعاء

#كن_له_يكن_لك

#يوم_جديدوعلي_عملك_شهيدفاشهده 

#يوم_ميلادك_اشرقت_الارض 

#سيتحررالاقصي 

#صباح_الحب_للحبيب 

#عيشهابالامل 

#عيشهاصح 

#عيشهابالحب 

#عيشهابالعمل

انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات