يلا نتنقع صح الصح واليوم ٩ لشهر رمضان المبارك

ردود القراء ن. ع

السلام عليكم ازيك ياماما ياست الكل 

انا النهارده جالي احساس بماما حلو جدا وان ربنا معوضنا بيها أن احنا اتظلمنا في حاجه وربنا عوضنا بيها 

نكلمها وترد علينا دي نعمه كبيره الحمدلله يارب ديمها واحفظها من الزوال يارب وباركلنا فيها واديها الصحه وتشتغل في الدعوه احسن وتحقق كل اللي هي عايزاه انا بحبها جدا 

انا كل يوم كل بسمع فويس بتاع ماما باخد منه حاجه جديده كأني بسمعو اول مره 

سبحانه هو نفس الكلام 

احنا عايزين نشكر ربنا علي توفيقه  أن ماما تكون معانا القلب الابيض الكبير ده 

الحمدلله الحمدلله الحمدلله 

أحبك الذي احببتني في 

وأيما حب ياحبيبتي انا عايزاه يحبك الحب اللي يخليكي تسكري في الدنيا قبل الآخرة 

الحب اللي يخليكي تشوفي الدنيا علي حقيقتها وراها بلاء لكن في أعماقها اكبر نعمه ماهو انتي عمرك ماهتشوفي الحاجه علي حقيقتها الا لما تبتلي فيها عمرك ماهتشوفي  الدنيا الا لما كل ياتتعري قدام عنيكي وكلمه يتعري

يعني يحصل مشكله وفي المشاكل الإنسان بيبان وفي ألازمات الإنسان بيظهر علي حقيقته يظهر الحاسد الكاره  الشامت في المشاكل ممكن حد يحسدك علي البلاءك اه تخيلو 

تلاقي ناس بتحسدك علي البلاءك  اللي انتا فيه وناس بتشمت وكأنو أقرب الناس ليك عادي بتحصل وناس مطنشه وناس مكبره دماغها ايه ده هما دول اللي كنت بحبهم في يوم من الايام

 فتلاقي كل ده اتعري فابتبتدي تقربي لما ربنا يوريكي الصوره دي يبقي بيصطفيكي لاأعلي درجات المحبه عنده 

عارفه انها صعبه بس نقول ايه مع كل درجه من درجات العلو في تحتو حاجه

 لازم بتموت

 افهموها كده كل متيجي تعلي درجه حاجه من اللي تحت لازم تموت 

كل متطلعي سلم اللي تحت لازم يموت موت مش ظاهري موت باطني انتي مديا حجم اكبر من حجمو مديا لجوزك حجم كبير اوي لعيالك 

كل انسان  انتي عايشه معاه دلوقتي واخد مساحه اوي عندك جوه 

طب انتي طلبتي الحب طلبتي المعيه مفكره نفسك هتطلعي من غير مادول يموتو كلهم عندك مستحيل ربنا بدال مصطفاكي يبقي خلاص يبتدي يموت واحد ورا التاني ورا تالت بس مش موت اللي احنا فاهمينو

الموت اللي هو كشف الحقائق وكشف المستور عن كل حاجه انتي كنتي فاهمها تلاقي مفاهيمك كلها بتتغير أول لما تلاقي كده متزعليش ومتقوليش ليه ربنا بيعمل فيا كده ربنا بيعمل كده عشان حبك طلما حبك بيظهرلك خبث ومكر المحبين حوليكي مدعي المحبه مش هقول محبين عشان كلمه محبه كلمه كبيره اوي 

طاقه الحب ياولاد اتبني عليها الكون كله 

يعني أعتقد هو إحساس داخلي أن الكون كله مبني علي طاقه حب لله لينا 

انتو متخيلين احنا بنبدلو بأيه؟! 

اول حاجه قلبنا بيعملها من اول ميصحا ويفتح أنه يحب حد غيرو هو 

شايفين مش هقول جحود ده قمه الجحود انك تكوني تعبتي في حد اوي وعملتي فيه كل حاجه حلوه وفجأه اول معينو تفتح علي المحبه يسيبك انتي اللي عملتيه ويروح يحب حد تاني من اللي هو عملهملك نعمه من اللي هو عملها علشانك

 علشان يمتعك تروحي واخدها وغايصه وعايشه فيها مش بس عايشه سرحتي لدرجه انك نسيتي مين اللي ادهالك نسيتي اساسا اللي ادهالك دي اسمها انسان غرقان في بحر نعم ربنا في اللي غرق اوي كده في بحر النعم سواء في الصحه أو في الماده أو الحب أو في العشيره زي 8 اللي ربنا قال عليهم في سوره التوبه كل دول لما بنغوص فيهم بيحصل البلاء 

طب حصل البلاء فيهم في عقاب وفي ارتقاء 

بلاء العقاب اللي هو فتربصو 

وبلاء الارتقاء لما يشوفك فاهمه ووعيه 

 اعرف منين لما بتعاقب؟ 

حتى ولو بتتعاقب بردو حاجه حلوه أن ربنا بيطهرني اول باول

  امتي اعرف اني برتقي في البلاء لما الاقي نفسي بحاول افهم

 لما الاقي الستاره الضلمه دي لما بتنزل في المشاكل مبطولش معايا يدوب هي ثانيتين تلاته دقيقتين كبيري ساعه زمن وابتدي أقرا الحدث هو ايه اللي بيحصل بقي 

هي فلانه عملت كده ليه هو انا اذيتهم في حاجه مكنش جرحتهم أو ضايقتهم تبتدي تفهمي 

حتي لو عملت كده ميحصلش كده ابدا 

لا في حاجه تانيه ربنا عايز يفهمني حاجه ربنا عايز يزهدني فيها 

يبتدي معاكي معني الزهد يشتغل 

ومعني الزهد زي مقولت زمان في كتاب متي نصر الله مش انك تشيلي ايدك من الدنيا

الزهد الحقيقي ايدك تكون فيها وقلبك مش فيها 

ايدك قاعده بتغسل المواعين بتاعتها كده وقاعده شغاله منكوته ومنقوعه فيها لكن قلبك مش جوه الحدث قلبك بره الحدث

 امتي توصلي للمعني ده؟! 

لما تخشي جوه الغساله ويتعلق عليكي يومين تلاته عشره مع كميه تنضيف مسحوق وحاجات من دي عشان تطلعي بيور ونضيفه تبتدي تستوعبي احداث 

        طب احنا عايزين ندخل جوه الغساله ونتنقع حبيتن تلاته 

نعمل نظام النقع وبعدين نشغلها شويتين تلاته علشان نعرف نقرأ احداث صح وياتري ربنا بيحبنا حب الاصطفاء ولا بيحبنا حب البلاء والتنضيف هيتفهم وهنعرف 

امتي بقي لما نتنقع 

زمان اول ماربنا ناداني سنه 2001 قولتلكو كلكم عارفين الحديث من قال سبحان الله وبحمده غفرت ذنوبه ولو كانت مثل زبد البحر

وساعتها اتمنيت اروح مصيف ومكنتش عمري روحت يعني كنت بروح يوم وارجع لكن روحت وقعدت اسبوع وكان هدفي كله اقعد علي زبد البحر واقول سبحان الله وبحمده قولتلكو أن سعتها طلعت من المصيف كأني راجعه من العمره مغسوله غسله فظيعه 

طب دلوقتي لما باجي اعملها مش بحس زي مكنت بعملها زمان 

زمان انا كنت مصدقه اوي يبقي ده الفرق بين انسان عايز يتغسل ويتنقع وانسان مش عايز 

عايز بالصوره مش بالحقيقه لما كنت مصدقه اوي أن أنا مش نضيفه ولما كنت مصدقه كلام حبيبي صل الله عليه وسلم 

وبردو عنصر المفاجاه اول مره اسمع الحديث وكاني دخله الاسلام جديد 

لما اتعملت اتعملت من جوه اوي اتعملي اطمس فير معين كده خلاني اصدق كل حاجه في كلام ده بقلبي اوي وقررت اني انفذو اوي فبتالي لما اتنفذ اتنفذ بصدق اوي واتغسلت اوي وبعديها دخلت في الامتحانات بتاعت الدعوه الشاهد ايه 

كل متنقعت في حديث من احاديث سيدنا النبي صل الله عليه وسلم كل متنقعت في كلام سبحانه وتعالي زي مبقول كده تقعدي ساعه ولا ساعتين 

انا بعمل كده في القيام مش عشان خاطر حاجه انا عايزه اشوف ايه الي هيحصل بعد معمل كده 

يعني تعالي نجرب كده النهارده مثلا تعالي بليل ودنيا راقت وفطرتي الناس ودنيا تمام اختاري الوقت خلاص الناس هديت وسكنتي الدنيا كلها 

وقومي خدي قرار انا هقوم اجرب اني اعمل خمس اجزاء وانا واققه شوفي حالك قبلها عامل ازاي وشوفي حالك عامل ازاي 

مجرد التجربه مش انتي بتعملي اكلات وتشوفي هتطلع وحشه ولا حلوه 

جربي وشوفي كميه التنضيف بعد متنضفي وتطلعي نضيفه من قاعده معينه ونقعتي نفسك مع ربنا في قاعده معينه 

المشكله في التوقيت الزمني يابنات افهموو الكلمه دي لما تيجي تنقعي حاجه كل مبتتنقع فتره طويله كل متنضف اكتر كل متحطي مسحوق كتير كل مسعدتك في التنضيف

 شوفي نفسك بنفس الوضع ده انتي حد مش نضيف وعايزه تخشي تتغسلي فقبل ماغسل هعلق نقع فحط المسحوق وكلور 

ايه بقه المسحوق والكلور بتعنا وانا شغاله في القران او ذكر 

اني اركز امسح خواطري 

واركز اوي انا بعمل ايه امسح كل حاجه في الدنيا خلاص انا اكلت وشربت عايزين مني ايه

سبوني مع ربنا شويه اقعدي اتنقعي شويه كل متيجي خاطره امسحيها متعمليش حاجه غير انك تذكري ربنا سواء انك هتقعدي تخدي قرار الساعتين دول في الذكر او في القران وانتي واقفه أو في السجود جربي كده تعملها في السجود ينهار ابيض دي حاجه تانيه خالص عارفين ليله تانيه غير اليله دي خالص

ناقعه السجود غير ناقعه الذكر كل واحده فيهم ليها طعم مختلف تمام قولت زمان كلمه الطعم مستحيل حد يفهما مينفعش مفيش كلمات اتعملت علشان تعبر عن طعم اي حاجه غير أنه هو طعم حلو وخلاص طعم المانجه جميل طب البرتقال يعني حلو طب ايه فرق بينهم مش عارف بس المانجه حلو طب انتي حسا بأيه انا بعشق المانجه طب لما تيجي تحطي عصير فراوله طب منا بردو بحبو ايه الفرق بينهم دي حلوه ودي حلوه مسكرين بس دي طعم ودي طعم عارفين كلام اللي بنقولو علي اطعمه نفس الحكايه لما تيجي تتنقعي في الذكر أو القران او السجود الهدف كله كلمه النقع 

النقع يعني عدد ساعات معينه انا بسيب نفسي تماما فيهم مع ربنا شوفو الحديث من جالس النور تنور هو في اجمل ولا اطعم من الحديث ده انا جليس من ذكرني انتو مستوعبين مين اللي بيقول كده ده ربنا 

ربنا بيقولنا احنا 

احنا العبيد العصاه اللي متلحوسين ومتوسخين ومبهدللو الدنيا في الأرض يجي يقولنا انا جليس من ذكرني انا القذره مسمحولي اقعد معاك اصلا انا مسموحلي اقعد معاك اصلا هو انت سمحلي اني اقعد معاك اه سمحلك ومش بس سمحلك ده انا بقولك انا جليسك انا قاعد معاكي وسامعك وشايفك طب انا مش نضيفه يارب بس انتي تعالي 

انا جليس لمن ذكرني قريب لمن دعاني ياالله ياالله علي معني المجالسه طب امتي دي تتحقق امتي أحسها امتي اتذوقها لازم توقيت زمني 

استغلوا رمضان في التوقيت الزمني كل دقيقه في رمضان ليها تمن 

مع كل دقيقه بضيعها بضيعي عمر كامل هتندمي اكتر حاجه هنندم عليها يوم القيامه عمرك فيما افنيتو عشان كده اول حاجه بنتسئل عليها 

تعالو نستغل اوكازيون ونقعد ساعتين انا بتكلم في ساعتين انا مش عايزه ادخل في ليفل الوحش واقول الليل كله بس اصبرو بس عليا لما ندخل في العشره ألاواخر 

انا عايزه اشوف فيكم واحده بنت حلال انا قعدت ساعتين زي مقولتي وحصل واحد اتنين تلاته 

طب انا عديت الليفل بتاعك ياماما وقعدت تلات ساعات واقولك حصل ايه 

كنت زمان لما اعمل مسابقه القران الله يمسيها ج. ه

كانت هي اللي تيجي تسابقني في حاجه زي كده اكون قايله نختم كل اسبوع طول ياماما انا دوقت وحلو اوي ياماما عشان كده ياحبيبتي ربنا امتحنها امتحان شديد 

ويكون بيني وبين نفسي كل اسبوع وانا بعملوا كل تلات ايام الاقيها جايه تقرا أفكاري انا عملت كل تلات ايام ومتعه افضل اضحك 

اجمل متعه في الدنيا لما الاقي بنت من بناتي ماشيه معايا في نفس الدائره وهي مش عارفه انها ماشيه معايا في نفس الدائره متعه 

وجت قالتلي انا ختمت مره في يوم من رمضان كان نفس الفتره اللي قررت اختم فيها كل يوم 

ايه متعه دي علي قد ماربنا يديكي وقت فاضي اقعدي معاه مفيش وقت اقعدي معاه هو بس اللي هينفعك

تخيلي كل اللي انتي قاعده معاهم دول هيوديكي النار وبس ولما تيجي تقعدي مع ربنا هتخشي جنه 

طب ياماما منتي قولتي اخدمهم عشان ربنا 

 أفلح ان صدق  

لو عرفتي تخدميهم في هو في الله

 وتشوفي أنهم من عنده هو وقلبك يصحصا فعلا وتكوني صادقه في كلمه اللي بتقوليها بيها ونعمه لكن اكيد انتي سرحانه اكيد انتي غايصه اكيد انتي دخلتي جوه دائره لاشي بتاعت الدنيا ومش حسا بقيمه نعمه رمضان 

ربنا يدوقنا ويحسسنا ويقعدنا معاه اكبر وقت ممكن واتمني من الكل يتفاعل ويقولي مشاعره واحسيسو  ايه

 العلم مفتاح السؤال 

عايزه اشوف زي الاول كده كان الكل بيتفاعل وبقرأ منكو ازاي اديكم 

يعني ممكن اكون شغاله في ليفل عالي اوي ومفيش حد معايا غير القليل والباقي كله نايم حد يفهمني من اللي نايمن دول مسنَتنين ايه 

يلا ناخد بايدوونطلع بيه معانا بس علي ألاقل اعرف انتو وصلتو لاي مستوي طبعا فاهمين 

النهارده واجبنا أننا هننقع نفسنا فتره طويله اوي علشان ندوق معني جليس لمن ذكرني ربنا يدوقهلنا يارب وينور قلوبنا بحبه ويحسسنا بحبه لينا

ربنا اذقنا حلاوة الإيمان وحلاوة الصلاة حضر قلوبنا لحضرتك إفتح لقلوبنا باب للنور لاينغلق ابداً وافتح مسامع قلوبنا لحبك وحب حبيبك وحب جهاداً في سبيلك وحررنا من رق انفسنا حتى يتحرر الأقصى المبارك ببركتها بارك لنا في صحتنا ومالنا واولادنا ياكريم اكرمنا بحلمك وعلمنا بحلمك تحلم علي عبادك الضعفاء المساكين نقف ببابك اللهم ياحي ياقيوم بجاة سيدنا محمد صل علي سيدنا محمد وعلي اله ولا تكلنا الي أنفسنا طرف عين ياكريم