التخطي إلى المحتوى الرئيسي

خالفها هتعرفها وإن عرفتها ستسعدك كيف أخلفها؟ واليوم ١٤ لشهر شعبان الحب

 عايزين نركز في ألايام الجايه


في واجب ربنا يعنا عليه وباذن الله نخرج من شعبان من غير فتن ولا حاجه

اولها طبعا كل يوم جزء قران علي قد ماتقدري اللي عايزه تزود تزود بس متقللييش عن كده 

ومع جزء القرأن كل واحده هتيجي تطلع كل يوم واجب من الجزء اللي هي قرأتو كل واحده براحتها يعني لو واحده شغاله في ختمه هتطلع الواجب من الجزء اللي شغاله فيه

 المهم تطلعي واجب اخدتيه من القرآن يعني انتي بتفتحي المصحف بنيه أن ربنا يديكي واجب دي نمره واحد 

٢- احنا هنعمل الف في عشر الاف والجداد معانا هيعملوا ١٠٠في الف 

واجب الذكر هنبتديها بالصلاه علي سيدنا النبي  ومع كل مره بتقولي الصلاه علي سيدنا النبي

 اللهم صل وسلم وبارك  علي سيدنا محمد النبي الامي الحبيب العالي القدر العظيم الجاه وعلي اله وصحبه وسلم 

مع كل مره بتقولي بتتخيلي سيدنا النبي بيرد عليكي وان ربنا بينزل عليكي عشر رحمات

          هو ده الهدف الأساسي

 الحرب مع الشيطان حرب قلبيه 

ساحه المعركه هي قلبك

 كل مبتذكري ربنا بقلبك وبتلهي نفسك وداخله في مسابقات في الذكر يبقى انتي ماشيه في الصخ

اعتبروها مسابقه ونشوف مين اللي هيسبق مين   وبعدين 

٣_سبحان الله وبحمده الف ثوابها ايه تغفر الذنوب ولو كان مثلا زبد البحر

         وانتي بتقولها تتخيل ثوابها 

ثوابها ايه تاني احب الكلام الي الله سبحان الله وبحمده فأنا بتقرب الي الله بأحب الكلام الي الله 

٤_ لا اله الا الله يعني لا معبود الا الله لا محبوب الا الله لا سند الا الله لا طمئنينه الا الله 

لا التجاء الا الله تفضلي تقرري ده علي قلبك لغايه ماقلبك يفوق ويحس 

٥- لا حول ولا قوه الا بالله العلي العظيم انتي بلاحول ولا قوه يعني أنا طظ فش انا مليش اي ستين لازمه يعني أنا لما امشي من البيت وارجع اقول ايه ده دنيا خربت من غيري مش هتعرفوا تعيشو من غيري  عارفين الهبل اللي بنعيش في ده كل ده لاحول ولاقوه الا بالله انتي ولا حاجه هتموتي جوزك هيجيب حد تاني يكمل تربيه العيال الدنيا هتكمل من غيرك ياقلبي متحسيش أن ليكي كيان انتي دوت أن ذا لفت في الكون  لجوزك اللي مضيعه حياتك عشانه انتي دوت أن ذا لفت بالنسبه لولادك بس انتي مش واخده بالك انتي عايشه في وهم 

اللهم أخرجنا من ظلمات الوهم بجد اجمل دعوه ممكن تدعيها اللهم أخرجنا من ظلمات الوهم وافتح علينا بفتوح العلم 

العلم اللي يفهمني حقيقتي انا ولا حاجه 

طول منتي بتقولي لاحول ولا قوه الا بالله قولي انا ولاحاجه انا طظ فش الدنيا ماشيه بيا أو من غيري بالعكس من غيري احسن علي أقل ربنا هيكفي الناس شري ا

٦_الاستغفار الكبير الي بيعمل الف ذكر هيعمل 100 الاستغفار الكبير و900 استغفر الله واتوب اليك 

استغفر الله وأسأله التوبه اي صيغه ما بس وانتي بتعمليها تخيلي أقذر حاجه مسكتيها في حياتك ونضفتيها وفلحتي فيها لو خيالك مش شغال مع سبحتك انتي بتضحكي علي نفسك 

الخمسه التانين كلهم اسماء الله الحسني 

٧_ اسم الله الولي 

٨_اسم الله الباسط 

٩_الف اسم الله الحميد 

١٠_ اسم الله القدوس نختمها بالصلاه علي سيدنا النبي صل الله عليه وسلم 

ثواب اسماء الله الحسني 

طبعا اي اسم من اسماء الله الحسني بنيه أننا بنكتمل باسم ربنا بنتكمل يعني أنا كده كده ناقصه فاحنا نقصنا ده بنكملوا بأسماء الله 

اسم الله مثلا انا بكمل نفسي بالولاية نفسي اكون من أولياء الله الصالحين 

فلما أكرر اسم الله الولي ربنا بيمن عليا باللي انا نفسي فيه 

ومايزال عبدي يتقرب إلي بالنوافل بعد ادائه الفرائض حتي احبه فأذا أحببته كنت سمعه الذي يسمع به وبصره الذي يبصر به ويده التي يبطش بها ورجله التي يمشي بها ولأن سألني لاعطينه

وان استعاذني لأوعذنه

ايه العسل ده انتي كانك بتضربي خمسيه عصفور بحجر واحد نيه العشر دي كلهم هي دي ولايزال عبدي يتقرب إليا بالنوافل حتي احبه يبقي انا كل ده بشتغل عشان اوصل للولايه 

طب الولايه دي هقولها في وسط الواجب 

ياولي ياولي ياولي في غربتي ياولي في وحدتي ياولي في قبري 

ياولي في دنياي ياولي مع اولادي ياولي في مالي ياولي ياولي 

طبعا بتقولها باحساسك خواطرك شغاله بها اسم الله الولي ومعاكي في خواطرك شغاله بالمعني اللي بتكلم في ده 

اسم الله القدوس الامام عبد الحليم رحمه الله عليه قال اللي بيقوله الف مره اجتمع شمله مع من احب انا نفسي بقولها ربنا يجمعني بسيدنا النبي صل الله عليه وسلم اللهم اجمع بيني وبين روحه الشريفه علي الحوض الشريف وليه معني تاني جميل لو انتي مش حاسه بيه ده اعملي اسم الله القدوس الطهاره أن ربنا يطهر قلبك عمن سواه 

اسم الله الباسط بيبسطلك كل شيء 

ياباسط ياباسط ابسطها ياباسط خلي الدنيا بقي تمشي وخلي قلبك يتعود علي ألامور ببساطه افضلي قولي اسم الله الباسط بنيه أن ربنا يشيل قلق اللي جواكي انتي عباره عن عقد معقده بعقدود كل حد ادخل في تربيتك دخل حته عندك وعمل فولدر ولازق وانتي متخيله أن دي شخصيتك

 وانتي مش اي حاجه من دي

 انتي مجموعه عن عقد لمجموعه ناس ربو فيكي وأثر فيكي التربيه بتاعتهم مش اكتر من كده احنا بنحاول باسم الله الباسط يفك كل الكلاكيع والعقد الموجوده في العقل الباطن واللي موجوده في شخصيتك اللي مش عارفين نغيرها بقالنا سنين طويله هنحاول باسم الله الباسط يبسط الامور دي كلها 

طبعا اسم الله الحميد اكتمال الحمد لله سبحانه وتعالي 

اللي عايز فلوس عايز غني عايز تيسير في الرزق يقول اسم الله الحميد ويكتمل بالحمد باذن الله 

ارجوكو حولو تركزو في كل حاجه قولتها 

حاميه الوطيث يعني الحرب اشتدت مش هقدر اقول اكتر من كده 

يوميا بشوف رؤيات مفزعه مش عارفه انام من كتر الرعب بتاع الشيطان لما بلاقي الشيطان سخنان اوي كده بعرف أن اللي جاي حلو اوي وبعرف أن قد ايه النيه بتاعتنا سنه دي قويه اوي 

انا جسديا ونفسيا وصحيا كل حاجه متأثره وتعبانه بس بكون فرحانه أن في حاجه حلوه جايه طلام الشيطان شغال عليا من كل نواحي بالشكل ده يبقي اكيد في حاجه حلوه  

مفيش حد بيجي يقولي الشيطان مقطعني علشان كذا كلنا الشيطان مقطعنا بس علشان ايه 

ونكرر القاعده بتعتنا 

خالفها'' '' '' '' هتعرفها'' '' '' '' وإن عرفتها ستسعدك

كيف أخلفها؟؟؟؟ 

        مترحيهاش ابدا ابدا ٢٠ يوم شقى بدني 

نفسك اما بترتاح بتطلب ال بعدو وملهاش سقف

كل ماتديها تطلب اكتر واكتر مش بتشبع وكل ماتسمع كلمها وتستجيب لطلبها بتدلع واكيد عارف الطفل المدلل بيعمل ايه في اهلو!!!! 

ياربي  حسن اخلاقنا وحسن عبادتنا حتي نعبدك وكأننا نراك وكملنا بأسمائك إكتمال لانقص فيه نسئلك بكل أسم هو لك سميت به نفسك ان توجه  وجوهنا لك وحدك  ربنا لك وجهنا وجوهنا فاقبل الينا بوجهك الكريم وأستقبلنا بمحض عفوك وكرمك وانتا ضاحك الينا وراضي عنا برحمتك يا ارحم الراحمين
#تأملات_شعبان_الحب
#شهرشعبان 
#سُقياشعبان
#إسقهاحبا
#صباح_السعاده 
#دعاء
#سقياشعبان 
#شعبان_الحب 
#صباح_الخير
#صباح_السعادة
#شرح_حكم_ابن_عطاءالله 
#مولدالحبيب 
#صلواعليه 
#صباح_الحب_للحبيب 
#يوم_ميلادك_اشرقت_الارض
#الدعاءنوروقبول



#الشكررحمةربك



#كن_له_يكن_لك



‎#صباح_الفل



‎#Buongiorno 



‎#guenaydin 



‎#BuenosDias 



‎#GoodEvening



‎#مساء_الفل ‎#مساء_الخير_والسعاده 



‎#مساء_الخير 
انت من تكتب قصه حياتك يوم بيوم فقط اغسل نفسك كل صباح بكل مايتعلق بالماضي رسول الله صل الله عليه وسلم علمنا تلات لو قلناها غفرت ذنوبنا ولكنا فارين من الزحف اي أشد ذنب ممكن يقترفه انسانةالفرار يوم الزحف ومع ذلك بشرنا الحبيب وقال من قالها ثلاث غفرت ذنوبه ولو كان فأرا من الزحف وهما استغفر الله العظيم الذي لا إله إلا هو الحي القيوم واتوب اليه ربي اغفر ثلاث مرات كده اغتسلت من كل ذنوبك زعلان ليه بقه افتح صدرك للحياه وانزل بطاقه حب طاقه نور انك هتكون النتا عاوزو مش ال الناس عوزاه تحرر من اي عقد امسح صندوقك الأسود وذلك كل صباح ستجد حياتك تمشي في الاتجاه ال نتا عاوز في خلال ٤٠ يوم فقط ‏‏ مثلثك... توازن.. عقل... روح... جسد بهم تكن اسعد الناس

تعليقات

  1. ياربي حسن اخلاقنا وحسن عبادتنا حتي نعبدك وكأننا نراك وكملنا بأسمائك إكتمال لانقص فيه نسئلك بكل أسم هو لك سميت به نفسك ان توجه وجوهنا لك وحدك ربنا لك وجهنا وجوهنا فاقبل الينا بوجهك الكريم وأستقبلنا بمحض عفوك وكرمك وانتا ضاحك الينا وراضي عنا برحمتك يا ارحم الراحمين
    #

    ردحذف

إرسال تعليق