واجب التالت التأني من شهر رمضان المبارك

 رد القراء علي المقال 

س.ر 

هو ده ياماما احساسي والله من يومين اني مش مستقره حسا بعدم استقرار مهزوزه كده رجلي مش ثابته 

عايزه اكبر كده مش عايزه اكون عيله صغيره خلاص مفيش وقت للكلام ده 

بس احساسي أن ربنا عايز مني حاجه وانا مش فاهمها انا تقريبا بتبستر زي الجو اليومين دول يوم ساقع ويوم حر طب يارب بسبب ذنب حد 

طب عشان مش عايزني أتوه واغفل عايزني مصحصحه 

حسا أن في حلقه مفقوده في فهمي

بس ياماما في خاطر رايح جاي عليا من اول رمضان ازاي مدفعش ضريبه 

وان كل حاجه حلوه بعملها لازم تدفع مقابلها ضريبه 

طب ايه العمل اللي يخلي دنيا ماشيه تمام من غير نكد في البيت

 س.س 

طب انا عندي سؤال مش واصلي معني الرشد يعني ايه الرشد يعني رزانه أو عقل ولا ايه 

لما ادعي لربنا يلهمني الرشد ايه 

احسو ازاي أو الرشد ده عباره عن ايه 

هل معناه اني اسيب موبيل بس انا كده كده ناويه اسيب الموبيل من اول العشره التانين لاني هوقف شغلي

وهيبقي تعاملي معاه سطحي بس مش فاهمه معني الرشد المقصود بيها الرزانه أو عقل ولا مقصود بيها ايه

 انا كنت في غيابت الجب يلتقتني بعض السياره كان عندي امبارح 45 واحد بيفطرو.عمري ماعملتها ولا عزمت حد ولا اتعزمت عند حد 

ربنا أراد اعمل حاجه عشان الناس الميته دي عايزه افرحها لان في رمضان هدفي اني اسعد الناس من رجب لما قولت ليكم حضرو البذره بتاعتكو كانت نيتي اني اسعد الناس 

واكون سبب في اسعاد البشر لسا واخده بالي لما اخدت قرار اني أعزم العيله مكنتش عارفه وبقولهم مش عارفه أنا بعمل كده ليه لما رجعت النيه من اول رجب عرفت اني كنت عامله كده عشان تحقيق للنيه الاولي من شهر رجب 

اتمني يارب يكون انبسطو والدنيا كانت تمام الحمدلله 

عشان كده كنت مشغوله عنكو ومتكلمتش امبارح 

انا فخوره بيكي يا س.ر انك فاهمه واعيه وبتعرفي تحللي نفسك تقريبا انتي الوحيده اللي شاطره في حته التحليل لشخصيتك لكن ينقصك شي واحد بس كل متيجي تحطي رجلك علي أول الطريق وتتحركي وتخدي خطوه ايجابيه تلاقي نفسك واقفه في مكانك وبتخافي تكملي يعني احنا قولنا نمره واحد انك تخدي قرار نمره اتنين انك تستمري علي القرار ده لمده اربعين يوم 

فبيجلك قرار تاني او انا بتكلم في حاجه تاني يوم فبتتلحوس طب انا اعمل انهي واحده فيهم

 لا انا عايزاكي القرار 

اللي بتخدي في فرق حاجه لمست قلبي من كلام اللي انا قولتو ده كلو وتخدي وتكتبي وتقولي خلاص ده أربعين يوم هقعد عليه 

أربعين يوم يعني هتابع نفسي كل يوم بالورقه والقلم زي متكوني بتذكري عارفه اللي بيذاكر في ماده معينه كده هيمتحن فيها قاعد بيذاكرها شغال ومركز ويوميا ماسك الورقه والقلم يبقي كلمه القرار وتحمل مسؤليه القرار بتاعي يعني يتابعها توقيت زمني يتابعها متابعه معها ورقه وقلم 

ده صدق التغير التكه دي انتي محتاجلها هتمشي يومين تلاته وبتقعي انتي لو عملتي كده ودوقتيها في حاجه واحده بس صدقيني هتحسي بالانتصار علي نفسك ويالا بقي جو اون هنبتدي نمسك ليفل ليفل ونخلصوا مع نفسنا 

بالنسبه س.م حبيبه قلبي انا عاجبني التحدي وتكوني انتي في تلت تاني انتي الأولي وانتي ليه كنتي مره دي كنتي تانيه لانك كنتي بتروحي وبتغيبي كنتي لسا في بدايه عارفين غربال جديد ليه شده في بدايه رمضان بس لا انتي بطله العالم في انك عرفتي ازاي تتحكمي في مشاعرك من ناحيه حماتك وانا عارفه انها جت تلقائيا بس هي مش تلقائيا خودي بالك هي في الحقيقه بسبب المسابقه اللي احنا عملنا بتاعت القران انك ركزتي في شيء تاني مركزتيش فيهم 

فاكرين زمان لما قولتلكو لما تيجي تركزي في الهدف الكبير حاجات صغيره تافاهات بتاعت دنيا بتموت في نظرك 

كل مبتركزي في ربنا كل ماامور الدنيا بتتفه قدام عنيكي لا انتي بطله وشاطره وان شاء الله تطلعي الأولي في تلت تاني 

ايه معني الرشد وأتيناه رشده والحكمه وفصل الخطاب دي درجه من درجات الحكمه يعني قبل ليفل اللي قبل حكمه احنا عاده متعودين لما نيجي نطلع مراتب مع ربنا في التوكل الصبر الحب اي درجه من درجات اللي احنا بنطلع فيها لربنا بيجي الحكمه وكلنا نفسنا فيها  ومن أوتي الحكمه فقد أوتي خيرا كثيرا زي الذكر الكثير 

كثيرا دي فرايتي تحسي أن في خير كتير عندك مش فاهمه ده جيلك منين لو انتي حطيتي  الحكمه هدف الليفل اللي قبل حكمه الرشد قبل متوصلي لدرجه الحكمه 

الحكمه اللي هي ان تكون دنيا كلها قدامك بين قوسين اللي هو جايبها من الاخر زي مااحنا بنقول كده في العصر بتاعنا مهكره الدنيا كلمه حكمه يعني حد هكر الدنيا هكرها يعني عرف أولها من آخرها عرف يعني مفتاح بتاع كل حاجه فيها عامله ازاي 

دي بتيجي من الخبره اما خبره في دنيا ومرمطه وحد الدنيا غسلتو وكويتو ودخل جوه الغساله كذا مره 

او حد حاطت الموضوع في دماغو حتي لو صغير وفي 30 هاخد قرار في ليفل الحكمه ده بعد سنه فبتالي هتجيلك مشاكل كتيره جدا ليه اي ماده بختارها بمتحن فيها طب انا اخترت الحكمه ايه الامتحانات بتاعت الحكمه ايه تفاصيل اللي هدخل فيها هتخشي في مشاكل 

مشاكل كتير هيقولك تعالي نحلها وانتي دخلتي في ليفل ده لما أهل جوزك جم وقالو حلي مشكله بتاعت حماتك إذ الرشد معناه العقل السليم اللي بيحط كل شيء في مكانه مفيش هوا بيحكمو مبيجيش ناحيه الشمال شويه وناحيه اليمين شويه الإنسان اللي عنده هوا حكمه دائما مش في مكانه ويميل الي حد ناحيتي وحد ناحيتي بس مجرد بتخدي ليفل بتاع الرشد انتي بتوصلي للمرحله

إن مش هواكي اللي بيحكم انتي اللي بتحكمني بعقلك علي تصرفاتك انتي اخدتي قرار ده 

تفاصيل بتاعت الرشد اولا الموبيل من اول متخدي قرار أن موبيل ده يكون ساعه واحده في اليوم أو ساعتين بكتير تأكدي انك وقفتي علي أول طريق الرشد 

وبعدين اقعدي دربي نفسك في أي مشكله بتحصل أو اطلعي بره مشكلتك تماما انتي جوه الحدث وبره الحدث واحده قاعده جوه المشكله واحده بره واقفه من فوق وباصه علي مشكله لو حطيتي ده في دماغك مع كل مشكله بتقابليها انتي كده دخلتي في دائره الرشد خلاص عقلك اشتغل الرشد هو العقل الذي يحكم علي عاطفه مش العاطفه اللي بتحكم علي عقل زي موضوع العقل الباطن والعقل الظاهر انا ازاي امشي عقلي الباطن  اول مشوف  من نفسي تصرف معين بعملوا من العقل الباطن واقفشوا 

واجي اقولو ايه اللي انا بعملوا ده ودي حاجه اتعلمتها من سنين مش احنا اتفقنا أننا نرميها من اعلي جبل رجعتلي ليه تاني انا هنا عندي رشد انا هنا وعيت لدرجه ان انا باخد تصرف في العقل الباطن وبصلحوا يبقي انا كده عقلي في راسي كلمه عقل هو الرشد التحكم في الأشياء اطلع بره الليفل واعرف احكم علي كل أمور من منظور عقلي مش عاطفي انتي كده بقيتي تمام كن اني اتكلم عن الرشد مع البنات في دي معناها ايه اللي يجي يسمعني يقولي انتي مجنونه رايحه تتكلمي للبنات تقولي حاجه زي كده لان انا واثقه في العصر بتاعنا ده مفيش رجال ذكور فقط ودايما كلمه دي بتستفز الشباب انت مش راجل انت ذكر في فرق كلمه راجل تطلق علي المراه والرجل كلمه رجل يعني هي صفه وليست مسمي الراجل هي صفه انتي لو وصلتي لدرجه الرشد انتي بقيتي راجل يعني تحكمي علي أمور بمنطقيه وبعقل ومفيش هوا وتقعدي في اي حته مع الف حد وتعرفي تتكلمي معاهم بعقل لاكن دلوقتي في العصر اللي احنا في اللي بيقولو عليهم رجاله دول هما مفيش كلام ده بقي نسبه 1% من الموجودين دائما حولينا الي تلاقي واحد طالع كده راشد وعاقل وبيتكلم بمنطقيه وكلام مترصص وفاهم اولو من اخرو فين 

احنا إن شاء الله نوصل للدرجه دي في رمضان الاحسان يوصلنا ليها انك تتغاضي عن عيوب الآخرين توصلك ليها السلام الداخلي اللي انتي في يوصلك ليها باذن الله

واجب النهارده لمدة ٣ ايام✋

حزب البحر ٣٣ مره

اية الكرسي  ٣٣ مره

الفاتحة ٣٣ مره

إِلَهِي أَنْتَ قُلْتَ وَ قَوْلُكَ الْحَقُّ ﴿ يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا * وَسَبِّحُوهُ بُكْرَةً وَأَصِيلًا ﴾ ، وَ قُلْتَ وَ قَوْلُكَ الْحَقُّ ﴿ فَاذْكُرُونِي أَذْكُرْكُمْ ... ﴾ 

فَأَمَرْتَنَا بِذِكْرِكَ وَ وَعَدْتَنَا عَلَيْهِ أَنْ تَذْكُرَنَا ، تَشْرِيفاً لَنَا وَ تَفْخِيماً وَ إِعْظَاماً وَ هَا نَحْنُ ذَاكِرُوكَ كَمَا أَمَرْتَنَا فَأَنْجِزْ لَنَا مَا وَعَدْتَنَا يَا ذَاكِرَ الذَّاكِرِينَ   وَ يَا أَرْحَمَ الرَّاحِمِينَ