أعلان الهيدر

السبت، 10 أكتوبر 2020

الرئيسية واردات اسم الله الباسط

واردات اسم الله الباسط

 ‏كل ما طلعنا سلم من سلالم اسماء الله وتنفسناها وتأملناها استشعرنا عظمة وجلال الله فينا

 وفي أنفسكم أفلا تبصرون كنا فين وبقينا فين مع كل اسم تحس انك بتكتمل بشكل ما

 لكن لسة مش عار ف فين الاكتمال في اي مكان تم اكتمالي 

ولكني أشعر انني عطشا كلما تعلمت وتأملت عطشت اكتر للمزيد وكأني لم أعرف شئ قبلها وسبحان الله الباسط الذي تري بسطة فية كل جميل

عارف يعني ايه اسم الله الباسط ؟

جاي من  التساهيل والتبسيط .. 

ف إعتبر الكلام ده رساله جيالك من ربنا الباسط

 بيبشرك إنه هيسهل امورك ويكتر رزقك ويفرح قلبك 

 فـ أقرب وقت بإذن الله .. هانت بس انتا ابدء بالتوبة كل متنظف اكتر ربنا يبسطهالك لو ان اهل القري امنو واتقوا لفتحنا عيلهم بركات من السماء

طيب حال البسط ده اجيبو ازاي ؟

كلما فتحت صفحة جديدة جالك البسط

واحنا اتعلمنا قبل كده كل يوم افتح صفحة جديدة احساسك انك بتقطع ورقة اليوم الفات من احزانو وافراحو احساس منعش انك هنبدء من جديد وال فات مات خلاص امبارح مش موجود وبكرة طبعا مش موجود مش ضامن اعيشو يبقي لحظتي النهاردة هيا الملموسة والمحسوسة ليا الان

 طيب اما اصحي من نومي واردد علي قلبي اليوم جديد وعلي عملي شهيد واقول استغفر الله الذي لا إله إلا هو الحي القيوم واتوب الية ربي اغفر ثلاث مرات

  واقولها بكل قوة وصدق ويقين خلاص غفرت ذنوبي كلها بح خلاص

يلا بقة قوم اتوضئ وصلي ركعتي حاول متفكرش غير أن سيدنا النبي بيتفرج عليك كاميرات سيدنا الحبيب 

كاميرات الحب شوف اد اية لما بتحب حد بتقعد تبص علية ازاي بتحب تتأمل ملامحو بتحب تتفرج علية  هو بيعيش حياتو ازاي اهو استشعار ان حبيبك بيتفرج عليك وانتا بتبني يومك الجديد بطريقة بسيطة باسم الله الباسط وتقولها بكل قلبك ابسطها ياباسط

أقرب الناس لله البسطاء اي ال مش بيكبر الأمور بياخد كل حاجة ببساطة  من يأخذ أمورة ببساطة رب البسط يبسطها علية  يسهل لية حياتو اما من يعقدها فستتعقد علية حياتك

  بفكرك ترسم حياتك فارسمها صح وابسطها بابتسامة صباحية للحياة وخد كل امورك ببساطة

 مفيش حاجة تستاهل كل امورك ستتيسر بص لكل الفات اهو عدي وال جاي هيعدي المهم يعدي وانتا راضي عن نفسك حتي يرضي الله عنك ورضاك هذا يأتى بتجديد توبتك كل صباح وتمذيق كل مافات من سيئات وبدء حياة جديدة ويوم جديد وسيكون علي عملي شهيد فاسغتنم كل لحظة فية 

اللهم ابسط علينا باسمك الباسط بسط الرزق والروح وسهل حياتنا بحبيبك ياربي اجعل حياتنا حب وبسط سهل لنا لك أمورنا وأرنا الدنيا بعين حبيبك ياربي بنظرة البسط ابسطها ياباسط

‎ 

هناك تعليقان (2):

  1. يارب ارنا الدنيا بعين حبيبك صل الله عليه وسلم

    ردحذف
  2. اللهم ابسط علينا باسمك الباسط بسط الرزق والروح وسهل حياتنا بحبيبك ياربي اجعل حياتنا حب وبسط سهل لنا لك أمورنا وأرنا الدنيا بعين حبيبك ياربي بنظرة البسط ابسطها ياباسط

    ردحذف

يتم التشغيل بواسطة Blogger.